Ok, takk ;-) En skiptir semsagt máli hvaða forritunarmál maður notar varðandi hýsingu?

Mér finnst mikilvægara að velja tungumál sem maður kann vel við og hefur verulegan áhuga á að læra, heldur en að láta hýsingu vera fyristöðu.

Meira og minna öll tungumál (m.a.s. “nýleg” tungumál á borð við Ruby on Rails) eru með fjölda hýsingarlausna á viðráðanlegu verði.

Annars er ég kominn með leið á hýsingu sem slíkri og ég hugsa að flestir sem hafa til lengri tíma verið að hýsa muni á einhverjum tímapunkti vilja skipta yfir í að láta skaffa tengingu og sjá um þetta allt sjálf(ur). :-)

Eitt en, ég held að ég sé kominn til að vera, þannig að mig langar að spyrja hvaða forrit þig snillingarnir eruð að nota? Er það bara Dreamweaver? Ég á gammla útgáfu af FrontPage og ég ætla aðeins að fikta í henni síðan ætla ég að sækja prufuútgáfu af Dreamweaver og ef mér líkar vel þá getur verið að ég hreinlega kaupi forritið, það kostar ekkert svo mikið ef maður kaupir dl version af síðunni þeirra.

Langar þá bara að vera viss um að það sé “besta” forritið sem maður notar í vefsíðugerð :)

Það vantar svolítið öðruvísi kerfi hérna á huga, það væri held ég sniðugt að vera með svona system sem lætur alla sem hafa verið að svara korkum (mínum t.d.) vita að korkurinn hafi breyst/uppfærst með nýjum svörum eða eitthvað. Þá gætu t.d. þeir sem eru búnir að vera að spjalla hérna vitað af því að ég sé t.d. að skella þessu inn. Þá gæti fólk komið með sínar skoðanir eða bara lesið það sem er nýkomið inn :)

Leiðin sem ég lærði það PHP sem ég kann, og nú hef ég bara lært það einu sinni þannig að ég veit ekki hvort það er besta leiðin, var að ég lærði grunninn með því að breyta og fikta í Open Source forritum, setja upp og svoleiðis (óhjákvæmilega).

Síðan þegar ég var búinn að því í nokkurn tíma byrjaði ég að búa mér til forrit mér til dægrastyttinga og notaði þá PHP.net og SitePoint mér til halds og traust í ferlinu.

PHP.net er með geðveika heimildasöfnun og ítarlegar greinar um allar aðgerðir.

Að notast við bækur og leiðbeiningar á Netinu er að sjálfsögðu betra vegna þess að farið er mun betur í atriði sem þú myndir ekki einbeita þér að ef þú fiktaðir bara í því, eins og öryggismál.

Á móti kemur að fikt er mun hraðari og áhugaverðari leið (finnst mér) til að læra ný tungumál.

Ég þakka ykkur bara öllum fyrir hjálpina ;) Ég ætla að hella mér út í að ná tökum á HTML fyrst og síðan ætla ég í eitthvað sniðugt eftir það :)