Mér finnst að langflest nöfnin haldi sér vel á okkar ástkæra ylhýra. En ég var að lesa eina útgáfu af Hobbitanum á íslensku og mér brá heldur betur í brún þegar ég las fyrstu setninguna: Einu sinni var HOBBI sem bjó í holu. Þetta finnst mér ekkert annað en asnalegt og ég vona að þetta sé ekki í hinum íslensku útgáfunum. Annars hef ég bara lesið hana á ensku og finnst hún frábær.
Og hana nú.


“Life is like a box of chocolates, you never know what you're gonna get”.

Mamma Forests Gump.

Ég er hvorki að reyna að slá um mig eða að reyna að vera svalur. Aftur á móti hef ég bent á nokkra hluti, sem eru aðeins dropi í hafið, sem er þýðingunni til mikilla ama. Þú hefur aftur á móti ekki fært nein rök fyrir skoðun þinni. Og þú talar um að ég sé eins og 14 ára!!!

Þýðing Þorsteins er langt frá því að vera góð að mínu mati, um það eru reyndar, eins og þú bendir réttilega á, ekki allir sammála. Td. finnst flestum hér hún vera góð. Ég er ekki sammála því, mér finnst þýðingin vera full tengt frumtextanum, of oft koma fyrir enskulegar orðaraðir og orðanotkun, hlutir sem hægt hefði verið að laga með lengri yfirlegu. Einnig, tel ég, að þýðinguna vanti sama tón og frásagnargleði og í frumtextanum.

Þetta eru mínar skoðanir, hvort sem þær sýna lélegt mat mitt á íslenskum stíl og málnotkun. Ég hef ekki gert, eins og sumir hérna, og ráðist eins og 14 ára barn, á skoðanir annarra. sérstaklega rökkstuddar skoðanir. Þess vegna hlýt ég að setja spurningarmerki við orð þín, því einu fræðilegu rökin sem þú setur fram er að almennt þyki þýðingin góð. En ég, eins og þú tókst eflaust eftir, var ekki að tala um almenning, heldur skoðanir mínar.

Hef ég lesið íslensku þýðinguna? Já, það hef ég gert, því miður að mínu mati. Því, mér finnst, þýðingin vera oftar en ekki hroðvirknislega unnin og langt frá því að vera góð og gild íslenska oft á tíðum. Eins og dæmið sem ég nefndi fyrr, á íslensku vaknar fólk upp frá einhverju, værum svefni, draumi eða martröð. Það kemur fyrir oftar en einu sinni, að einhver í föruneytinu, hvort heldur sem frá Héraði eða á leið til Mordor, að einhver kalli, á hina sem sofa, “Vaknið UPP!” Er þetta eðlileg íslenska? Talar einhver svona? Væri ekki trúverðugra að segja “Vaknið”. Nú vitum við það að á ensku segir maður “Wake up!”, gæti verið að þarna sé komin enskuskotin mynd og orðanotkun?

Mér þætti vænt um að, áður en þú ræðst á mig, að þú takir þér tíma til að virða þá staðreynd að fólk hefur ekki alltaf sömu skoðanir. Einnig væri nú gaman að heyra málefnalega umræðu um þetta, ekki einhverjar blammeringar og árásir, sem eru bara niðurlægjandi fyrir þann sem framkvæmir þær.

Kær kveðja
Tma