Ég er ekkert sérlega spenntur yfir 420 kubbasettinu. NVidia er strax búið að gera nýtt kubbasett sem er betra. Það verður spennandi að sjá NVidia næstu mánuði en akkúrat núna er þetta ekki tilbúið hjá þeim.

Ég myndi ennþá segja að bestu kubbasettin séu: SIS 735 (og 745) og AMD 761. Þau eru best vegna þess að þau eru orðin nokkuð reynd og fá vandræði fylgja þeim.

SIS 735 á reyndar aðallega við það vandamál að framleiðendurnir sem hafa tekið það upp eru margir ekkert sérlega merkilegir (rusl eins og ECS og Chaintech) en góðir framleiðendur eins og ASUS og Leadtek hafa líka tekið það upp. Ég hef líka verið að lesa á netinu að móðurborð með þessu kubbasetti geti átt í erfiðleikum við að taka fleiri en 4 USB tæki (fer eftir notaðri bandvídd) á ‘'onboard controllernum’'.

Aðalgallarnir við AMD 761 er hvað AMD hefur lítinn áhuga á því og hversu dýrt það er í framleiðslu. AMD 761 móðurborð eru oft á rúmmlega 20.000 kr þrátt fyrir að vera ársgömul.

VIA 266A fer að verða ágætt kubbasett bráðlega, en ennþá eru að finnast alvarlegir ágallar á því. VIA hefur verið að klúðra IDE útsetningum. Það er samt ekkert sem venjulegir notendur geta framkallað. Til þess þarf nokkuð öflug tæki.

Það mest spennandi sem að gerast í AMD kubbasettum er MPX dual kubbasettið. Það er byggt á ‘'gamla’' MP kubbasettinu sem aðeins TYAN fékk að selja. Þetta verða mjög flott móðurborð sem eiga eftir að verða spennandi kostur fyrir alla alvöru ‘'Power’' notendur. Ég er mest spenntur fyrir móðurborðinu sem kemur frá þýska framleiðandanum Gigabyte en það er að verða allra flottasti móðurborða framleiðandi í heimi.