Ég veit sem er að stærri bílar eru öruggari en litlir bílar. Þess vegna fjárfesti ég í stórum bíl þegar ég hafði efni á því. Einnig hefur það lengi verið mín skoðun að það eigi að hafa lægri hámarkshraða fyrir jeppa og sérstaklega stærri jeppa.
<p>
Ef þú lest skýrslu landspítalans, þá sérðu að einungis er verið að bera saman 3 ár.
Ég er farinn að gera mér grein fyrir að þú berð lítið skynbragð á tölfræði, þannig að það er dáldið erfitt að útskýra þetta fyrir þér.
Þú nefndir sérstaklega að aukin tíðni banaslysa væri vegna fjölgunar jeppa. Það er ekkert í skýrslu landsspítalans sem styður þá fullyrðingu þína.
Auk þess er til mun einfaldari skýring á aukningu slysa. Í góðæri ekur fólk meira og sérstaklega hinn stórhættulegi hópur, karlmenn á aldrinum 17-25 ára.<p>
Það er hvergi minnst á að umferðarslysum hafi fjölgað um 80% heldur er talað um að þeim sem leituðu til slysadeildar vegna umferðarslysa hafi fjölgað um 80% milli áranna 1998-2000. Það getur vel verið að slysum hafi ekki fjölgað jafn mikið, hugsanlega leitar fólk í meira mæli til slysadeildar í kjölfar slysa. Ekkert er um þetta rætt í skýrslunni. Reyndar er aukningin ennþá meiri milli áranna 1998 og 1999 og fækkun verður milli áranna 1999 og 2000. Fækkaði jeppum skyndilega?
Til þess að sjá hverning þróuin er þurfum við að sjá tölur frá fleiri árum aftur í tímann. Ágætt væri að miða við tölur frá 1990, þar sem slysum fækkaði mjög í síðustu kreppu í kjölfar þess að fólk ók minna. Sérstaklega hópurinn hættulegi, karlmenn á aldrinum 17-25. Það væri einnig áhugavert að sjá tölur um það hversu stór hópur fær bílpróf á hverju ári.<p>
Fullyrðing þín um að veruleg aukning slysa hafi orðið síðustu ár er að vissu leiti marklaus. Þú varst að tala um samband milli fjölda jeppa og fjölda banaslysa. Nú beitir þú þeirri taktík að skipta um skoðun, draga úr fullyrðingum þínum og reyna að gera mér upp skoðanir. <p>
Við vorum sérstaklega að tala um banaslys. Í fyrra dóu mjög margir í banaslysum og þú vilt taka það sem merki um einhverja þróun. Ég vil meina að þar til við fáum meiri upplýsingar vitum við ekkert um hvort hér sé að ræða tilviljun eða trend. <p>
Ef 3 slys hefðu ekki orðið í fyrra, þar sem 3 létust í hverju þeirra, hefði fjöldi látinna í banaslysum ekki verið óeðlilega mikill. Jeppi olli einu þessara slysa, í öðru tilfelli ofsaakstur ungs manns. Ég man ekki eftir því þriðja. <p>
Veðurfar getur haft mikil áhrif á fjölda slysa. Í vondum veðrum verða fleiri slys, í góðu veðri verða fleiri banaslys. Hvernig var veðrið þessi ár. Hversu margir ferðamenn komu til landsins, hversu margir ferðamenn létust í umferðinni. <p>
Hér eru þau skrif þín sem hófu þessa umræðu.
——
Banaslysum hefur fjölgað í kjölfar þess að tollar og gjöld voru lækkuð á stærri bílum, hefði talan átt að hækka miðað við það sem þú sagðir? Fólk er komið á nýrri og stærri bíla eftir þessa lækkun og eyðslufylliríið.
——
Þú talar sérstaklega um banaslys. Þú talar sérstaklega um nýrri og stærri bíla. Þú dregur ályktanir um að þarna sé samband á milli. Ef þú skoðar svör mín í þeim þræði þá fjalla þau einungis um þessa *loðnu* fullyrðingu þína. <p>
Auk þess kemur indridi með mun betri skíringu á aukningunni. Bílum hefur fjölgað.
<p>
Í skýrslu landsspítalans er fyrirsögn. *Þrefalt fleiri létust* Þarna er verið að vísa í það að þreflast fleiri létust á slysadeild. Hvaða tölur er verið að tala um? 1998=2 1999=3 2000=10 Sumir myndu horfa á þessar tölur og hrópa yfir sig, þetta er gríðarleg aukning. Aðrir myndu skoða tölurnarna og velta því fyrir sér hvernig á þessu stendur. Það létust fleiri í umferðinni árið 1998 heldur en árið 1999. Mun fleiri létust í umferðinni árið 2000, þannig að það kemur ekki á óvart að fleiri hafi látist á slysadeild. En það sem kemur mér meira á óvart er að einungis 7 af þeim 32 sem létust í umferðinni árið 2000 lenntu í slysi í þéttbýli. 25 létustu í dreifbýli eða 78%.<p>
Algengasta tegund banaslysa árið 1998 og 1999 var útafakstur. Í töluverðum fjölda tilvika var um að ræða útafakstur úti á landi þar sem ökumaður var ekki í bílbelti. Það er því alveg ljóst að ein auðveldasta aðgerð sem hægt væri að fara í til að fækka banaslysum á Íslandi er að sjá til þess að íbúar utan höfuðborgarsvæðis noti bílbelti jafn mikið og íbúar höfuðborgarsvæðisins gera. <p>
Að lokum vil ég vitna beint í skýrslu umferðarráðs um umferðarslys árið 1999:
——-
Heldur dró úr fjölda banaslysa á síðari hluta tímabilsins eins og sést á leitnilínu.
Þó er um töluverðar sveiflur að ræða sökum þess að tíðni banaslysa er tiltölulega lág á
Íslandi og varhugavert að túlka um of breytingar milli ára.
——-
Þetta er kjarninn í því sem ég hef verið að segja. <p>
Hvor okkar er að rífast bara til að rífast ?? Hvernig væri að þú færir að líta í eigin barm. <p>
Matti
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína.