Ég hef smá reynslu af þessu þar sem ég rak á tímabili vef. Vefurinn var nokkuð vinsæll og bjó ég til verðskrá sem ég skáldaði bara. Hafði hana í hærri kanntinum en þetta var sýnilega verðskráin.

En við vitum það fyrir að verð á vöru eða þjónustu ræðst af framboði og eftirspurn.

Svo var ég með aðra verðskrá sem réðst í raun af því hvað menn voru tilbúinir til að borga. ég var með 4-6 auglýsingapláss á hverri síðu( 1 í haus eins á öllum síðum, 4 í hægri dálk eins á öllum síðum og svo á forsíðu var ein auglýsing í meginmáli. Auglýsingin í haus var dýrust efsta auglýsingin í hægri dálk var þar á eftir og svo lækkaði verðið eftir því sem neðar dró.

Þegar ég var með tómt auglýsingapláss, seldi ég það ódýrt, stundum “gaf” ég það kunningjum enda betra að hafa einhverja auglýsingu en enga. Svo þegar allar auglýsingarnar eru seldar og komin biðlisti er komin grundvöllur fyrir því að rukka meira fyrir hverja auglýsingu.

Það er vitað að rekstur vefsíðu sem aðalstarf er erfitt enda geta flestir sem það vilja komið sér upp heimasíðu og því eru fáir auglýsendur sem skiptast á marga vefi.

Ég þekki ekki hvort enhverjar reglur gilda um vefauglýsingar, efast reyndar um að svo sé.