Alfredh fyrir 21 árum, 7 mánuðum Fjöldi lestra: 1766

Laser eða bleksprautu?

Ég er að fríka út á gömlum Epson bleksprautuprentara sem er svo hávær, hægvirkur og blekhylkin í hann eru dýrari en prentarinn sjálfur! Hvað á maður að kaupa, laser eða bleksprautu, og hvað þá?

Best væri að finna góðan geislaprentara (laser prentara). Hann þyrfti að vera svona Home / Small Office týpa. Prentkostnaðurinn á hverja blaðsíðu má ekki vera óeðlilega hár. Ég finn bara engan samanburð á prenturum á netinu þar sem borinn er saman kostnaður á hverja blaðsíðu. Verðið á prentaranum þyrfti að vera svona 20-50 þúsund. Ekki miklu dýrari alla vega.

Svo væri nú ekki verra ef hægt væri að nota hann með Linux.
Mætti alveg vera með postscript stuðning en ég held að þeir séu svo dýrir?

Einhver sem getur deilt reynslu og visku sinni í þessum málum?

icecat fyrir 21 árum, 7 mánuðum

Þetta fer algjörlega eftir því í hvað þú ætlar að nota prentarann.
Ertu t.d. með dosforrit, þarftu að prenta út í lit, þarftu að tengja hann yfir net ?
Þeir sem hafa komið langbest út og ég bendi mínum viðskiptavinum á að kaupa sem þurfa svart/hvítan og eru ekki með DOS né net er t.d.
OKIPage 8w, 600dpi laser eða HP Laser Jet 1000W laser með 10 bls. á mín, 600x1200dpi sem er aðeins ódýrari. HP er allavega efst á mínum lista í prentaramálum.

Ef þú ert með DOS þá verður að vera paralell tenging þar sem DOSinn skilur ekki USB. Þá er td. HP Laser Jet 1200 laser með 14 blaðsíður á mín, 1200dpi, 8mb Paralell/USB sem er rosa góður á um það bil 45.000.-

Ef þú þarft að prenta út í lit þá koma mjög margir til greina, bæði HP og Canon sem ég get mælt með.
IceCat

Fyrra álit

Alfredh fyrir 21 árum, 7 mánuðum

Gott að fá álit manna á prenturum. Ég hef lítið séð rætt um þetta nema í einum greinaskrifum sem tengdust Prentara-vandamáli.

Held að fólk geri oft slæm kaup í prenturum.
Mér skilst að það séu málaferli í gangi núna í U.S. vegna okurverðs á tónerhylkjum. Eftir að fólk hefur keypt ódýran prentara þá fær það áfall yfir verðinu á hylkjunum. Svo er víst HP að selja eitthver Economic hylki sem eru bara minna en hálftóm og því hvert hvert blað dýrara en með venjulegum hylkjum.

Sjálfur var aðallega að spá í svart/hvítan prentara bæði til að hafa heima og svo annan fyrir litla skrifstofu. Það eru nokkuð margir að spyrja mann út í hvaða prentara eigi að kaupa. Aðallega til að prenta út greinar/skjöl o.fl. Ekkert DOS, bara Win og Linux, stundum Apple.

Takk fyrir svörin, ég mun kíkja á þessa prentara sem hafa verið nefndir.

Hvað eru svo menn að kvarta yfir hvað séu greinar og hvað ekki. Hef aldrei séð þá skilgreiningu. Á sú umræða ekki heima á korkinum! :)

Fyrra álit

icecat fyrir 21 árum, 7 mánuðum

Heheheh…nákvæmlega :)

Einhver minntist á Brother prentara og gleymdi ég þeim í fyrra svari mínu. Þegar ég hef verið spurð um ódýra laserprentara þar sem ekki er verið að nota DOS þá hef ég oft bent á Brother, þeir eru seldir í Pennanum.

