kaupið af björgunarsveitini…
10 góðar ástæður til að kaupa flugelda af björgunarsveitunum
1. Þegar snjóflóðin riðu yfir Flateyri og Súðavík voru hundruðir björgunarsveitarmanna sem unnu í sjálfboðavinnu dögum saman við að bjarga fólki úr rústunum.
2. Þegar suðurlandsskjálftinn reið yfir í maí var búið að ræsa út björgunarsveitirnar innan nokkurra mínútna og þær hófust strax handa við að dreifa vatni, teppum, setja upp tjaldbúðir og ganga hús úr húsi í leit að slösuðum.
3. Það er ekki bara verið að bjarga “fíflum sem asnast illa búin upp á hálendið í vondum veðrum”. Það er öllum bjargað óháð stöðu, gáfnafari, kynhneigð, litarhætti eða vali á flugeldum.
4. Ísland er eitt mesta veðravíti heims í byggð (silly us) og allir geta þurft á hjálp björgunarsveitanna að halda.
5. Helmingur útkalla á síðasta ári var í byggð (og ekki bara útaf trambólínum) og þú getur skyndilega þurft á hjálp þeirra að halda þó þú sitjir bara í sófanum heima í stofu.
6. Björgunarsveitirnar eru alltaf til taks og vaktin þeirra er aldrei búin.
7. Samviskubit er ekki ein af ástæðunum. Samhugur og vilji til að styrkja öryggisnet þjóðarinnar, þjóðar sem býr við hættuna af stormum, óbyggðum, jarðskjálftum, eldgosum, snjóflóðum og fleiru, eru það hins vegar.
8. Því góð þjálfun og góður búnaður er lykilatriði og kostar peninga, þó öll vinna sé unnin í sjálfboðavinnu.
9. Því þegar þú kaupir flugeldana hjá björgunarsveitunum ertu ekki bara að brenna peningum. Þú veist að þeir skila sér margfalt út í samfélagið á ný.
10. Því þú getur alltaf treyst á björgunarsveitirnar. Nú treysta björgunarsveitirnar á þig.
Flest bæjarfélög á landinu eru með björgunarsveitir sem eru að selja flugelda fyrir áramótin. Hér að neðan er listi yfir útsölustaði og opnunartíma Flugbjörgunarsveitarinnar í Reykjavík:
Sölustaðir:
Flugvallarvegur
B&L
Hólagarður
Skátaheimilið Hraunbæ
Jafnasel
ÍR heimilið Skógarseli
Flugeldasalan hefst 28. desember og er opin alla daga frá 10-22 nema á gamlársdag en þá lokar kl. 16.