Ég efast um að þú fáir stærri örgjörva sem passar í þetta móðurborð í einhverri tölvubúð. Ef þeir eiga hann til rukka þeir þig um handlegg og fótlegg fyrir það. Þú gætir samt prófað <a href="
http://www.molar.is/listar/partalistinn">partalistann</a>.
Það er yfirleitt ekki mikið mál að skipta um örgjörva en það er samt meira mál en að setja inn harðann disk eða minni. Það fer reyndar svolítið eftir því hvernig þú stillir örgjörvann á móðurborðinu þínu, í BIOSnum eða með jumperum, og hvort að örgjörvinn sé slot (ílangur og stendur upp úr móðurborðinu) eða socket (flatur og ferhyrndur).
Annars ef þú kaupir þér nýtt sett, móbó, örra og minni, þá mæli ég með því að þú fáir þér allavega DDR. Þú ert líklega með SDRAM núna sem er orðið úrelt og það borgar sig ekki að fjárfesta í þannig móðurborði bara til að geta notað gamla minnið. Ég set yfirleitt ekki miklar kröfur um örgjörva, amsk. ekki í svona almenna vinnslu. Þar að auki er það aðallega skjákortið sem sér um grafíkina…
Varðandi nákvæmlega hvaða búnað þú ættir að kaupa þá er það mjög afstætt hvað er best hverju sinni. Þú ættir allavega að setja þér takmörk. Td. ekki eyða meira en 40.000kr. Það bæði auðveldar þér valið með því að útiloka margar vörur og það kemur í veg fyrir að þú fallir í þá gryfju að bæta alltaf við 3000kr fyrir auka 10gb eða 3000kr fyri auka 200MHz og enda með því að bæta kannski við 20.000kr.