EstHerP fyrir 20 árum, 3 mánuðum Fjöldi lestra: 510

Um copy paste

Nú veit ég að á Huga er copy paste illa liðið og í raun bannað, mig langar að vita afhverju? Eru einhver lög um þessi mál á netinu eða er þetta bara eitthvað sem stjórnendur Huga hafa ákveðið?

Ástæða þess að ég spyr er umræða um svona þjófnað á öðru spjalli, og þar virðast stjónendur finnast bara í góðu lagi að þeirra notendur séu að taka efni án leyfis, ef það er tekið fram hvaðan hlutnum er stolið, <a href="http://www.tjorvar.is/spjall/viewforum.php?f=38">þetta er sú umræða</a>. Því spyr ég, hvað er rétt í þessu máli?

Er nóg að setja tilvísun á hvaðan maður stal greininni, samkvæmt lögum eða er það ennþá jafn mikill þjófnaður?

p.s endilega látið mig vita ef urlið er ekki rétt, fékk það nefnilega sent í póst og get ekki staðfest það sökum banns sem ég er í á þessari tilteknu síðu. Kv. EstHe

Kv. EstHer

phi fyrir 20 árum, 3 mánuðum

Samkvæmt lögum er það bannað að STELA rituðu efni t.d. frá mbl.is

En þú mátt vitna í það og skrá þá hjá þér heimildir, hugi.is er í raun afar illa skipulagður að mínu mati varðandi allt svona og bara allur mórall í kringum þetta svo skrýtinn.

Mér langar að benda öllum á slashdot.org þar sem allar greinir/fréttir eru þanneig að stutt samantegt ( um 100 orð kannski ) úr fréttum og greinum eru og svo er bara vitnað í fréttina og tengill á frekari upplýsingar.

Mér finnst það afar sniðugt. I shut my eyes in order to see</

Science. It works, bitches.! ^_^

Fyrra álit

gthth fyrir 20 árum, 3 mánuðum

Lögum skv. má maður ekki birta efni opinberlega nema eiga útgáfurétt á þeim eða fá leyfi hjá handhafa útgáfuréttar (sem getur verið höfundur sjálfur, útgefandi (ef höfundur hefur selt hann), fjölskylda höfundar að honum látnum (hafi hann ekki selt hann) o.s.frv.) Birting á netinu er tvímælalaust opinber birting.

Tökum dæmi. Segjum að mér detti í hug að birta opinberlega (t.d. á netinu) Íslandsklukkuna eftir Halldór Laxness. Mætti ég það? Svarið er nei og á því leikur enginn vafi. En ef ég tek það fram að Halldór Laxness sé höfundur textans en ekki ég? Svarið er enn þá nei og á því leikur enn þá enginn vafi.

Ef ég ætla að birta opinberlega verk Halldórs Laxness (á netinu, á prenti eða með öðrum hætti) þá get ég gert tvennt: (a) Ég get reynt að fá leyfi hjá handhafa útgáfuréttar. Væntanlega er það fjölskylda skáldsins sem er handhafi útgáfuréttar verka hans að honum látnum, enda erfist sá réttur. Þessi útgáfuréttur er framseljanlegur og gildir í 50 ár eftir dauða höfundar. (b) Ég get beðið í 50 ár og birt svo textann (án leyfis). En hvort sem ég geri þá þarf ég að geta þess vandlega að Halldór Laxness sé höfundur textans þegar ég birti hann, því hann á sæmdarrétt á hugverki sínu og sá réttur fellur aldrei úr gildi. ____________________________________
Aut tace aut loquere meliora silentio.</

___________________________________

Fyrra álit

EstHerP fyrir 20 árum, 3 mánuðum

Já en nú segir þú að birting á netinu sé tvímælalaust opinber birting, hvað þýðir það?

Segjum að Halldór væri ennþá á lífi, og hann ætti heimasíðu sem Íslandsklukkan væri inná öll. Gæti ég t.d farið inn á síðu Halldórs og tekið copy af síðunni, birt á minni síðu og bara vitnað í hvaðan ég tók efnið. Þar sem birting á netinu er opinber birting? Eða er það ólöglegt!

Sorry hvað ég er mikil ljóska með þetta, en á þessu spjalli sem þessi umræða er á er búið að vitna í helling af lögum tekið af althingi.is og mörg þeirra stangast á. Þannig að ég snýst bara í hringi og veit ekki ennþá hvað má og má ekki.

Og annað, eru einhverjar aðrar reglur um spjallþræði eða t.d heimasíður fólks? Kv. EstHe

Kv. EstHer

Fyrra álit

gthth fyrir 20 árum, 3 mánuðum

Nei, sko Halldór mætti, ef hann væri á lífi, birta sín verk hvar sem hann vill. En þú mættir ekki birta verk hans (hvort sem þau eru tekin af síðunni hans eða skrifuð upp úr bók) opinberlega nema með hans leyfi - og þar með mættirðu ekki birta verk hans á netinu (vegna þess að það er opinber birting). Það væri sem sagt ólöglegt að afrita textann hans sem hann hefur birt á heimasíðunni sinni og birta hann á annarri heimasíðu án þess að fá leyfi hjá honum.

