Í frummatsskýrslu vegna álvers í Helguvík er gert ráð fyrir að um 300 ný störf verði til í álverinu og um 700 afleidd störf vegna margfeldisáhrifa, samtals um 1.000 ný störf. Þar er þó ekki öll sagan sögð:

Álver breytir engu um atvinnuleysi á svæðinu og á landinu öllu þegar til langs tíma er litið. Atvinnuleysi ræðst til langs tíma af grunnstærðum hagkerfisins, eins og menntunarkostum og starfsþjálfun, sem í boði er, lágmarkslaunum, atvinnuleysisbótum styrk samtaka á vinnu­markaði og fleira, en einstök fyrirtæki eins og álver breyta engu um það. Ef álver hefur áhrif á fjölda starfa á svæðinu eða landinu öllu er það með flutningi fólks sem ella hefði unnið annars staðar. Álverið kann að breyta nokkru um íbúafjölda næsta nágrennis á komandi áratugum en það breytir líkast til engu um fjölda fólks á landinu öllu.

Framleiðni starfsfólks eykst mjög hratt í álverum. Það er meðal annars þess vegna sem þau geta boðið starfsfólki sínu góð laun. Samkvæmt upplýsingum sem fram komu á heimasíðu Alcans í vor fækkaði störfum á hvert tonn sem framleitt var af áli í álverinu í Straumsvík um nálægt 5% á ári frá 1981 til 2007. Með slíkum framleiðnivexti myndi 300 störfum fækka í tæp 100 á aldarfjórðungi. Að hluta til tengist framleiðnivöxturinn í Straumsvík líklega stækkun álversins, en ljóst er þó að störfum á áltonn hefði fækkað þótt álverið hefði ekki stækkað á þessum tíma. Svipaða sögu virðist vera að segja úr öðrum löndum. Í breskum álverum þrefaldaðist framleiðsla á hvern starfsmann nálega frá 1980 til 2001. Framleiðsla á álstöngum og þess háttar tvöfaldaðist á þessum tíma en starfsmönnum álvera fækkaði um helming.



Bætt við 8. febrúar 2010 - 22:18
Og já, afsakaðu hvað ég var lengi, ég þurfti aðeins að kynna mér þetta.

Enda hefur fólk stöðugt verið að flytja úr þessum litlu bæjum og til þéttbýlis. Það er svo sem ekkert athugavert.

Ódýrara að vinna úr jörðu? Það borgar sig margfalt að endurvinna ál.

Þetta kemur öðrum löndum við á allan hátt. Fyrirtækin, álið, allt saman er erlent. Það eina sem við gerum er að vera viðkomustaður fyrir skip sem sigla þvert yfir heimshöfin, fram og til baka. Ísland á ekkert í þessum álverum en aftur á móti þurfum við að sitja uppi með mengunina og þynningaráhrifin sem af þeim hljótast.

Þetta væri ekki svona ef við leyfðum þeim ekki að vinna úr álinu sínu hér á landi. Enginn annar vill leyfa Alcoa að byggja álver á sínu landi, bara við. Við eigum nóg af rafmagni sem við erum alveg til í að selja ódýrt til fyrirtækja sem eyðileggja líf fólks.