Eins og einhver segir hér að ofan þá er ekki hægt að jafna saman gæðum á útprentun á svart/hvítum greinum úr laser og bleksprautu.

Það tekur ekki laserprentara langan tíma að hita sig upp, allavega hef ég ekki lent í því að geta ekki beðið 4 sek. eftir skjalinu mínu úr prentaranum.

Endilega láttu vita hvaða prentara þú kaupir og svo hvernig hann reynist, kostnaður og þess háttar þegar þú ert búin að prófa hann.
Gangi þér vel í leitinni !

IceCat

Fyrra álit

lhg fyrir 21 árum, 7 mánuðum

Viltu endilega laser? Málið er að ef þú kaupir þér ódýran laser, þá gætirðu verið að fá jafn hraðvirkan eða hraðari bleksprautu fyrir sama verð og með laser færðu ekki lit nema þú sért tilbúinn að eyða multi pening. Svo eru þeir oft hægir í gang, alla vega þeir sem ég hef kynnst þar sem ég hef verið að vinna.

Samt.. ef þig langar í laser, þá er um að gera að skella sér á einn svoleiðis :)

Ég á núna Lexmark sambyggðan skanner og prentara og hefur reynst vel. Ég átti áður Canon og hann var frekar leiðinlegur, reyndar mjög ódýr týpa. Ég hef líka kynnst HP þar sem ég hef verið að vinna og þeir eru fínir.

Fyrra álit

icecat fyrir 21 árum, 7 mánuðum

Það er yfirleitt meiri hávaði í bleksprautuprenturum og ef þú er bara að prenta út skjöl úr Word eða eitthvað þá mæli ég hiklaust með laser.
Ég er þjónusturáðgjafi fyrir ákveðið forrit hér í bæ og hef prófaða sennilega yfir 1000 prentara og veit hvað ég syng :)
En um leið og þú vilt hafa möguleikann á lit þá kemur náttla ekkert annað en bleksprauta til greina.
Ég hef reyndar ekki enn fundið þann bleksprautuprentara sem ekki klessir einstakasinnum á blaðið.
KVeðja,
Icecat

Fyrra álit

HinrikSig fyrir 21 árum, 7 mánuðum

Hægir í gang? Það tekur laserprentara nokkrar sekúndur að kveikja á sér síðan ðrenta þeir miklu hraðar en bleksprautuprentarar.

___________

Fyrra álit

Rx7 fyrir 21 árum, 7 mánuðum

Þetta er ekki grein. Spurningar eiga heima á korkunum. Karlh hvað ert þú að spá?

Rx7

Fyrra álit

icecat fyrir 21 árum, 7 mánuðum

Fyrirgefðu en mér finnst þetta efni í ágæta grein og góðar umræður eru að skapast varðandi prentara. Hefði þetta verið stutt spurning þá hefði verið hægt að senda þetta á korkinn en þetta er fín grein.
IceCat Admin á hugi.is/ketti

Fyrra álit

Kalli fyrir 21 árum, 7 mánuðum

Á Tomshardware er umfjöllun um nokkra bleksprautuprentara. Hugsanlega er þar að finna eitthvað fleira sem nýtist þér.

http://www.tomshardware.com/consumer/01q4/01121 2/index.html

Fyrra álit

porky fyrir 21 árum, 7 mánuðum

Ég keypti mér fyrir nokkrum mánuðum HP 1220C prentara sem ég nota mjög mikið. Ég prenta út mikið af bæði teikningum og texta á hverjum degi. Ég er búinn að eiga þennan prentara síðan í mars og hef ekki ennþá skipt um blekhylki í honum reyndar var ekki mikil notkun á honum í 6 vikur í sumar. En ég get ekki verið annað er ánægður með þennan prentara og hann er snöggur og hljóðlátur.
Ég átti Epson 640 sem reyndar dugaði vel og dugar enn en hann var svo hávær. En það er kannski ekki sanngjarnt að bera saman 35 þús kr A3 prentara og 10.þús kr prentara.