Ég held að sömu reglur gildi um heimasíður fólks og um prentaða texta. Þú mátt ekki taka texta af minni síðu og birta hann (hvorki á netinu né á prenti) án þess að fá leyfi hjá mér alveg eins og þú mátt ekki taka birta bók sem ég hef gefið út (hvorki á netinu né á prenti) án þess að fá leyfi hjá mér.

Það er að vísu til regla um svokölluð “sanngjörn not”. Þú máttvitna í texta að því gefnu að þú getir heimilda og aðgreinir tilvitnunina rækilega frá þínum eigin texta (t.d. með gæsalöppum). En þú mátt ekki birta hann í heild sinni (eða nánast í heild sinni) án þess að fá leyfi höfundar. ____________________________________
Aut tace aut loquere meliora silentio.</

___________________________________

Fyrra álit

gthth fyrir 20 árum, 3 mánuðum

Ég veit ekki hvort ég hef fundið rétta þráðinn þarna, en ég sé ekki að lögin sem vitnað er í stangist neitt á. Það er bara verið að vitna í lög sem koma málinu ekki við; það er verið að tala um tvennt ólíkt.

Ef við erum að tala um copy/paste þá er það vissulega satt og rétt að það er bannað að afrita texta (sama hvernig það er gert) og birta hann opinberlega (þar með talið á netinu) án leyfis höfundar, a.m.k. þar til 50 ár eru liðin frá dauða höfundar.

Ef við erum að tala um rétt dagblaða og tímarita til að endurprenta efni sem þeir hafa birt áður, þá er það vissulega satt og rétt að fjölmiðlar hafa þann rétt. Spjallsvæði er að mörgu leyti eins og dagblað eða tímarit og það þýðir væntanlega að notendur spjallsvæða, sem birt hafa greinar eftir sig á spjallsvæðunum, geta ekki krafist þess að greinar þeirra verði fjarlægðar (þeir verða að láta sér nægja að biðja fallega um það og vona halda í vonina).

En þetta eru tvö ólík umræðuefni. ____________________________________
Aut tace aut loquere meliora silentio.</

___________________________________

Fyrra álit

EstHerP fyrir 20 árum, 3 mánuðum

Já þessi þráður sem ég vitna í fór aðeins að ræða um aðra hluti en bara einfalt copy paste og meðal annars hver væri eigandi efnis á svona spjallþræðum og hvaða rétt þeir hafa sem hafa skrifað efnið. En ég er hinsvegar bara að tala um að taka efni af einni síðu og setja á aðra án leyfis.

Er hægt að vitna í einhver lög sem segja á svörtu og hvítu að þetta sé bannað? Kv. EstHe

Kv. EstHer

Fyrra álit

gthth fyrir 20 árum, 3 mánuðum

Höfundaréttarlög banna opinbera birtingu á efni annarra manna án þeirra leyfis. Þar segir ekkert orðrétt um netið eða vefsíður eða neitt slíkt. Mér finnst það bara liggja í augum uppi að birting á netinu er opinber birting og ég er 99,999999% viss um að dómstólar myndu dæma skv. því.

Þú getur lesið þessi lög <a href="http://www.althingi.is/leit.php4?stofn1=true&texti1=h%F6fundar%E9ttur“>hér</a> (smelltu á tengilinn ”1972 nr. 73 29. maí Höfundalög“ undir Lagasafn).

Það er athyglisvert að í 5. gr. þessara laga segir: ”Sá, sem þýðir verk, aðhæfir það tiltekinni notkun, breytir því úr einni grein bókmennta eða lista í aðra eða framkvæmir aðrar aðlaganir á því, hefur höfundarétt að verkinu í hinni breyttu mynd þess. Ekki raskar réttur hans höfundarétti að frumverkinu."

Þetta þýðir væntanlega að það er löglegt að þýða greinar og senda þær inn, enda er þýðing afrakstur andlegrar starfsemi þýðandans og því öðlast þýðandinn að einhverju leyti höfundarétt á þýðingunni (þú mættir t.d. ekki birta mína þýðingu á einhverri bók nema með mínu leyfi); en það raskar ekki höfundarétti á frumverkinu og þess vegna verður maður að geta höfundar frumverksins þegar maður birtir þýðingu sína. ____________________________________
Aut tace aut loquere meliora silentio.</

___________________________________

Fyrra álit

Tilveran

Tilveran

Ofurhugar

Stjórnendur

Hverjir eru inni

Korkar - Almennt

Um copy paste

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi