Ekki gleyma því að þú ert með vitlausar heimildir í þessu!!

Flugvöllurinn á ekki að faraa árið 2016! Hann er skuldbundinn til að vera þarna til 2016.

Nenni ekki að skrifa þannig að ég ætla að setja inn svar sem notandinn Hitlair skrrifaði á Flugnet.com, ég gæti ekki orðað þetta betur…

_________________________

Endurtek orð mín um Reykjarvíkurflugvöll;
Þetta er löngu orðinn þreytt umræða. Nokkrir punktar sem þurfa að koma skýrt fram fyrir almenning.
*60% Reykvíkinga vilja flugvöllinn áfram í Vatnsmýrinni
*90% Landsmanna vilja flugvöllinn áfram í Vatnsmýrinni (nema nokkrir siðblindir suðurnesjamenn sem vilja aukin viðskipti til sín).
*Svipað veðurfar er á HólmsHEIÐI og er á Hellisheiði. Þegar smá úrkomma er í Reykjavík er komin þæfingsfærð, skafrenningur og ófært fólksbílum. Flugbraut á Hólmsheiði myndi lokast
*Hólmsheiði er mjög nálægt fjöllum.
*Aðflug úr vestri inná brautir á Hólmsheiði myndi liggja yfir Breiðholt og Árbæ eða Grafarvog/Grafarholt= útilokað að það yrði samþykkt.
Í dag er aðflug úr vestri yfir Faxaflóa og mynni Skerjafjarðar inná Reykjarvíkurflugvöll.
*Hólmsheiði verður aldrei flugvallarstæði, stjórnmálamenn nefna þetta einungis til að forðast að nefna flutning flugvallarins til Keflavíkur sem yrði eina niðurstaðan.

*Ólafur F. er eini stjórnmálamaðurinn sem talað hefur um heildaráhrif á “flutning” Reykjavíkurflugvallar & innanlands-,sjúkra-,leigu- & einkaflugs til Keflavíkur en augljós áhrif eru;
*Verð á innanlandsflugi hækkar og mun líklega leggjast af í núverandi mynd.
*Störfum tengdum Reykjarvíkurflugvelli fækkar stórlega.
*Eldsneytisflutningar flugvéla aukast gríðarlega því næsti varavöllur er á hinum enda landsins=payload minnkar=innanlandsflug verður óarðbært.
*Álag á Reykjanesbraut mun stóraukast og slysatíðni einnig.
*Norðmenn byggðu lestarkerfi Gardenmoen-Osló. Þessi lest stendur nú 10 árum seinna ekki undir eigin kostnaði, er styrkt af ríkissjóð sem einnig hefur afskrifað yfir 700 milljón kr skuld vegna þessarar framkvæmdar. Þar að leiðandi held ég að RKV-KEF lest myndi ekki borga sig.
*Álag á vegakerfi landsins mun stóraukast þegar landsmenn sem þurfa að komast á milli leggja allir af stað á einkabílum. Magn fólksflutninga er það takmarkað að lestarkerfi milli landshluta yrðu of kostnaðarsöm.
*Aksturskostnaður landsmanna mun stóraukast.
*Alvarlegustu afleiðingarnar yrðu stóraukin tíðni banaslysa og alvarlegra umferðarslysa á þjóðvegum landsins. Slysin eru gríðarlega kostnaðarsöm fyrir samfélagið og Ólafur nefndi einhverjar himinháar tölur í tengslum við það.
*Á alþingi hefur verið samþykkt byggðarstefna sem segir að hver einasti íslendingur búsettur hér á landi á að geta komist til höfuðborgarinnar eða þess staðar sem stjórnsýslan og Landsspítalinn er/verður staðsettur á innan við 4klst. Þessu er ekki hægt að fylgja fari Reykjavíkurflugvöllur úr Vatnsmýrinni nema að Ráðuneyti og Landsspítali framtíðarinnar flytjist til Keflavíkur.
Fyrir ykkur sem ekki vita er LANDsspítalinn fyrir alla landsmenn og Borgarspítalinn fyrir borgarbúa, eins fj.sjkr á AEY er f. Akureyringa.
Landsspítalinn/Háskólasjúkrahús gæti ekki flutt í annað byggðarlag en HÍ er í dag.

