Hvernig væri að umsjónarmenn á Huga.is fylgdust betur með því sem spurt er um í skoðanakönnunum og “Hverjir ætla…”? Það er alltof oft sem ekki er hægt að svara skoðanakönnunum vegna þess að svarmöguleika vantar. Ég held að þetta stafi af óskýrri hugsun þeirra sem semja kannanirnar. Þeir halda oft að þeir hafi “dekkað” alla möguleikana, en hafa alls ekki gert það.

En ég þarf svo sem ekki að reyna að sannfæra einn eða neinn um að hugsun þeirra sem semja sé óskýr, dæmin tala sínu máli. Ég vil benda á að á sjöunda hundrað manns hafa sagst ætla að mótmæla “dómum fyrir afbrot sem þetta” í “Hverjir ætla..” á forsíðunni. Hvernig á nú að skilja það? Ætlar allt þetta fólk að mótmæla öllum dómum fyrir “afbrot sem þetta”? Það er bara spurt hverjir ætli að mótmæla dómum, ekki hverjir ætli að mótmæla of vægum dómum. Þetta fólk virðist því ætla sér að mótmæla því að dómar séu dæmdir fyrir svona afbrot. Ég held samt að fólkið hafi ætlað að mótmæla of vægum dómum fyrir afbrot sem þetta, en ekki að dómar séu felldir almennt fyrir afbrot sem þetta.

Svona er það þegar menn tala/skrifa áður en þeir hugsa<br><br>__________________________
No entity without identity.