til að fá húsaleigubætur þarftu að vera með þinglýstan leigusamnig (sem minnir mig á að ég gleymdi fokkin leigusamningum aftur heima!!!)
og þær fara eftir tekjum og svona.
mundi kíkja á leigulistann.is og mbl.is og skoða fréttablaðið.
það er horror að leita af íbúð í rv´k á viðráðanlegu verði! meira segja leigan útá landi er orðin sick há!

Það er ekki byrjað að afhenda íbúðir upp á Keili strax. Þær verð ekki tilbúnar fyrr en um miðjan ágúst og þá ættir þú að fljúga inn:)

Ef þú ert ekki of ákveðin á að hafa meðleigjanda myndi ég skoða herbergi.
Vinkona mín bjó í herbergi í kjallara í breiðholtinu í nokkur ár, sameiginlegt klósett og sturta en ekkert eldhús (hún keypti bara ísskáp og rafmagnseldavél til að hafa í herberginu). Það var voða kósý. Ekkert ódýrt, en ódýrara en heil íbúð.
Hún setti smáauglýsingu í fréttablaðið minnir mig, var flutt inn örfáum dögum seinna.

Með stúdentagarða : Ef þú átt lögheimili úti á landi ert þú nánast efst á forgangslista fyrir flestar tegundir íbúða/herbergja. Þú ættir kannski ekki að hafa Lindargötuna á umsókninni hjá þér þar sem ólíkt öðrum íbúðargerðum er meirihluta íbúða þar úthlutað til höfuðborgarbúa af sérstökum ástæðum.

Ég heyrði fyrir nokkrum árum að landsbyggðarmaður hefði fengið úthlutað herbergi í tvíbýli um vorið eftir að hann hóf nám, þ.e. hann var á biðlista í tæpt ár, kannski 9 mánuði. Veit ekki hvernig það er núna eða með aðrar íbúðargerðir en mig grunar að ástandið sé allavega ekki betra, því miður.

Hef heyrt að það sé betra að fá íbúð á Keili og að þær séu flottar og á mjög góðu verði. En þá þarftu líka að vera undir það búin að eyða nokkuð löngum tíma í að ferðast til og frá skóla. Ég persónulega myndi ekki nenna að leggja af stað klukkan 7 á köldum og dimmum vetrarmorgni eða eyða klukkutíma í ferðalag eftir erfiðan dag.

Með húsaleigubætur : Hér er reikniforrit :
http://www.felagsmalaraduneyti.is/malaflokkar/husnaedismal/husaleigubaetur/reikniforrit/nr/964
Hámarksbætur fyrir barnlausan einstakling eru 18þús á mánuði. Flestir námsmenn ættu að fá fullar bætur. Segjum t.d. að þú sért með eignir upp á 300k (bíl), 2mil í árslaun og 50k í leigu þá færðu fullar bætur.
Hér er síðan það sem aðrir svarendur voru að tala um :

ÁHRIF EIGNA Á HÚSALEIGUBÆTUR

Ef samanlagðar eignir allra þeirra sem lögheimili/aðsetur eiga í viðkomandi leiguhúsnæði að frádregnum skuldum eru umfram 3* millj. kr., skulu 25% þeirrar fjárhæðar sem umfram er bætast við þær tekjur sem liggja til grundvallar ákvörðun um fjárhæðir húsaleigubóta.
* Fjárhæð þessi breytist í samræmi við neysluvísitölu til verðtryggingar og var hinn 1. janúar 2008: 4.660.142 kr.

Ath. líka að þú færð bara bætur ef þú leigir íbúð (sjá skilgreiningu þeirra á íbúð) þannig að ef þú leigir herbergi færðu ekki neitt.

* Með íbúðarhúsnæði í lögum þessum er átt við venjulega og fullnægjandi heimilisaðstöðu og eru lágmarksskilyrði a.m.k. eitt svefnherbergi ásamt séreldhúsi eða eldunaraðstöðu og sérsnyrtingu og baðaðstöðu.
* Húsaleigubætur greiðast ekki vegna leigu á einstaklingsherbergjum eða ef eldhús eða snyrting er sameiginleg fleirum.

Undanþága frá þessu gildir um námsmenn sem eru í námi á framhalds- eða háskólastigi og leigja á heimavist eða á námsgörðum. Ef þú færð herbergi á stúdentagörðum áttu því rétt á bótum. Ástæðan fyrir því að þú fékkst svo lágar bætur á heimavistinni þinni gæti verið sú að leigan þar hafi verið það lág að bæturnar skertust verulega.