Ef þú átt bara að skrifa ritgerð um myndina skaltu byrja á að skrifa bara stutta umfjöllun um myndina og tvinna þitt álit síðan inn í umfjöllunina. Getur líka byrjað á stuttri lýsingu og síðan sett þitt álit á eftir, bæði virkar alveg. Passaðu bara að þú mátt ekki gera ráð fyrir að lesandinn hafi séð myndina en heldur ekki lýsa of miklum smáatirðum. Þetta verður svo í rauninni meginmál ritgerðarinnar, mér finnst yfirleitt best að skrifa það fyrst.
Þegar þú ert búin að því skrifarðu inngang sem tengir myndina við stærra samhengi, eins og að koma inn á hvernig bíómyndir hafa orðið að miklu tómstundagamani eða eitthvað, síðan ferðu út í sögulegar bíómyndir, gætir jafnvel byrjað á að tala bara um það hvað það hefur borið mikið á gerð sögulegra bíómynda undanfarið (Troy, Alexander mikli, King Arthur…). Aðal málið er að hérna takirðu það sem þú skrifaðir í meginmálið og tengir það við stærra samhengi.
Semsagt, þegar þú skrifar innganginn þarftu að byrja á því að tala svoldið almennt um bíómyndir eða almennt um sögulegar bíómyndir, síðan þrengirðu efnið niður í þessa einu bíómynd.
Í niðurlaginu dregurðu saman álit þitt á myndinni, hvaða áhrif hún hafði á þig, hvað þér fannst best/flottast/athyglisverðast. Síðan í alveg lokinn á niðurlaginu þarftu að víkka efnið út aftur, bara í síðustu setningunni, með því að tengja myndina aftur við eitthvað stærra samhengi. Þá þarftu ekkert endilega að tenga myndina við bíómyndir eða sögulegar bíómyndir, getur t.d. tengt hana bara við söguna sjálfa eða eitthvað. Getur sleppt þessari útvíkkun reyndar en til þess að fá alveg toppeinkunn þarf að vera smá útvíkkun í endann.