Hefurðu nokkuð heyrt um vírus sem dreifir sér með miklum hraða um heiminn þessa dagana?

Eftirfarandi var birt í Morgunblaðinu nýlega.
FBI leitar að höfundi tölvuormsins Sasser

Senda frétt
Leita í fréttum mbl.is
Fréttir vikunnar
Prenta frétt
Bandaríska alríkislögreglan FBI hefur hafið rannsókn á dreifingu á tölvuorminum Sasser og gerir vonir um að hafa uppi á höfundi hans, en ormurinn hefur smitað ríflega milljón tölvur um heim allan. Ormurinn kom fram á sjónvarsviðið um liðna helgi, en hann dreifir sér milliliðalaust um Netið í stað þess að reiða sig á viðhengi tölvupósta.

Hann keyrir forrit sem gerir það að verkum að smitaðar tölvur slökkva og kveikja á sér án þess að notandi fái neitt við ráðið. Ormurinn hefur því valdið miklum vandræðum meðal tölvunotenda, einkum í fyrirtækjum. Microsoft, sem framleiðir Windows-stýrikerfið, segir að FBI hafi tekið kóða ormsins til rannsóknar í von um að finna upplýsingar sem geta leitt til höfundar hans. Þá hefur fyrirtækið greint frá því að rúmlega 1,5 milljónir Windows-notenda hafi heimsótt vefsíðu á vegum Microsoft sem gerir þeim mögulegt að hreinsa tölvur sínar af Sasser 48 klukkustundum eftir að hann lét til skarar skríða á Netinu.

Vitað er til þess að Sasser hafi smitað þúsundir véla í Deutsche Post og gerði starfsfólki ókleift að halda starfi sínu áfram. Þá var vart við Sasser í skrifstofum Framkvæmdastjórnar Evrópuráðsins og loka þurfti fjölmörgum spítölum í New Orleans í Bandaríkjunum tímabundið vegna ormsins.

Þá er vitað að ormurinn getur smitað vélar sem keyra Windows 2000 og XP og hafa ekki uppfærslu gegn Sasser eða eru verndaðar með eldveggi. Þá er talið að Sasser geti dreift sér með aðstoð véla sem keyra á Windows 95, 98 og ME án þess að smita þær.

Hér er linkur til að fjarlæga orminn.
http://securityresponse.symantec.com/avcenter/venc/data/w32.sasser.removal.tool.html