Í Hellisbúanum segir að karlmenn fari út og “veiði skyrtu” - eru þínar verslunarferðir þannig?
Hversu ánægður ertu með fataskápinn þinn? Langar þig að breyta til eða auka fjölbreytnina? Eða langar þig einfaldlega að lágmarka þann tíma sem þú eyðir í fataverslunum OG gera góð kaup í leiðinni? Finnst þér óþægilegt að biðja starfsfólkið um aðstoð og viltu ekki láta plata þig til að kaupa eitthvað sem þér líkar ekki? Eða finnst þér kannski bara leiðinlegt að versla föt?

Ég er Inga, 31 árs nútímakona sem hefur þó gert sér grein fyrir einni staðreynd; flestum karlmönnum leiðist að fara í búðir! Í gegnum tíðina hafa einhleypir vinir mínir margoft beðið mig um aðstoð við að versla sér skó, jakkaföt, afmælisgjöf handa Stínu frænku, nýjan frakka, rúmteppi, matarstell, gallabuxur…listinn er nær endalaus.
Þetta hef ég gert með glöðu geði enda finnst mér alltaf jafngaman að sjá léttinn og ánægjuna í svip þeirra þegar verslunarferðinni lýkur og þeir hafa gert kjarakaup á mun styttri tíma en þeir bjuggust við að “búðarápið” tæki.

Svo mér datt í hug…eruð þið ekki fleiri þarna úti sem ekki eigið kærustu eða eiginkonu til að sjá um þessi mál fyrir ykkur? Er mamma gamla kannski ennþá að kaupa föt á strákinn sinn? Eða hefurðu bara ekki tíma til að fara búð úr búð og endar á að gera örvæntingarfull kaup frekar en skynsamleg? Vantar þig ekki bara einhvern til að koma með þér í réttu verslanirnar?

Ég get aðstoðað þig. Ég mun ekki taka algerlega við stjórninni, ekki versla fyrir þig eða gerbreyta þínum stíl heldur einungis ráðleggja þér og hjálpa þér. Við förum saman að versla til að gera ÞIG ánægðan með útkomuna!

(Konum er að sjálfsögðu einnig velkomið að nýta þessa þjónustu!)

Nánari upplýsingar: www.123.is/psa