heyr heyr!

Úff, þetta er ljótt að heyra…hvernig líður þessum vini þínum að vera svona óheiðarlegur?
Annars er þetta algjörlega í bága við það sem maður hefur oft heyrt um að öryrkar eiga það slæmt…maður veit ekki hverju maður á að trúa…

Kæri Apache, þetta er ljótt að heyra.
A.m.k. tvennt stakk mig þó í frásögn þinni sem mig langar að fá nánari útskýringar á.

Í fyrsta lagi, hvað gerir maðurinn við þessa sérsmíðuðu skó sem hann þarf ekkert á að halda? Hvernig nennir hann að standa í því að láta sérsmíða á sig skó þegar það er ekkert að honum?
Og fatnað? Hvernig tókst honum að kría það út?

Í öðru lagi. Þið greiðið 2,2 milljónir í skatta. Það segir mér að þið séuð með um 6,5 milljónir í tekjur á ári eða nettó laun að upphæð kr. 350.000 á mánuði. Og þá miðað við að þið fáið engar vaxta eða barnabætur.
Fyrirgefðu en ég spyr bara, hvað kostaði eiginlega þessi íbúð sem þið eruð að kaupa og hvernig eru lánakjörin á henni (og bílnum?) fyrst endar ná varla saman hjá ykkur?
Fyrirgefðu ef þetta er dónalegt en ég bara næ þessu ekki. Ég og maðurinn minn vinnum jafn mikið og þið og eigum tvö börn.Árstekjurnar okkar eru langt undir 6,5 milljónum. Samt komumst við bara alveg ágætlega af????
Auðvitað vildi maður alltaf hafa meira og auðvitað setur maður spurningamerki við hvernig skattpíningin er, sérstaklega á fjölskyldufólk en það er samt alger óþarfi að fara út í öfgar í málflutningi og kenna öryrkjum um. Ertu viss um að þú þekkir til hlítar allar aðstæður þessa manns?

Þetta er ekki sanngjarnt það er alveg á hreinu. Það eru því miður fullt af fólki sem ekki getur unnið og þarf á þessum bótum að halda en svo er til fólk sem er eins og vinur þinn sem nennir ekki að gera nokkurn skapaðan hlut. Þeir sem þykjast vera öryrkjar til að fá pening frá ríkinu eru sennilega mestu öryrkjarnir af öllu þessu fólki sem fá öryrkjabætur. Þeir eru aumingjar af lífi og sál, þó aðalega sál.

p.s ég þekkti einn sem var (er) á bótum en var með 400 þús svart á mán til að skerða ekki bæturnar og ók um á nýjum Pajero.

Þetta er ekki sanngjarnt það er alveg á hreinu. Það eru því miður fullt af fólki sem ekki getur unnið og þarf á þessum bótum að halda en svo er til fólk sem er eins og vinur þinn sem nennir ekki að gera nokkurn skapaðan hlut. Þeir sem þykjast vera öryrkjar til að fá pening frá ríkinu eru sennilega mestu öryrkjarnir af öllu þessu fólki sem fá öryrkjabætur. Þeir eru aumingjar af lífi og sál, þó aðalega sál.

p.s ég þekkti einn sem var (er) á bótum en var með 400 þús svart á mán til að skerða ekki bæturnar og ók um á nýjum Pajero.

Hvar er þessi vinur þinn? Ég skal alveg hjálpa honum við að verða alvöru öryrki!
En það er víst nóg af svona liði. Eitt sumar vann ég við afleysingar hjá Féló, og sögurnar sem maður heyrði. Það er fullt af fólki sem virkilega þarf á aðstoð að halda og starfsfólkið á Féló gerði sitt besta til að hjálpa því. Ég man sérstaklega eftir 2 mönnum; Annar hafði lögfræðing í vinnu að kría út einhverjar bætur frá Féló, og af hinum fréttist síðast þegar hann hafði opnað einhvern skemmtistað, maður á fullum bætum hjá Féló, það vantar ekki framtakssemina hjá þessu liði.
Þú átt hiklaust að klaga þennann mann og spyrja hvort hann kunni ekki að skammast sín.

Apache.

Ég er sammála þér varðandi skattpíningu í þessu landi, og því miður er staðan í raun og veru sú að þér er refsað fyrir það að ganga í hjónaband og eignast til dæmis þak yfir höfuðið og því meira sem þú vinnur því meiri er refsingin hlutfallslega.
Eignaskattur af skuldlausri eign á efri árum til viðbótar fasteignagjöldum og öðru þýðir engin verðlaun svo mikið er víst.

