Í fyrsta lagi eru til tvær útgáfur af þessum frasa Catos í heimildum okkar og hvorug réttari en hin (en þú ert með hvoruga). Önnur útgáfan er svona: “Praeterea censeo Carthaginem esse delendam”. Hin útgáfan er svona: “Ceterum censeo delendam esse Carthaginem” (en þú náðir að misstafa nafn borgarinnar). Í fyrri útgáfunni er reyndar áherlsa á <i>delendam</i> sem mér þykir koma betur út.

Í öðru lagi segir þú að “Auk þess legg ég til að Carthago verði í eyði lögð” sé bein þýðing en “Auk þess legg ég til að Carthago verði lögð í eyði” komi einnig til greina. En sú fyrri er alls ekki beinni en sú síðari. það er til dæmis ekkert í frummálinu sem strangt tiltekið samsvarar “lögð í”. En orðaröð skiptir ekki máli, hún er breytileg frá einu máli til annars og hluti af því að þýða texta er að orða hann eðlilega á nýja málinu.

Fleiri þýðingar koma til greina en ein og “Auk þess legg ég til að Karþagó verði lögð í rúst” er jafn orðrétt þýðing. Af hverju heldurðu að sögnin <i>deleo</i> (sem <i>delendam esse</i> er af) þýði frekar að leggja í eyði en að rústa? Sögnin <i>deleo</i> þýðir út af fyrir sig að rústa einhverju, gjöreyða, steypa af stóli eða þurrka út (af henni er t.d. enska sögnin “to delete” komin). Aðrar mögulegar þýðingar (orðréttar) væru því: “Auk þess legg ég til að Karþagó verði rústað”, eða “Auk þess legg ég til að Karþagó verði gjöreytt”.

Útgáfan þín hefur hins vegar þann ókost að í henni eru hljóðgöp sem þykja ekki prýða málið: Auk þess legg ég til að Karþagó verð<b>i í ey</b>ði lögð. Þarna renna þrír samhljóðar saman í eina kássu í framburði.

Ps. Ég er ekki lengur í MR en ég hef lært latínu við Háskóla Íslands og University of Virginia.<br><br>____________________________________
<b>Aut tace aut loquere meliora silentio.</

Smá viðbót:

Ævisaga Catos er varðveitt hjá sagnaritaranum Plútarkosi, en Plútarkos skrifaði á forngrísku en ekki á latínu. Hjá honum er setningin svona: “&#916;&omicron;&#954;&#949;&#953; &#948;&#949; &#956;&#959;&#953; &#954;&#945;&#953; &#922;&#945;&#961;&#967;&#951;&#948;&#959;&#957;&#945; &#956;&#951; &#949;&#953;&#957;&#945;&#953;” (Tilvitnun fengin úr Plútarkosi, Ævisögu Catos gamla, kafla XXVII, fyrstu efnisgrein (línum 8-9 í Loeb-útgáfunni). Hér vantar reyndar öll áherslumerki en ég kann ekki html-kóða fyrir þau (ef hann er þá til) en það skiptir ekki máli því Grikkir sjálfir notuðu þau ekki, heldur eru þau verk seinni tíma manna). En jæja, hvað segir þessi setning orðrétt? Jú, hún segir (orðrétt): "En einnig virðist mér Karþagó ekki mega vera [til]". Þetta er það sem setningin segir orðrétt. Þannig er nú það :)<br><br>____________________________________
<b>Aut tace aut loquere meliora silentio.</