Bake.

Rétt eins og fyrri daginn er fullyrðingagleði þín til staðar hér í þessari umræðu sem annarri.

“ tilraun Húmanista til átroðnings í húsnæði Skjás eins ”.

Varstu viðstaddur ?

Mér best vitanlega var þar nefnilega um að ræða friðsamlega ósk um það af hálfu löglegs framboðs til sveitarstjórnarkosinga í höfuðborg landsins,
að fá að taka þátt í umræðu um þau málefni sem kjósendur eiga eftir að taka ákvörðun um með veittu atkvæði í kjörklefa á laugardaginn.

Til þess arna hafði þetta sama framboð ekki fengið sömu tækifæri að koma máli sínu á framfæri af hálfu þessa ljósvakamiðils, sem önnur framboð er m.a. höfðu fest kaup á auglýsingum sjálfum sér til brautargengis í komandi kosningum.

Var eitthvað sérstaklega óeðlilegt við það að bera fram ósk um þáttöku og bera fram friðsamleg mótmæli ?

Var það frambjóðendum og stuðningsmönnum lýðræðisins um að kenna þótt forsvarsmenn stöðvarinnar litu á þetta sem allt að því “ hryðjuverkastarfssemi ” að löglegt framboð til kosninga í landinu skyldi bera fram ósk um það að fá að njóta jafnræðis við aðra frambjóðendur til þess að koma sínum sjónarmiðum á framfæri og fá að skiptast á skoðunum við ráðandi valdaaðila og
þá er setið höfðu að völdum þar áður ?

Var hárlakk rétta efnið til þess að reka á brott friðsamleg mótmæli frambjóðanda, og stuðningsmanna hans ?

Lýðræðinu útrýmt með spraybrúsum ?

Hvernig þætti þér það til dæmis ef þér yrði útskúfað úr umræðu hér á hugaþingi einungis vegna þess að þú sendir ekki inn nógu margar greinar sjálfur um þjóðfélagsleg mál ?

Hvernig sérð þú fyrir þér lýðræðisþróun í landinu á komandi árum með þeirri aðferðafræði sem markaðshyggja án landamæra virðist vera að áskapa okkur og í ljósi þess ef til vill ágætt fyrir þig að kíkja á vangaveltur á Múrnum um þessi mál. þ.e.a.s. ef þú hefur einhver áhuga á ´lýðræðisþróun en þar kemur fram að Bush Bandaríkjaforseti hyggst beita sér fyrir því í þágu lýðræðis að hvert eitt einasta framboð eigi greiðan aðgang að öllum fjölmiðlum með skoðanir sínar, og það skuli stjórnvöld tryggja.

Húmanistar og forystumaður þeirra hefur tekið þátt í umræðu um mannleg málefni í áraraðir á
vettvangi þeirra hverju sinni, það veit ég sjálf
afar vel því það hefi ég einnig gert að hluta til
í þágu hagsmuna sjúklinga í þessu landi og réttinda þeirra.

Ég er ekki flokksmaður hjá Húmanistum en ást mín á lýðræði þessa lands er mikil og ég er ekki tilbúin til þess að samþykkja það að sjónarmiðum sé útskúfað í lýðræðislegum kosingum með því móti sem verið hefur í höfuðborg landsins einkum af hálfu ljósvakamiðla fyrir þessar kosningar þar sem hin gegndarlausa markaðshyggja virðist ganga út á það koma á framfæri þeim sjónarmiðum sem keypt geta auglýsingar og lofað og svikið til skiptis ef til vill það sem kraftur auglýsinganna kann að færa í formi atkvæða til valda.

kv.
gmaria.

Hvernig getur þú reynt að líkja því að koma stjórnmálaskoðunum sínum á framfæri, við það að mæta í party?????

Þetta snýst ekki um að vera boðið, þetta snýst um það að öll þessi framboð eiga samarétt á því að fá umfjöllun frá fjölmiðlunum sama hvort þeir séu stórir eða litlir flokkar. Og þú talaðir eitthvað um auglýsingar, þær eru bara allt annað mál. Málið snýst um að fréttaþættir eru ekki auglýsingar, heldur umræðu vettvangar þar sem að allir sem að málinu koma eiga að fá að láta í sér heyra.
Kveðja, larush

ef þú ert að tala um ríkisfjölmiðil já þá er hann bundin þeirri skyldu, og ber vissulega að taka á því ef hann er ekki að sinna henni

ég er þeirrar skoðunar að þættir eins og kastljós séu farsakenndir og hlutdrægir, í besta falli

Þáttastjórnandi þáttarins fyrir nokkum vikum síðan er í framboði núna, og þegar hann var þáttastjórnandi þá var umræðan ekki lýðræðisleg….

aftur á móti er ég mótfallinn ríkisrekinni sjónvarpsstöð þannig að ég get ekki sagt að mér sé ekki sama, ég er reyndar ánægður þegar ég sé rúv gera eitthvað asnastrikið, því þá veit ég að það er ekki langt í að þessi stofnun verði tekinn af spenanum.

vona að ég hafi aðeins leiðrétt misskilninginn

Ég held að hann eigi bara við að fjölmiðill í einkaeigu má úthluta sínum tíma eins og honum sýnist.
Ef hann álítur að stór hluti kjósenda hafi áhuga á að heyra hvað 3 flokkar hafa að segja, en ekki jafn mikinn áhuga á að heyra hvað hinir 3 hafa að segja, þá er fjölmiðlinum fullkomlega heimilt að úthluta sínum tíma eftir því.
Auðvitað væri það allt annað mál ef svipaður hlutur gerðist á ríkissjónvarpinu, en þeim ber skylda til að gefa öllum flokkunum færi á að koma sínum málefnum á framfæri.

Ég held ég myndi fljótt missa áhugann á pólitík ef td. Vinstri-hægri-snú og Húmanistar fengju sama tíma og framboð með innihald og efni til að fjasa.

For future reference þá þætti mér vænt um að drengur yrði skrifað Drengur. Það urðu mistök við skráningu notendanafns hjá mér. Ég sumsagt heiti Drengur…

Stakir fjölmiðlar ákveða hve mikið hver frambjóðenda fær að tala mikið í sinni dagskrá!
Þess vegna ætti það ekki að vera áhyggjuefni að þeir bjóði ekki hverjum einasta vitleysing í viðtal vegna þess að það er ekkert sem stoppar frambjóðendurna í að kynna málefni sín annars staðar t.d á kosningafundum, með dreifiritum eða auglýsingum.

Því meira sem ég les af svörum þínum á þessari síðu því vissari verð ég um að þú sért “Troll”, næsti peace4all ef það er betra orðalag.



kv.
Swing3