Sæll,

Það fer svolítið eftir því hvernig þú hyggst nálgast þetta.

Þ.e í þessu CMS kerfi sem þú ert með, viltu þá birta textasvæði fyrir hvert tungumál sem er uppsett, þannig að þegar verið er að setja inn efni á síðu, að þá birtist í rauninni textabox/editor fyrir íslensku, og annað fyrir ensku o.sv.frv. fyrir hvert tungumál sem er uppsett? Ef þetta er þannig þá ætti vefurinn alltaf að vera alveg eins á hverju tungumáli, þ.e bara þýddur.

EÐA, viltu að hvert tungumál sé í rauninni sjálfstætt vefsvæði/version þannig séð. Þannig þarf t.d enski vefurinn ekkert endilega að hafa nákvæmlega sömu síður í valmyndinni o.sv.frv.

Sú leið er oft farin, t.d í LiSA kerfinu sem við erum með hérna í vinnunni, því að það vilja ekki allir alltaf hafa sömu uppbyggingu á vefjunum sínum á öllum tungumálum. Svo er bara skilgreint útfrá host-nafni eða á annan hátt (session breytur eða hvað sem er), hvaða vefsvæði er verið að biðja um.

Ég hef sjálfur notað báðar aðferðir við að gera þetta, mér finnst seinni leiðin svona lógískari, því að þá er meira flexibility á milli tungumálanna.

Mér skilst samt að þú sért að tala um eitthvað í líkingu við fyrri möguleikann sem ég nefndi.

Ég gerði eitt sinn vef sem var þannig uppbyggður, þ.e hægt var að setja upp ótakmarkað mörg tungumál og notandinn fékk svo bara input box/editor fyrir hvert tungumál þegar hann t.d setti inn frétt.

Til að halda utanum þetta þá var ég með töflu sem hélt utan um tungumálin (id, language, active)
og svo var sérstök tafla sem hélt utanum efni frétta eftir tungumálum, c.a svona = [news_id, content, lang_id].

Ég var svo bara með session breytu sem geymdi það lang_id sem var virkt á vefnum og veiddi alltaf efni upp eftir því lang-id.

Svo voru linkar til að skipta um tungumál, eina sem þeir gerðu voru að vísa á php skjal sem breytti langid-inu í session breytunni og redirectuðu svo aftur til baka.

Mér fannst þetta ágætis lausn og notandinn var a.m.k voða ánægður.

Vona að þessi ritgerð gefi þér einhverja hugmynd …

Ég hef iðulega farið þá leið bæði í forritun á hugbúnaði og á veflausnum að nota TMX staðalinn eða Translation Memory exchange. Ég veit um marga sem nota þennan staðal og líkar vel.

Hann virkar þannig að allar þýðingar eru geymdar í XML skrá. Svo ertu með einhvern klasa eða eitthvað sem les allar þýðingarnar miðað við hvaða tungumál er valið hverju sinni. Ef English er valið þá lestu auðvitað bara ensku þýðingarnar. Svo þar sem ég bý til dæmis til menu-ana þá vitna ég bara í klasann tmx["menu1"] eða eitthvað álíka og fæ þýðinguna. Hérna fyrir neðan er dæmi um skráningu fyrir hnapp.

<tu tuid=“btnSave”>
<tuv xml:lang=“en”>
<seg>Save</seg>
</tuv>
<tuv xml:lang=“is”>
<seg>Vista</seg>
</tuv>
</tu>

Þetta er mjög einfaldur staðall og auðveldur í notkun, þægilegt að hann sé í XML en ekki í gagnagrunni og það eru til tól þarna úti sem styðja þennan staðal sem auðveldar að búa til nýjar þýðingar osfrv osfrv.

Þetta er heimasíðan fyrir staðalinn http://www.lisa.org/tmx/
Ég á svo eins og ég segi klasa sem gerir þetta allt saman fyrir þig en það er reyndar í C# og ef ég þekki þig rétt intenz að þá ert þú ekki alveg í þeim pakkanum:) En ef þú vilt gætiru fengið hann.

Sæll,

Jú, það er nánast eins og seinni leiðin sem ég nefndi, þ.e að síður/fréttir og í raun allt sem viðkomandi á að geta unnið með sé merkt ákveðnu tungumáli. Svo ertu með ákveðið “active” tungumál/version eða hvað sem þú kýst að kalla það og sækir alltaf efni út frá því.

Útfærslan er svo algjörlega á þínu valdi, þ.e hvort þú kýst að láta notandann velja hvaða tungumáli hlutur á að tilheyra þegar hann er stofnaður, eða hvort að viðkomandi velur hreinlega í hvaða tungumáli/version hann er að fara að vinna í þegar hann loggar sig inn í kerfið.

Gott að þetta hafi komið þér af stað :)

Það er nákvæmlega eins og ég er að gera. ;)