Með þúsundþjalaþumalputta nudda ég ís framan úr einhverju
barni sem er nýbúið að öskra á einhverja neyslu framreidda.
Ég velti fyrir mér þessu barni, hundrað ára barni , gömlum
börnum og nýjum börnum. Við vorum ekki svona frek, við
fengum bara kerti og spil en þið fáið himnaríki í þrívídd og
klámmyndir í jólagjöf og þjáist ekki einu sinni af guðhræðslu.
Það getur verið lýandi að skjótast meðfram
veggjum bara fyrir það eitt að vera ekki nógu guðhræddur eða
sólgin í gamlan, súran og saltaðan mat. Í þá daga voru
peysurnar ekkert bláar og bleykar þær voru annaðhvort kaldar
eða hlýjar, og yfirleitt aldrei nýja, ýjar einhver að mér.
Ég spyr enn og aftur. “ Hvað með aldurinn í heilanum og
hausnum þessi kraftur sem fæðist með kynhvötinni, þessi
kratfur sem vill brjóta allt og byggja, fæða allt og deyða” “Var
hann líka svart hvítur”
Nei það voru ungmennafélög í staðinn fyrir
útvarpsstöðvar og hugsjónir í staðinn fyrir klisjukenndar
kommúnískar hreyfihamlanir, sem stuðla einungis að því að
fallega limuð og hugsandi ungmenni safna ryki þangað til
einhver fær sig fullsaddan upp í kok og kveikir í þeim með
þeim afleiðingum að þau fá ókeypis í bíó og vingjarnleg boð á
meðan þau safna skuldum annarra manna í samfloti við
heiðbláar fylkingar sem sverja sig í ætt við stífustu stálturna
heimsins. Þessir turnar verða líklegast ekki bræddir nema
með eldi kramdra sálna sem súpa sand þangað til vatnið er
orðið svo barmafullt að það væri beinlísis hallærislegt að
deila því ekki.
Já og svona hefur þetta verið, tímarnir breytast ekki því
það er aðeins einn tími í gangi og hann verður ekki stöðvaður
nema með þessum hjörtum sem sífellt er verið að afneita.
Hjartanu var afneitað um leið og það byrjaði að slá og í dag
eru þeir kallaðir “slow” eða einfeldingar, þessir sem gera
tilkall til hjartans. Yfirleitt eru gamlar syndir settar í blöðin til
þess að kera kröfuna aftukræfa.
“Sá hinn sami og gerði tilkall til hjarta síns í gær er ekki
þess verður því að árið bla bla bla þá steig hann á hamstur
sér og unnustu vinar síns til mikillar kátínu ástamt því að hafa
haft við hana endaþarmsmök án skriflegs leyfis fyrrnefnds
vinar. Þessi maður ætlar síðan að gera tilkall til hjarta síns,
nei takk hann getur bara haldið áfram að borga af toyotunni
sinni og haldið trantinum á sér saman ”
Höldum hjartanu svörtu því þá er alltaf tilefni til þess að
slátra clónuðum grís því hvað er gaman að því að finna þann
sem aldrei týnist.