Það er til fólk sem virðist geta otað sínum tota
endalaust, hins vegar er einnig til fólk sem ber mjög skarðan hlut frá borði, í voru samfélagi m.a.
þeir er hlotið hafa örorku vegna læknamistaka svo ég nefni málasvið sem ég þekki vel sökum starfa minna fyrir hagsmunasamtök þeirra.
Fólk sem allt í einu er óvinnufært vegna afleiðinga ef til vill einhverrar kanski einfaldrar læknisaðgerðar, þar sem eitthvað fór ekki eins og átti að fara.
Starfsmenn hins opinbera er framkvæma verkin sem mistakast halda áfram að starfa, við borgum þeim laun og við greiðum örorkubætur, vegna mistakanna.

Illa skilvirkt og ótengt eftirlitskerfi veldur því að sá fyrsti hefur ekki hugmynd um hvað sá fimmti eða sjötti er að gera með sama sjúkling, svo dæmi sé tekið.
Jafnvel er ekki hægt að fá upplýsingar milli deilda á spítölum um sama sjúkling, ef því einhver starfsmaður þykist eiga upplýsingarnar,

Mest allir skattar okkar fara í umfangsmesta rekstur íslenska ríkisins hina heilögu kú, heilbrigðiskerfið sem fáir nenna að gagnrýna og skoða ( ég er undantekning í því efni ).

Þar má því leita mjög margra skýringa varðandi háa
skattaprósentu en fækkun aðila er greiða einhverja skatta í starfssemi útvegs á Íslandi af hálfu fyrirtækja sinna er einnig helsta ástæða
hinna miklu þjónustugjalda sem þarf að inna af hendi nú í heilbrigðiskerfið, til viðbótar öllum vorum sköttum sem við áður höfum greitt.

Sjálf vinn ég fulla vinnu alla daga og rétt næ 90 þús eftir að hafa greitt tekjuskatta af staðgreiðslu, sem verður að duga mér til þess að fæða og klæða mig og mitt barn, reyna að reka bíl og greiða leigu af húsnæði. Utanlandsferðir eru ekki og hafa ekki verið á dagskrá, en ég á þau hlunnindi að komast alltaf í mína sveit.
Undanfarin ár hefur mín skattalega staða verið sú eins fáránlegt og það nú er að ofgreidd staðgreiðsla hefur numið nákvæmlega sömu upphæð og tekin er af mánaðarlega árið um kring og maður spyr af hverju er ég þá ekki skattlaus, þ.e. hærri persónuafsláttur.

Ég veit að ég þarf ekki að kvarta miðað við marga aðra, en sanngirni þarf að leita, svo mikið er víst.

kveðja.
gmaria.

Eins og talað út úr mínu hjarta.
Við skattgreiðendur erum að borga undir rassgatið á aumingjum sem eiga oft á tíðumj mikið meira en við og eru bara að svindla á kerfinu.
Mér finnst að það ætti að herða eftirlit með öryrkjum og senda þá oftar í skoðun og ekki deila út örorkunum eins og sælgæti.

Þrefalt húrra fyrir Apache og okkur!!!!!

ég las litla grein sem var aftan á mogganum minnir mig. þar sem kemur fram að ef skattleysismörk hefðu fylgt verðþróun og verðlagi þa´væru skattleysismörk um 106 þúsund.

fólk er að borga skatt af lægri tekjum en áður, þetta er orðið sjúkt hvernig þetta er.

fáðu þér betri vinnu !!??

Jamm, það er nú svona. Menn standa ekki alveg nógu vel undir fjárhagslegum skuldbindingum sínum, og þá er það skattkerfinu að kenna?

Það eru vissulega umtalsverðar upphæðir sem við borgum í skatta, það er nú bara mun oftar spáð í það heldur en þjónustuna sem við fáum í staðinn, og hún er framúrskarandi góð, þegar á heildina er litið.

Heilbrigðiskerfið okkar, sem er nú stærsti útgjaldaliðurinn, er alveg hlægilega ódýrt í rekstri samanborið við gæði þjónustunnar. Heilbrigðis- og tryggingaráðuneytið hefur úr 150.000 krónum að spila per mann á ári, eða um 12.000 kr á mánuði. Í BNA kosta sjúkratryggingar allt upp í 50.000 kr á mánuði, en verðið fer auðvitað eftir aldri og heilsufari viðkomandi. Ódýrasta trygging sem dæmi eru um heyrði ég vera 89 dollarar á mánuði - nokkuð sem landar viðkomandi ætluðu alls ekki að trúa að hann slyppi svo billega, en hann var ungur maður, grænmetisæta, reyklaus, fékk aldrei flensu osfrv. Sá var sumsé ekkert mikið lægri en meðaltalið hér hjá okkur, sem þarf að standa undir fólki á öllum aldri.

Hvað er eiginlega kjarni málsins í svona umræðu? Þeir sem vilja leggja niður velferðarkerfið, þeir hafa um eitthvað að tala. En hvað með hina? Hvaða þjónustu á að skera niður ef þið viljið ekki borga svona háa skatta? Og ekki koma með þessa klisju um að það þurfi að hagræða og spara. Ef einhver færi væru til þess væri löngu búið að því.