Lestu eins mikið og þú getur. Það er alveg ótrúlegt hvað það hjálpar mikið, sama hvaða tungumál það er. Horfðu á kvikmyndir með engum texta eða enskum texta, og bara já.. held að lykilatriðið sé að lesa mikið og kannski hafa orðabók eða netorðabók eins og www.dictionary.com við hendina. Þú skilur kannski ekki allt fyrst og það er svolítið erfitt að byrja en þegar þú ert kominn á skrið verður það auðveldara;)

Horfa á myndir. Það er besta þjálfunin í skilningi/hlustun og að bæta orðaforðann, sérstaklega ef þú hefur aðgang að orðabók til að kíkja á einstaka orð (eins og ordabok.is, maður nennir ekki að fletta upp í orðabók á gamla mátann :P). Þú getur líka t.d. passað að horfa á bíómyndir án texta ef þú ert að horfa á DVD.

Svo er gott að lesa bækur, byrja bara á skemmtilegum barnabókum (sérstaklega þegar maður finnur svona barnabækur með “fullorðinshúmor”) og fara svo smám saman í þyngra efni. Margir endast illa í að lesa bækur á ensku, þótt þær séu skemmtilegar. Þá þarf maður bara að geyma það þangað til maður er betri.

Svo er það sem hjálpaði mér best í ritun eða tjáningu á ensku að tala við fólk á netinu. Ég var lengi á spjallsíðum fyrir uppáhalds hljómsveitirnar mínar og ég þjálfaðist mjög mikið í að skrifa ensku á þeim tíma.

farðu út í 3 vikur, ensku kunnátan mín varð 300 sinnum betri eftir að ég byrjaði að fara árlega til skotlands