Nei ég held að íslenskan hafi ekki breyst það mikið við þetta… Fólk bar zetuna alltaf fram eins og ess og gerði engan greinarmun þar á. Það var í raun orðið fáránlegt að reyna að halda lífi í henni. Eini raunverulegi munurinn var sá að nú þurftu krakkar ekki að leggja jafn mikið á sig í íslenskutímum.

"Íslandska -> íslendska“ er dæmi um i-hljóðvarp. Sú málbreyting varð að mestu í kringum aldamótin 1000, svo það er eldgamalt í málinu. Nokkur hundruð árum seinna var fólk hætt að bera fram déið og setti því zetu til að sýna að þarna ætti að vera dé en það væri ekki borið fram ”Íslendska->íslenzka“. Svo á 20. öld fannst fólki einfaldlega zetan ekki þjóna raunverulegum tilgangi og fleygði henni í ruslið ”Íslenzka->íslenska".