ég er sammála þér, þó ekki Ómar Ragnarsson, en kannski bara út af því að ég lít á hann sem sprellikall.
mér fannst hneyksli að heyra þetta með þegar ríkisstjórnin laggði niður tannlækna í skólum og boðar núna fyrir kostningar fríkeypis tannvernd…

Já, Ingibjörg var ágæt og nýtur nú þess meðbyrs sem hún hefur haft undanfarið og
er létt og málefnaleg. Steingrímur var líka góður og var eins og venjulega.
En Ómar virkaði nú frekar stressaður og hálf óðamála, en hann fékk svosem ekki að tala mikið heldur.

Geir slapp en var í varnarstöðu og átti nú mun betri dag um daginn í “yfirheyrslu” Stöð2. Guðjón kom skemmtilega á óvart og jafnvel maður dagsins bara. Skemmtilegt þegar hann tók Jón í bakaríið í skattaumræðunni.

Verstur var Jón sem var eins og hinn versti botti sem talaði útí hött í einhverjum frösum. Eins og venjulega. Frasi Jóns þennan daginn var hið innihaldslausa orð “þjóðarsátt”.
Sýnist nú að eina þjóðarsáttin sem hann á möguleika á úr þessu sé að hann komist ekki á þing.

ómar: Stofnar fínan flokk á röngum tíma. Svosem hægt að segja að 6000 atkvæði hafi fallið dauð fyrir tilstilli hans og hefðu komið sér betur hjá öðrum flokkum. Þá væri kannski ekki þessi ruglingur eins og hann er nú. Og þó. Alveg er eins hægt að kenna gölluðu kosningakerfi um.

Jón: Mætur maður sem sýpur seiði af mistökum annarra. Á röngum stað á röngum tíma. En framsóknarmaður er ég ekki. Ekki þótt ætti að skjóta mig.

Geir: Myndi segja að ég treysti honum mest af öllum þessum formönnum þó álit mitt á þessum skattmanni sé ekki meira frekar en á hinum.

Guðjón: Hlusta ekki á hann frekar en aðrir íslendingar. Sammála þó að kvótakerfinu þurfi að breyta.

Ingibjörg: Aldrei verið hátt skrifuð hjá mér. Þoli ekki hvernig hún gengur í kringum hlutina. Þoldi ekki hvernig hún hótaði í kosningum áður fyrr að ef hún yrði ekki kosin myndi hún hætta í pólitík. Hverjum hefði ekki verið drullusama? Álíka hótun og maður myndi heyra frá 5 ára barni. Treysti henni ekki fyrir neinu eftir að hún gekk á bakvið orða sinna þegar hún sagðist ekki myndu hætta í borgarstjórn á sínum tíma en gerði það svo samt.

Steingrímur: Einstaklega ræðumælskur en snillingur í að spila allt úr hendi sér. Missti það endanlega þegar hann fór að væla um afsökunarbeiðni frá Jón fyrir persónulegar árásir í kosningaauglýsingum, eins og með netlögreglu auglýsinguna. Var hann ekki persónugerður af flokksmönnum sem prentuðu ófáa boli af honum í líki fjöldamorðingjans Che hér áður fyrr? Hvernig er verra að vera líkt við löggu? Voru ekki auglýsingar þeirra jafnharðar í garð Framsóknar? Hérna gerir hann bara úlfvalda úr mýflugu. Ekki vildi hann leyfa sölu léttvíns í verslunum. Hvernig getur hann þá verið hlynntur bjórverksmiðju hér á landi? Sér enginn íroníuna í þessu hjá þessum kalli? Stundum er hann bara alveg úti að aka.