Þó það séu vissir kostir við það að hafa fleiri stjórnendur þá eru líka gallar. Ekki þarf ég hjálp við að samþykkja efni, ég ræð alveg við það sjálf, en það væri kannski ágætt að fá önnur sjónarmið á stjórnun áhugamálsins. Hins vegar get ég sagt það að ég hef ávallt verið opin fyrir öllum hugmyndum og nýjungum og leitast mjög mikið eftir að fá smá “komment” frá hugurum um hvað mætti betur fara hérna á áhugamálinu. Ég er ekkert svo viss um að það sé endilega betra að hafa 2-3 stjórnendur sem stjórna öllu eins og þeir vilja, frekar en að hafa 1 stjórnanda sem gerir sitt besta til þess að áhugamálið sé eins og hugarar vilji hafa það.

En ég er alltaf með augun opin.

Máli mínu til stuðnings nefni ég það að ég er stjórnandi á öðru áhugamáli þar sem margir hæfir stjórnendur eru, allir með mismunandi hugmyndir og þar af leiðandi líka skoðanir. Áhugamálið er nákvæmlega eins og við stjórnendurnir viljum hafa það, þó svo að samskiptin gangi ekki vel, en ekki eins og notendurnir óska eftir. Ég vil ekki falla í sömu gryfju.