gmaria

Þetta er alveg hreint ótrúlegt að heyra!!

Finnst þetta alveg jafn fáranlegt og fyrirgreiðslan til landbúnaðarins frá ríkinu.

Það á engin geiri eða fyrirtæki að njóta sérréttar eða fyrirgreiðslna.

Jafnt á að ganga yfir alla!

kv
gg

Nobby.

Vinstri stjórn Steingríms setti þjóðina í skuldafjötra í lax, refa og minka ævintýrinu, en
einnig sá hún til þess að sett yrðu lög á lágmarkslaun sem markað hafa láglaunastefnu verkamannstéttar á Íslandi allt til dagsins í dag.
Sennilega er það alveg rétt hjá þér að valdahlutfalls afsal í ríkisstjórn orsakar ákveðið breytingaleysi í þessum efnum , því miður.

kveðja.
gmaria.

GunniS:

Ekki fara með fleipur, það fer þér ekki. Ég veit ekki hvernig skattalögin komi bara blindum sjálfstæðismönnum við, en það ber óneitanlega vott um blindu af eigin hálfu að draga þá ályktun, án rökskýringa, að einhver geti ekki haft rétt fyrir sér vegna flokkamyndunnar. Svaraðu bréfinu bara efnislega. Þú getur það að öllum líkindum ekki. En ég ætla ekki að koma með heimskulegar athugasemdir eins og: “Þú tekur enga efnislega afstöðu, eða ertu blindur vinstri grænn?”

Ég ætla nú varla að fara kynna þér skattalögin, en segðu mér hvort það sé eitthvað ólöglegt í þessum aðgerðum sjávarútvegsfyrirtækja? Ef svo er ekki, hvernig færðu út að það sé ekki heil brú í þessu hjá mér? Yfirtaka á tapi fyrirtækja, felur einnig í sér yfirtöku á fyrirtækinu sjálfu, skuldum þess og eignum. Greitt er fyrir hlutina í keyptu fyrirtæki, og þeir sem taka við slíkri greiðslu greiða skatt af því, auk þess sem lánadrottnar fá greitt. Hvar er bullið í þessu?

Reyndar þá væri ég meira til í að tala við einhvern sem getur rökstutt hlutina, eða veit allavega eitthvað.

Það er fráleitt að þessi starfssemi skili ekki neinum skatti. Nægir að nefna eignarskatta, fjármagnstekjuskatta, tekjuskatta starfsfólks osfrv. Haldið þið að peningarnir hverfi bara? Það er engin einstök grein á Íslandi sem skilar jafn miklu í þjóðarbúið og sjávarútvegur, og það er beinlínis vitlaust að ætla að skatttekjur séu “engar” vegna sjávarútvegs, þegar aðeins er horft einn þátt í málinu.

Nú skiptir litlu hvort menn séu blindir sjálfstæðismenn eða ekki, ætli rökin tali ekki sínu máli sjálf. Jafnvel þótt ég telji þig vera heimskan fyrir svona heimsk skrif eins og þú gerir þig sekan um, þá reyndi ég að dæma þau efnislega, en ekki eftir persónulegu áliti á þér, þótt hugsanlega blindur sért. Mér þætti vænt um ef þú gerðir það sama, í staðinn fyrir að gaspra ályktanir og fullyrðingar sem þú gerir síðan ekki tilraun til að rökstyðja.

kv.
Kundera

gmaria:

Ég hef áður skrifað um það hvernig þeir að sjálfsögðu taka þátt í samneyslunni, ég nenni ekki að endurtaka það.

Ég nenni varla í svona umræðu um hvort menn geti í raun talist t.d. frjálshyggjumenn ef þeir nýta sér ákveðna þjónustu ríkisins, en þú hlýtur að sjá að þeir, frjálshyggjumenn, hafa líka greitt fyrir þessa þjónustu, þótt þeir vildu í raun sjá t.d. annað greiðslufyrirkomulag.

Annars eru þetta smáaurar sem verið er að ræða um, 30% af 7 milljörðum er = 2,1 milljarður, eða sem sagt ekki görn. Miðað við þau umsvif sem sjávarútvegurinn hefur og er, skapar hann langt um meira en þessi tekjuskattur segir til um. Það þyrfti ekki miklar sparnaðaraðgerðir til að vega upp á móti þessu, t.d. aðskilnað ríkis og kirkju.

Síðan talaru bara um eins og þessir peningar hafi horfið sem er bull, þeir fara í fjárfestingar í greininni og að mestu hluta hér á Íslandi. Það er ekki annað en gott mál.

Ég veit ekki hvaða kommúnísku fræði þú ert með í hönd, en sameign þjóðarinnar þarf að skipuleggja einnig, sem kommúnistar gleymdu, og þar er marg sannað að einkaeignarétturinn er lang best til þess fallinn, enda getum við þakkað því alla arðsemina sem við höfum fengið af sjávarútvegi, meðan hann er að mestu ríkisstyrktur í öðrum löndum, svona svipað og landbúnaðurinn hjá okkur(og fleirum auðvita).

Hvort kerfið er réttlátt eða ekki, nenni ég ekki að ræða í þessari umræðu, enda var það ekki málið sem þú varst að reyfa á. Ég tel sjávarútvegsfyrirtækin hafa unnið frábært verk með þessu, og tel það broslegt að ætla að þeir skili engu til þjóðarinnar(samneyslunnar). Það er svona svipað og segja að Jón Ólafsson greiði enga skatta.

kv.
Kundera