Ég spái því að Reykjavíkurflugvöllur verði áfram í Vatnsmýrinni en í breyttri mynd t.d. 13/31 á Lönguskerjum.

Síðan þarf að koma Gísla Marteini og Hönnu Birnu í grunninn í nýbyggingu Háskólans í Reykjavík. Dagur má fylgja.

Það þarf einhverja talnaglögga menn til þess að leggjast í útreikninga tengt þessu, t.d. sá sem kom í fréttablaðinu um daginn, Mattías Sveinbjörnsson verkfræðingur og einkaflugmaður.

Upp með nýja samgöngumiðstöð. Hún mun fá heitið “Samgöngumiðstöð Möllers”.


_____________________________________

Og svo er það grein skrifuð af Sigmundi Erni Rúnarssyni. Tekið af Vísi.is Greinin

————

Reykjavík án flugvallar

Þá hefur hún loksins birst okkur; myndin af Reykjavík án flugvallar. Sumsé Vatnsmýrin öll með húsum og götum og torgum og vatni - og einum farlama flugturni til skrauts.

Reykjavík án flugvallar.

Og ég sem hélt að nýr meirihluti í borgarstjórn hefði einmitt orðið til vegna viljans um að flugvöllurinn yrði áfram í miðri borginni. Óskaplega sem borgarpólitíkin er einnota!

Líklega er það önnur saga - enda Ólafur F. Magnússon borgarstjóri nokkuð kindarlegur í svörum þegar talið barst í gær að verðlaunatillögu Skotanna um nýja byggð í Vatnbsmýri. Hann vissi eiginlega ekki hvort hann átti að vera glaður eða hryggur.

Ég hef raunar aldrei skilið hugmyndina um Reykjavík án flugvallar. Svo fremi að menn vilji skilgreina Reykjavík sem höfuðborg - og miðstöð stjórnsýslu, mennta og heilbrigðisþjónustu. Ég hef aldrei getað fylgt röksemdarfærslunni eftir alla leið …

Reykjavík án flugvallar er ekki höfuðborg að mínu viti. Það væri svona svipað og Kaupmannahöfn án Hovedbanegarden.

Engum Dana dettur í hug að tala um sína höfuðborg án aðallestarstöðvar í miðborginni. Og raunar er alþjóðaflugvöllurinn í grenndinni.

Reykjavíkurflugvöllur fer ekki á næstu árum. Hann verður væntanlega lagaður að enn frekari byggð í kringum hann - og umfang hans minnkað en hann fer hvorki til Keflavíkur eða upp á Hólmsheiði.

Auðvitað geta stöku stjórnmálamenn og þröngsýnar miðbæjarrottur látið sig dreyma. Og eiga að gera það. Og það er býsna borubratt og bjarmafullt að draga upp nýjar myndir af borginni sinni.

En höfuðborg er ekki einkamál Reykvíkinga.

Það er stórt orð, höfuðborg.

Og því fylgja skyldur.

Óumflýjanlegar.

Eitt meginhlutverk höfuðborgar er að allir landsmenn komist þangað hratt og auðveldlega - af því borgin þjónar landinu. Hún beinlínis skuldar landinu greiða og hraðvirka þjónustu af því einfaldlega að þar er alla miðstýringuna að hafa, sem er, vel að merkja, stærsta byggðaaðgerð Íslandssögunnar.

Það hefur tekið borgarstjórn upp undir aldarfjórðung að tala um Sundabraut, sem vissulega er mikil samgöngubót fyrir alla landsmenn. Enn sér ekki fyrir lagningu hennar. Umræðan um Reykjavíkurflugvöll er og verður tafsamari, af því hún er tæknilega flóknari, pólitískt viðkvæmari og snýst um grundvallarhlutverk höfuðborgar.

Sjálfumgleði draumastjórnmálanna og sjálfskipaðs gáfuliðs fær hér engu breytt.

Mönnum hefur ekki enn tekist að benda á annan kost en Vatnsmýrina fyrir öruggan og hagkvæman flugvöll í Reykjavík.

Það er raunveruleikinn. Nýja líkanið er aðeins sýndarveruleiki.

Reykjavíkurflugvöllur er ekki að fara.

Ég verð dauður áður en Reykjavíkurflugvöllur fer.

Og mér er spáð langlífi …

-SER.