haha feil reglur frá ritstjóranum

„Ritskoða“ & „Viðvaranir til notenda“ – BREYTINGAR – ALLIR LESA
Sælir kæru stjórnendur,

Ég vil endilega láta á reyna nokkra nýja hluti til þess að draga úr ærumeiðingum og til þess að einfalda Stjórnendum vinnuferlið.

1. Breytt notkun „ritskoða“ takkans. Í stað þess að ritskoða óæskileg svör vil ég einungis að tvær týpur af óæskilegum svörum séu ritskoðuð: (1) „of ómerkilegar setningar til að fá ávítun en nægilega merkilegar til þess að betra sé að ritskoða þær (látið þetta þó ekki gera ykkur að letingjum er kemur að ávítunum :))“ & (2) „svo öfgakennt ljót svör að óviðeigandi er að láta þau standa, sökum alvarleika eða aldurs (t.d. á kynlíf) (ef þetta er tilfellið - hafið samband við Yfirstjórnanda og fáið samþykki hans áður en þið “ritskoðið”)“.

Í stað þess að ritskoða ávítunarverð svör vil ég að þið svarið „svarinu í þræðinum sjálfum með:

„ (**byrja feitletraða skrift**) Samkvæmt skilmálum Huga er þetta svar ávítunarvert/refsivert og hefur notandinn sem ber ábyrgð á því fengið slíka. Ef tiltekinn notandi vill nánari upplýsingar varðandi brot sitt getur hann haft samband við [NafnStjórnanda] - Stjórnandi á /[Nafn áhugamáls]. (**enda feitletraða skrift**).

(Þetta getið þið haft tilbúið í „word“ eða „notepad“ skjali og bara copy/paste“ þegar þarf).

Ástæður fyrir þessari breytingu eru þær að ég tel að nauðsynlegra verði fyrir stjórnendur að vera meira sýnilegri í þráðum og greinum. Ef notendur eru reglulega að sjá aðvaranir frá stjórnendum hingað og þangað munu þau alltaf hafa tilfinninguna um að „stóri bróðir“ sé að fylgjast með sér. Sálfræðin segir mér það að þetta geti jafnvel marktækt dregið úr ærumeiðingum og annars konar leiðindum.

2. Í stað þess að þurfa að senda hverjum notanda staðlaðan póst og útskýra brot hans fyrir honum í hvert skipti sem einstaklingur brýtur af sér er skref 1 nóg. Notandinn hefur þá samband við stjórnandann ef hann vill frekari upplýsingar um á hvaða stigi hann er og af hverju stjórnandinn ákvað að ávíta hann. Hinsvegar vil ég að þið tilkynnið áfram brotið á „viðvaranir til notenda“ korkinn með afriti af linknum inn á áhugamálið og þráðinn þar sem brotið var og/eða fullkomnar leiðbeiningar um hvar brotið er að finna og afrit af því í texta.

Munið einnig að checka á fyrri brotum notanda (Einfalt með því að nota leitarvélina og velja „ítarleg leit“ > „notandanafn þess sem braut af sér“ > „velja áhugamál“ > „stjornendur“ > „leita“). Ef um „Stig III er að ræða – vinsamlegast skýrið þráðinn „[Notandanafn] - Stig III“, biðjið um bann og Yfirstjórnandi mun þá banna viðkomandi og skilja eftir svar með upplýsingum þar á í viðkomandi þræði (lengd banns og hver bannaði).

Ef einhverjar spurningar varðandi þetta vakna, svarið þessari grein og ég skal reyna að útlista nánar.

Kveðja,
Ritstjóri

E.s. - Ég vil sjá alla fylgja þessu takk. Ef ég þarf að leita í bakendakerfi Huga að “ritskoðuðum” svörum varðandi brot þarf að vera góð ástæða fyrir því og mun ég jafnvel hafa samband við viðkomandi stjórnanda til að forvitnast um hana (hver eyddi sést þar).


endilega koma með skítakomment og reyna að beygja reglurnar fyrir mig