Mér hefur fundist erfitt að finna eitthvað vitrænt á usenet og allir þeir hópar sem ég hef valið/skoðað eru dauðir eða bara rugl á þeim. Ég nota Sharky

Usenet er of stórt og of gamalt til að koma að gagni. Þeir einu sem nota það eru þeir sem voru online fyrir internetbyltinguna svokölluðu þ.e. þegar venjulegt fólk fór að nota netið. Usenet er risaeðla sem er nú þegar dauð. Það eru bara sumir sem fatta það ekki. www er málið í dag (sbr. webmail, webchat o.fl) www gerir mörg forrit óþörf t.d. póstforrit, fréttalesara og IRCforrit.

Sorry, but the future won't wait.

Internetið er auðvita tölvupósturinn!
Grínlaust þá kom e-mail efst í skoðanakönnun yfir hvað fólk notaði á netinu…

Hvað Usenet varðar þá heldur maður sig bara í 2-3 grúppum, það er ofsa mikið rugl sem er þar oft í gangi því miður þannig að maður er með í mesta lagi hálft auga á þessu.

Það er til WWW interface á Usenet ef fólk vill það frekar, www.deja.com er með það.

Ég nota usenet. Það eru tvær til þrjár erlendar grúppur sem ég hangi í enda ekkert að gerast á þeim íslensku.

Ég held að ástæðan fyrir að það koma svona fáir inn á usenet sé að það er bara ekkert kynnt fyrir fólki sem er að fá sér tölvur í dag. Fólk fær sér ókeypis tengingu hjá bankanum sínum sem er ekki með newsserver innifalið.

Jafnvel þó það sé hjá alvöru internetþjónustu þá er mín reynsla að feedið er mjög lélegt og þú missir af helmingnum af greinunum. Ég er ekki viss hvort það sé þjónustunum sjálfum að kenna eða Intís. Maður getur notað deja en þá missir maður út killfile möguleikana og alla sem nota x-no-archive.

Ég fann hins vegar ágætan server sem heitir newsguy.com en það kostar 25 dollara á ári að vera þar í áskrift.

Ég nota sjálfur Usenet grimmt og hef í nokkur ár.

Það eru til menn sem vilja meina að Usenet sé dautt, en þetta eru sömu mennirnir og sögðu á sínum tíma að UNIX væri dautt.

Þ.e.a.s., menn sem álykta að vegna þess að þeir noti það ekki sjálfir, hljóti það að vera dautt.

Síminn var á sínum tíma með ágætan fréttaþjón, þó að ég hafi ekki notað hann heillengi sjálfur, en ég býst fastlega við því að hann sé þarna ennþá.

Svo virðast menn halda að maður þurfi að nota Usenet eins og IRC, þ.e.a.s. þjóna þar sem að sem flestir eru þvaðrandi daginn út og daginn inn, en það er ekkert tilgangurinn með þeim.

Fréttaþjóninn sem ég nota sjálfur mest er news.mozilla.org, sem inniheldur fréttahópa um hina ýmsu þætti þróunar á Mozilla (a.k.a. Netscape 6), og er ég þar í þeim fréttahóp eingöngu sem er í því að þýða Mozilla yfir á hin og þessi tungumál.

Aftur á móti eru fréttaþjónar út um allan heim, fríir og góðir, með spamvörnum og öðru, sem allir geta nýtt sér og fundið mjög merkilega og gagnlega hluti inni á.

Usenet var ekki, er ekki, og mun ekki verða dautt í nánustu framtíð, þó að meðaljóninn hafi ekki einu sinni hugmynd um að það sé til. Eins og ég segi… sama fólkið sem segir það, og hélt því lengi fram að UNIX væri dautt þar til Linux fór inn á heimili allra undir tvítugu. Þetta er bara þröngsýni og vanþekking á efninu. :)

Þar sem ég er Grafík þurs þá væri kannski gott að fá að vita hvernig usenet virkar. Hef mikinn áhuga á þessu.

nörd!!!!!!