Hvenær samþykkti ég þetta kerfi? Hvenær var þjóðin spurð hvort þetta væri kerfið sem hún vildi?

Flestir sem kusu um þetta kerfi eru látnir núna, því kosningarnar voru árið 1944!

Og þá var ekki einu sinni verið að tala um að breyta kerfinu heldur að fá vald kerfisins alfarið til Íslands en ekki hafa hluta af því í Noregi.

Og í raun samþykkti Íslenska þjóðin aldrei þetta kerfi, það eina sem hún hefur nokkurn tímann verið spurð að og samþykkt var að ganga Noregs konungi á hönd (sem þjóðin leit á líkt og hvern annan goða… höfðingi sem átti að gæta réttar kúnna sinna).

Svo ég sé ekki hvernig þú getur sagt að þjóðin beri ábyrgð, einungis vegna þess að hér hefur ekki komið til blóðugrar byltingar! (sem er í fyrsta lagi erfitt að framkvæma þar sem flest skotvopn eru bönnuð á Íslandi)

Ég ætla ekki að segja þér hvort það þurfi meira en friðsæla byltingu eður ei, ég ætla hins vegar að segja að þjóðir eru ekki fyrirbæri. Þjóðir hugsa ekki, þær taka ekki ákvarðanir og þær hafa ekki skoðanir.

Það eru einstaklingarnir sem hafa þessa eiginleika, þjóð er ekkert annað en samansafn einstaklinga sem búa á svipuðu svæði. Svo er þú ætlar að kenna þjóðinni um eitthvað, þá ertu óhjákvæmilega að kenna fjölda einstaklinga um eitthvað.

Fjölda einstaklinga sem hafði ekki hugmynd um hvað var að gerast, efndi ekki til þessa, ætlaði sér aldrei að gera neitt rangt og hafði í þokkabót sama sem ekkert að segja um málið.

Svo þú verður að koma með aðeins betri ástæðu fyrir því hvernig þú kemst að þeirri niðurstöðu að þjóðin beri nokkra einustu ábyrgð í þessu máli, áður en ég tjái mig um ofbeldisfullar byltingar (sem er alveg skiljanlegt að ekki hafi komið til, frekar augljóst…)