Fyrirgefið ef þessi umræða hefur komið of oft áður. Ég hef ekki komið hingað lengi en langaði að ræða þetta :)

ég hitti svía á yrkinu sem þvertóo fyrir það að hringadróttinnssaga ætti einhvað að gera með Ísland ^^

Ég var nú hræddur um ekki ;)

Ef maður les Silmerillinn sér maður þó að Tolkien hefur gert lítið annað en kryddað aðeins með norrænni goðafræði. Sjálfur er ég mikill áhugamaður bæði Tolkien og Norrænnar goðafræði. Eftir að ég hafði lesið Snorra-Eddu í fyrsta skiptið var ég á sömu skoðun og þú, enda hafði ég aðeins lesið Hobbitan og Hringadróttinssögu. Síðan las ég Silmerillinn og sá að grunnþættir og grunnbygging Tolkien-heimsins er allt önnur.
En það eru ýmiss skemmtileg smáatriði, eins og þú bentir á er seinni hluti sögu hringsins mjög svipuð Niflungahringssögunni. Gandálfur; það nafn er tekið úr norrænni goðafræði sem og næstum öll dvergsnöfnin.

Ég var að lesa Snorra - Eddu í skólanum í haust og nánast allan tímann var þessi stórfurðulegi söngur í gangi í hausnum á mér hann hljómaði einhvern veginn svona: “Hringadróttinssaga, Hringadróttinssaga, Hringadróttinssaga…”, þetta var það eina sem fór í gegnum hausinn á mér fleiri, fleiri tíma í senn. Ég kalla allar Tolkien bækurnar einu samnefni eða Hringadróttinssögu, veit að það er vitlaust en þannig er ég. En þrátt fyrir þennan söng er alveg helling ekki líkt með bókum Tolkiens og Norrænu goðafræðinni, t.d. allt sem Tolkien er með í gangi í Silmerilnum er ekkert líkt henni, en svo er líka slatti líkt því, ég meina Tolkien var aðdáðandi norrænu goðafræðinnar og hlutir eins og nöfn dverganna í Hobbitanum, saga hringsins og afstaða allra til dauðans (það er betra að deyja með sæmd en að lifa í skömm), er mjög svipað goðafræðinni.
Þið verðið að afsaka þessa ræðu mína, en þetta er búið að vera að byggjast upp inn í mér síðan í haust og ég þurfti að hleypa þessu út.