Ég er að segja að orð fá nýjar merkingar, orð höfðu aðrar merkingar. T.d. orðið góður sem hafði þveröfuga merkingu í heiðni heldur en í kristni.

Mér finnst nú ansi skítt ef þú getur ekki tekið vinsamlegum ábendingum um stafsetningu. Mér finnst virkilega skítt að þú kallir fullkomlega gild og úthugsuð rök mín barnaskólarök. Mér finnst skrítið hvernig þú gast orðið stjórnandi á svona mörgum áhugamálum ef þú getur ekki rökrætt einsog fullorðinn einstaklingur.

Aðalmálið á bakvið tungumál er að þau þróast, það er ekkert blablabla við það. Ég skil ekki hvernig manneskja sem stefnir á málfræðinám getur litið á málfræði án tillits til þróunar.

Flámæli var alls ekki ,,eytt" það er enn hægt að heyra merki þess á Snæfellsnesi svo dæmi séu tekin.
Öll þróun er eðlileg vegna þess að mál þróast í ólíkar áttir vegna ólíkra ástæðna, og hvers er það að ákveða hvort hún er góð eða slæm?

Þessi svokallaða eyðing flámælis er ekki þróun, eyðing flámælis er ekkert annað en tilraun til að sporna gegn þróun.

Ég skil ekki tilgang þessara spurninga þinna um það hvort ég sé með úrfelling ypsilons eða ,,upptöku" orðsins talva. En ég skal svara þeim eins vel og ég get þó svo að ég skynji vott af hroka í þeim.

Það er vissulega hægt að mæla með og á móti úrfellingu ypsilons. Menn einsog þú sjálfur, greinilega, vita oft ekki hvar það skal staðsetja og verða oft æfir þegar þeir eru leiðréttir. Þeir sjá oftast engan tilgang í notkun ypsilons. Það getur verið mjög erfitt fyrir manneskju sem hefur lítinn áhuga og lítinn skilning á málfræði, þú verður jú að gera ráð fyrir þeim, að vita hvenær nota skal ypsilon. Með ypsiloni er yfirleitt hægt að sjá mun á milli orða sem hljóma eins í framburði og líta annars eins út í ritmáli. Með ypsiloni er líka hægt að sjá stofn orða augljóslega.
Þú veist e.t.v. af brotfalli zetunnar úr málinu. Hún hafði svipað gildi og y, ekki ýkja mikilvægt öðrum en málfræðingum og menntamönnum.
Ég persónulega hef ekki skoðun á þessu máli, ég á einfaldlega eftir að kynna mér það betur. En ég held að brotfall ypsilons myndi auðvelda málið til muna og því e.t.v. æskilegt.
Ég vil persónulega passa mig á því að láta skoðanir mínar litast af skoðunum annarra og læt því ekki kennara mína þylja ofan í mig mikilvægi ypsilonsins, fegurð íslenskunnar eða reyna að telja mér trú um það að íslenskar fornbókmenntir séu þekktar út um heim.
Ég vil einfaldlega sjálfur kynna mér málið áður en ég fer út í fullyrðingarnar.

Varðandi upptöku orðsins talva get ég ekki séð neitt athugavert við það. Talva hefur sömu beygingarmyndir og tölva í aukaföllum og er í raun algjörlega eðlileg málþróun þar sem u-hljóðvarpið sem orðið hefur myndast með er vissulega fast í hausnum á okkur Íslendingum. Þú mátt líka athuga að fleirtala orðsins spöng er tvenn, spengur og spangir eru báðar leyfilega myndir orðsins, þarna er aftur dæmi um i-hljóðvarp sem er svo sannarlega fast í hausnum á okkur ;) Svo má við þetta bæta að þessi fína íslenska málnefnd hefur samþykkt orðið talva.

Ég skil annars ekki þessa hræðslu við tökuorð. Grannþjóðir okkar nota þau óspart og eru fæstar með fínar málnefndir eins og okkar. Ekki eru grannþjóðir okkar að farast úr einhverjum samskiptavandamálum.

Mér er nokk sama þó einhver maður með prófskírteini, íslenskufræðingur, segi mér hvernig ég á að tala mitt móðurmál. Ég tel mig fullkomlega færan til að klóra mér fram úr því sjálfur ;)

Rosalega ert þú góð með þig að geta kallað rökin mín röfl, barnaskólarök og svo kemur þú með svona gullmola:

Af hverju ég veit þetta, ég hef góða íslenska málkennd, hef lært íslensku og stefni á háskólanám í þeirri grein.

Þetta myndi ég nú kalla röfl, barnaskólarök eða blablabla.

Ég er nú samt ekki sammála þér, ég vil benda þér á það að notkun og merking orða breytist með tímanum. Mig langar að biðja þig að hugsa um hvernig orð fá mismunandi merkingar og hvernig þau verða til. Orðið lágur hafði e.t.v. ekki eins víðtæka merkingu í fyrstu og það gerir núna, hvernig fékk það merkinguna sem það hefur núna, og hvaða hugsanlega merkingu gæti það fengið í framtíðinni? Afhverju á þróun merkingar orðsins að stöðvast á 21.öldinni?