Pointið með verðbótum er einmitt að hann var í raun ekki að taka neinn pening út af reikningnum þínum, heldur hafi krónurnar þínar fengið aukinn kaupmátt og þess vegna sýndi reikningurinn þinn hærri upphæð en hann í raun og veru átti að gera.

Þú veist að fyrir 30 árum þá voru tvö núll feld aftan af gjaldmiðlinum okkar. Það var vegna verðbólgu sem er alltaf við lýði vegna þess að Seðlabankinn er stanslaust að dæla nýjum peningum inn í samfélagið. Eftir því sem fjöldi króna í samfélaginu eykst þá lækkar verðmætagildi hverrar krónu og þess vegna kallast þetta ‘verðbætur’

Ef verðbólgan reiknast 2% í einum mánuði þá hækkar innistæðan þín í bankanum um 2%, ef hún er verðtryggð.

Að sama skapi ætti innistæðan þín að lækka um 2% ef það hefur verið 2% verðhjöðnun í samfélaginu.

Ég ætla að taka það fram að ég veit ekki hvort það hefur verið nein verðhjöðnun í síðasta mánuði og ég veit ekki hvernig lögin eru á bakvið þessa reikninga, en það er vel skiljanlegt að innistæðan þín lækki ef verðlag lækkar almennt í samfélaginu.

Það sem er hins vegar athugaverðast er að ríkið skuli skattleggja verðbæturnar. Þannig ef verðlag í samfélaginu hækkar um 1% og þú færð 1% verðbætur þá er tekinn af því skattur. Ef verðlag lækkar svo aftur niður í fyrra horf og innistæðan þín lækkar einnig um 1% þá ertu á heildina séð komin í mínus, því þú tekur á þig alla verðhjöðnunina en færð aðeins hluta af verðbólgunni bættan