Þá er 80% af vinnuafli byggingjarfélagsins pólverjar, álverið hafði hafði örugglega lítið með byggingu þess að gera :)

Það sem þú segir reynir að hljóma gáfulega en meikar í raun lítinn sem engan sens ef maður hugsar um það. Menn eru mismunandi, mjög svo. Hver einstaklingur er sérstakur. En alveg sama hve mikil alþjóðavæðing verður þá er alltaf eitt sem sameinar fólk í þjóð - það er samfélagið. Íslenskt samfélag er, einsog önnur, síbreytilegt. Tökum Asíumanneskjuna þína sem dæmi. Hún ólst upp á Ítalíu segirðu. Hvaðan voru foreldrarnir? Hvar ólust þeir upp? Hver er þeirra menning? Manneskjan ólst upp við menningu foreldrana í bland við ítalska menningu og er nú að staðsetja sig í íslenskri. Manneskjan verður aldrei Íslendingur, heldur aðallega Ítali með blöndu af því sem foreldrarnir höfðu. Börn manneskjunnar verða Íslendingar sem ólust upp við íslenska menningu, rétt í bland við aðra. Umhverfið hefur gífurleg áhrif.

Þrátt fyrir mikla alþjóðavæðingu verða alltaf til þjóðir. Fjarlægðir eru of miklar, þrátt fyrir mikið auðveldari samgöngur, og nú sérstaklega þegar þjóðir reyna og reyna að halda í sína menningu. Bara til að nefna dæmi um hvað það þýðir að vera Íslendingur; Þjóðhátíð. Það er eitthvað við Þjóðhátíð sem heillar langflesta sem þangað fara. Samt, þrátt fyrir að þetta sé langstærsta drykkjuhátíð á Íslandi, er lítið um útlendinga þar og þeir koma yfirleitt ekki oftar en einu sinni. Afhverju? Flestir Íslendingar sem prófa að fara fara oftar.

Það er því Þjóðhátíð er enganveginn skemmtileg fyrir aðra en Íslendinga. Maður þarf að hafa alist upp á Íslandi við íslenska menningu til að njóta hennar. Á Þjóðhátíð má finna allar týpur af Íslendingum, allt frá Hysteriu til FMhnakka. Það eru ekki persónueinkenni sem fær þetta fólk til að elska Þjóðhátíð, heldur íslensk menning. Þetta er sannkölluð Þjóðhátíð.

Varðandi Kópasker vs. Ísland dæmið þá ertu að ofureinfalda hluti, einsog ég hef áður nefnt. Fólk á Kópaskeri er ekki sérþjóð og eflaust allavega helmingurinn sem ólst upp annarsstaðar. Fólk á höfuðborgarsvæðinu er ekki sérþjóð og Selfyssingar eru ekki sérþjóð. Þetta fólk hefur að sjálfsögðu eitthvað sameiginlegt og einhverja undirmenningu, en menningin er engu að síður íslensk. Þrátt fyrir að eiga einhverja hluti sameiginlega þá eiga þeir meira sameiginlegt menningarlega með öðru fólki sem hefur alist upp hér á landi. Kópasker er engu að síður afskekkt og fámennt og þeir munu vera jaðar sama hvað þeir gera. Þeir græða ekkert á því að stofna eigin ríki, þeir verða samt sem áður fámennur jaðarhluti. Þeir hafa enga sérmenningu til að standa undir því að vera þjóð, þeir eru alltof tengdir íslenskri menningu þrátt fyrir að hafa eflaust smáundirmenningu einsog hvert einasta bæjarfélag í heiminum hefur. Þeirra samstarf við Ísland þyrfti að halda áfram einsog það er þó þeir stofnuðu smáríki. Það er því algerlega merkingarlaust að ræða klofningu Kópaskers frá íslenska ríkinu.

Ísland er hinsvegar ekki í ESB. Þrátt fyrir að hafa einhverja yfirtengingu við evrópska menningu er íslensk menning alltof einstæð til að hægt sé að ræða um Ísland vs. ESB á sama hátt og Kópasker vs. Ísland. Þetta er einfaldlega ekki sama dæmið og þú getur ekki hankað mig með þessari samlíkingu.

Annars er ágæt en stutt skilgreining á þjóð á íslenska wikipedia.

“Þjóð er hópur fólks með sameiginleg menningarleg einkenni, t.d. sömu sögu eða tungumál og oft á tíðum sameiginlegt ætterni. Þjóð hefur oftast einhverja ljósa eða óljósa þjóðarvitund og einstaklingarnir gera sér almennt grein fyrir að þeir tilheyra ákveðnum hóp og kenna sig jafnan við þjóðina. Þjóðir halda sig oft en ekki alltaf á afmörkuðum landsvæðum og mynda oft ríki með eða án annarra þjóða. Þannig myndast þjóðríki og fjölþjóðaríki. Einnig getur ein og sama þjóðin búið í mörgum ríkjum.”

Þjóðir þurfa ekki að vera af sama kynþætti þó það hafi verið venjan áður fyrr. Kynþáttur segir til um uppruna en lítið annað nútildags, einsog þú segir hefur alþjóðavæðing breytt hlutunum en þó ekki nóg til að þjóðir séu ekki til. Þjóðir munu vera til svo lengi sem nóg af fólki býr á nógu mismunandi svæðum. Fólk af öðrum kynþáttum sem alist hefur upp hér á landi myndi ekki þekkjast frá öðrum ef ekki væri fyrir útlitseinkenni.