Lokaandlitslyfting á Honda NSX áður en nýr bíll kemur árið 2003 er ekki stórtæk en þrátt fyrir það illa misheppnuð. Framendinn minnir á MMC 3000GT þótt að ljósin minni óneitanlega á Fiat Coupe sem er með ólíkt bogadregnari línur. Mark Wan á Autozine (þaðan sem myndin er tekin) minntist á vel heppnaða framljósabreytingu á Lamborghini Diablo en sá bíll fékk ljósin af Nissan 300ZX pog merkilegt nokk litu þau mun betur út á Lambo, einföld og féllu vel við útlit bílsins. Einfalt er oftast það besta.
Þetta er nýji Polo frá VW. Ætti þá að vera 2002 módel. Hann er ekki enn kominn til landsins en hlýtur að verða frumsýndur áður en árið er úti.
Ný Nissan Primera er á leiðinni. Nú má fá að líta nýja útlit Nissan en það er að minsta kosti hægt að segja að útlit Primera sé áhugavert ólíkt því sem áður hefur verið. Það verður gaman að sjá hvort hér er kominn bíll sem hefur burði til að takast á við það besta í geiranum.
Þetta er bíll Tommy Makinen eftir rosalegan árekstur við vegrið í dag á Korsíku. Við áreksturinn kom upp eldur í bílnum sem valt á toppinn og rann áfram eftir veginum og stöðvaðist að lokum á snarbrattri klettabrún. Makinen komst út úr bílnum við illan leik meiddur í baki en aðstoðarökumaður hans sat fastur. Bíllinn stóð svo tæpt á klettabrúninni að menn lögðu ekki í að losa hann úr bílnum fyrr en búið var að binda bílinn fastan við annan bíl ofar á veginum og glittir í kaðalinn vinstra megin á myndinni. Eins og sést á myndinn er framendi bílsins að mestu leyti horfinn en Tommy og aðstoðarökumaður hans reyndust ómeiddir ef undan er skilin tognun í baki.
Bara til gamans, pikkaði þessa mynd af hinni stórkostlegu heimasíðu streetkiaz.com sem er áhángenda síða KIA eigenda!
Bara að fá eitthvað skemmtilegt í staðinn fyrir þessa “eltingaleiks” mynd! :)
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