En allavega þá mæli ég með HP…

Gerðu hlutina almennilega eða vertu heima.

Fyrra álit

boossmio fyrir 21 árum, 7 mánuðum

Ég vill bara benda á að ef þér finnst blekhylki dýr þá færðu áfall þegar þú skoðar verðið á tónerum. Það er líka dýrara að gera við laser.

Í rauninni er ólíklegt að þú sleppir ódýrara með laser prentara en bleksprautu.

Kostirnir við laser eru varla fleiri en hraðinn - þ.e. þegar hann er búinn að hita sig upp. Svo langar mig að benda á að ódýrir laser prentarar eru lengi að hita sig og lengi að prenta. Ég mæli með dýrum bleksprautuprentara.

PS: Ég hef mesta reynslu af HP, OKI laserprentarar eru kannski ódýrari.

“Ef konur væru með 3 brjóst, væru menn þá með 3 hendur?”, boossmio

Fyrra álit

gudoli fyrir 21 árum, 7 mánuðum

Ég á HP 930c og ég þarf bara að kaupa blekhylki á svona 6 mán fresti.

og ég er sammála Rx7 , þetta er ekki grein…

Fyrra álit

BOSS fyrir 21 árum, 7 mánuðum

Ég á og hef átt nokkra laser og bleksprautu prentara. Það er ekki hægt að líkja þeim beint saman því að texti prentaður úr bleksprautuprentara nær aldrei gæðum laser prentara.
Ef að þú ert að spá alvarlega í laser mæli ég með að þú skoðir Brother í Pennanum. Ég keypti HL-1450 í vor sem kostaði minnir mig 45000 kall. Hann er 1200x1200 dpi, postscript level 2, OCR og svo frv. Frábær græja á góðu verði. Ég skoðaði líka HP og sambærilegur var á 140000 kall! (þurfti OCR til að gera greiðsluseðla).

Í blekinu kemmst ekkert nálægt Epson gæðum.

BOSS

There are only 10 types of people in the world:

Fyrra álit

Hlynzi fyrir 21 árum, 7 mánuðum

Ég ætla að benda á það að ódýrari Laser prentarar eru mjög sennilega svart/hvítir , ekki með lit, og ástæðan fyrir því að flestir prentarar eru ódýrir er sú að blekið er fokking dýrt. Þessvegna gæti maður fengið prentar á 2000 kall , og blek á 20.000 kr.

Fyrra álit

UglyKidJoe fyrir 21 árum, 7 mánuðum

Það er náttúrulega alveg ömurlegt að vera með lazer prentara eingöngu og geta aldrei prentað neitt út í lit ! mig hryllir við tilhugsuninni :)
Það sem mest vit er í að mínu áliti er góður HP prentari þeir eru áreiðanlegir bila nánast aldrei og blekið ENDIST OG ENDIST OG ENDIST OG ENDIST ég er meira að segja að hanna og prenta nafnspjöld fyrir fyrirtæki og þarf að prenta út 50 eintök í fjórlit báðum megin notabene ! til að fá 500 spjöld, þetta geri ég ca 1 sinni í mánuði + það sem ég nota prentarann heima í allskonar útprentarir og í hvert sinn sem blekið klárast þá hugsa ég ÞAÐ VAR MIKIÐ, ég hélt að þetta ætlaði aldrei að verða búið ! ( ég er ekki að grínast )
ég kaupi mér oftast hylki til að eiga svo ég verði ekki lens þegar blekið þrýtur og einusinni hafði ég áhyggjur af að það myndi eyðileggjast hjá mér blekið afþví það var oní skúffu í fleiri mánuði en þetta er fín ending í þessum hylkjum þannig að það slapp alveg.
Það sem mér finnst meðal annars vera kostur við bleksprautuprentara er að hann úðar blekinu á blaðið en lazer prentari brennir svertuna á blaðið og þú getur ekki sett neinn glanspappír í lazer svertan bara festist ekki á blaðinu ! þetta er ekkert vandamál með bleksprautuprentara notaðu bara þann pappír sem þú vilt og fáðu prentað í LIT þessvegna, Þeir eru líka orðnir mjög hraðvirkir.
Lazerprentarar eiga að mínu viti heima í fyrirtækjum sem þurfa að prenta út texta og ekkert nema texta, á venjulegan 80-90 gr. pappír lazerprentarar henta ekki í neitt annað.

