Þetta er HOAX eða = GABB
og hefur verið að gerast bæði hjá símanum og OgVodafone.

Ekki láta þetta trufla þig og ekki gera neitt í málinu.

Tekið af vef OgVodafone:
Farsímanotendur ættu að eyða ruslsendingum – ekki fara eftir þeim 21.6.2006

Hópur farsímanotenda hjá Og Vodafone hefur að undanförnu fengið SMS um að hann hafi verið skráður á erlenda stefnumótasíðu. Þessi sending er ruslpóstur sem viðskiptavinir eiga alls ekki að taka mark á. Af skilaboðunum má ráða að tveir bandaríkjadalir verði skuldfærðir af símreikningi á hverjum degi, en engin ástæða er til að óttast slíkt.

Ekki er um raunverulega stefnumótaþjónustu að ræða, heldur eru hér einungis óprúttnir aðilar á ferð sem senda SMS á notendur sem valdir eru af handahófi. Reynt er að blekkja viðkomandi til þess að hlaða niður ruslforriti í tölvur sínar, undir því yfirskini að verið sé að afskrá símanúmerið.

Engin ástæða er til að bregðast við þessum smáskilaboðum með öðrum hætti en að eyða þeim, ekki skal fara á viðkomandi vefsíðu og alls ekki gefa upp símanúmer eða hlaða niður hugbúnaði.



Nánari upplýsingar eru veittar í síma 1414.