Bleksprautuprentarar bera höfuð og herðar yfir þá og þá einkum og sér í lagi HEWLETT PACKARD !!!

Takk og veldu nú rétt :)
Kveðja
myfamily

Fyrra álit

UglyKidJoe fyrir 21 árum, 7 mánuðum

Ég var rétt í þessu að fá Penna-blaðið inn um lúguna þar er að finna þennan líka flotta HP prentara á 17.900.- sem er nú ekkert voðalegt

Bleksprautuprentari, HP DeskJet 5550
17 bls.á mín í svart/hvítu, 12 bls.í lit. !!! PhotoRet IV upplausn 4800 dpi 6 lita kerfi. Windows, XP og Mac reklar. Cancel takki og það sem helst hefur vantað í HP prentarana = sýnileg notkun á bleki, 100 bls.pappírsbakki.

Þetta er asskoti girnilegur prentari.

myfamily

Fyrra álit

88krat fyrir 21 árum, 6 mánuðum

Það er ekki gott að nota laser á myndir sem þú ert að prenta nema þú kaupir fyrir mikinn pening

Fyrra álit

hrollur fyrir 21 árum, 6 mánuðum

Ég er búin að eiga HP LaserJet 4L laser prentara í 6 ár, keypti hann sínum tíma á tilboði á endalausum raðgreiðslum. Hef aldrei séð eftir því. Þrælgóður, kveikir á sér þegar tölvan sendir honum skjal, slekkur sjálfkrafa á sér eftir ákveðinn tíma að prentun lokinni. Hitar sig upp í heilar 5 sekúndur. Hefur einu sinni bilað, tannhjól brotnaði, ég skipti um stykkið sjálf. Tónerinn er dýr, kominn upp í ca. 7.000-8.000 kr. EN ég prenta a.m.k. 7.000-8.000 síður á hvern tóner! Það gerir 1 kr. á hvert blað… Hvað prentarðu mikið magn á ári? Tónerinn gæti dugað þér í 2-3 ár eða jafnvel lengur.

Ég leysti þetta vandamál með svarthvíta eða litaprentun á mjög einfaldan hátt! Ég nota laserinn fyrir allan texta og efni af netinu sem ekki þarf að vera í lit og litmyndir og ljósmyndirnar prenta ég út á 15.000 kr. ágætan Canon litableksprautuprentara.

Ef þú hefur ekki efni á að fá þér hvort tveggja, athugaðu þá hvað vinir þínir eiga. Ef þeir eiga allir bleksprautuprentara geturðu alltaf fengið að prenta út blað og blað hjá þeim í neyð. Þeir koma svo hins vegar til þín þegar þeir þurfa að prenta út 30 síðna (svo ekki sé minnst á 120 síðna) ritgerðirnar!

P.s.
Ein jólin ákváðum ég og vinkona mín að gefa öllum dagbók í jólagjöf. Ég hannaði “vikuna” í tölvunni, þannig að hún passaði á A4 samanbrotna (ein opna=ein vika) or við prentuðum rúm 30 eintök af dagbókinni! 52 vikur + almanak næstu 2 ára + símaskrá + minnisblöð + stundaskrár og fleira sem fór í dagbókina! Þetta gerirðu ekki í bleksprautuprentara!! ;0)

Fyrra álit

Vélbúnaður

Vélbúnaður

Ofurhugar

Stjórnendur

Hverjir eru inni

Greinar

Laser eða bleksprautu?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi