Það eina sem segir að laun forsætisráðherra þurfi að vera hæst er Jóhanna Sigurðardóttir og hjörðin hennar. Um þetta gilda engar skráðar reglur. Þetta er bara það sem Samfylkingu og VG finnst réttast. Þeirra siðferðiskennd er jú sú sem ræður þessi misserin.

Færa má rök með og gegn þessu eins og öðru. Rök með því að forsætisráðherra skuli vera launahæsti starfsmaður ríkisins kynnu t.a.m. að vera þau að hann er jú æðsti valdhafinn og ber mesta ábyrgð.

Rök gegn þessu kynnu aftur að vera þau að skilyrði til að geta orðið forsætisráðherra eru afar léttvæg (t.d. getur ómenntuð flugfreyja orðið forsætisráðherra). Aftur á móti þarf að uppfylla afar ströng menntunar- og starfsreynsluskilyrði til að geta gegnt mörgum öðrum embættum, t.d. embætti Hæstaréttardómara. Auk þess er öryggisatriði að dómarar séu mjög vel launaðir því annars ykjust líkur þess að þeim yrði reynt að múta. Því kynni sú regla að enginn skuli hafa hærri laun en forsætisráðherra að þykja óeðlileg.

Persónulega finnst mér fyrir neðan allar hellur að stuðla að frekari regluvæðingu með setningu þessarar reglu. Og ennþá fáránlegri finnst mér sú aðferð að lækka laun allra hærra launaðra ríkisstarfsmanna til jafns við laun forsætisráðherra. Miklu nærri lagi væri að hækka bara laun forsætisráðherrans yfir hæstu núverandi launin - hitt stuðlar aðeins að óánægju mikilvægra ríkisstarfsmanna sem skilar sér í lakari frammistöðu í starfi (sem er ekki það sem við þurfum núna á að halda). Til langs tíma leiddi það einnig til þess að hæfasta fólkið sæktist ekki eftir þessum mikilvægustu ríkisembættum, enda gæti það fengið betri laun hjá einkaaðilum. Það hlýtur að vera hagur þjóðarinnar að hæfasta fólkið sækist eftir æðstu embættunum - til að tryggja það þurfa þau að vera vel launuð. Sá ávinningur að spara e.t.v. 50 milljónir á ári með þessum aðgerðum er einskis virði miðað við tapið sem af þessu hlýst.

En þetta er nú bara mín skoðun.

Við ættum að vera búin að læra af reynslunni…

Laun og ábyrgð fara ekki saman…

Bankastjórar fengu hellings laun, hafa þeir þurft að bera persónulega einhverja ábyrgð?

Ættu það ekki frekar að vera þjónustufulltrúarnir og gjaldkerarnir sem ættu að fá milljón í laun, þeir þurfa í dag að vinna erfiðustu störfin, þ.e.a.s. að horfa í augun á viðskiptavinunum og semja um skuldir þeirra, vitandi að það voru þeir sjálfir sem ráðlögðu viðkomandi um fjárfestingu í hlutabréfum og sjóðum sem urðu að engu.

Hvað mundi maður sjálfur sem gjaldkeri segja/gera í slíkum aðstæðum?

Það er ekki eins og þeir geti bara hætt og farið að vinna annarsstaðar þessa dagana, þetta er jú vinna.

Ráðherrar bera enga ábyrgð nema á sjálfum sér, ef þeir taka ranga ákvörðun þá verða þeir settir af með mótmælum o.þ.h. og rangar ákvarðanir leiðréttar.

Dómarar, alþingismenn, lögreglumenn, sýslumenn o.þ.h. vinna störf sem miða að einstaklingum og eru mun persónulegri. Það skapar meiri hættu á spillingu og lögsóknum sem miða að þeirra persónu og þeim sem einstaklingum, ekki embætti þeirra…

Því er þeirra áhætta og ábyrgð meiri en nokkurntíman forsætisráðherra þó svo hún hafi meiri völd…

Hennar völd eru ekki jafn afgerandi fyrir einn einstakling og nokkurntíman dómsvaldið… Hver hefur þá meiri völd?

Eru völdin mæld í “áhrifum á líf fólks” eða “fjölda fólks sem haft er áhrif á” ?

Dómsvaldið nær ekki til allra en er og verður afgerandi fyrir þá sem eru dæmdir, sýknaðir, sækja mál eða verjast í dómssölum landsins.

Eingöngu mál sem skipta fólk miklu máli eru til lykta leidd í dómssölum.

En hvað þessa ríkisstjórn varðar þá er t.d. rangt að segja að ábyrgð Jóhönnu sé meiri en ábyrgð t.d. forstjóra Landspítalans.

Röng ákvörðun stjórnar LSH í dag getur drepið einhvern á morgun, embætti forsætisráðherra ætti virkilega erfitt með að gera slík mistök, en við finnum samt hvernig rangar ákvarðanir þeirra þar eru að tæma veskin okkar, stytta fríið okkar, takmarka ferðir okkar og minnka matinn sem við kaupum okkur… … þeirra ákvarðanir drepa fleiri og hægar.

Evrópumálin?

SAMFYLKINGIN OG VG ERU BÚIN AÐ BREYTA ALÞINGI Í SAUMAKLÚBB

Ætli það verði svo ekki aftur farið að tala um hvaða liti föt ungbarna á fæðingardeildinni eigi vera …

Og svo aftur rætt um hvalveiðar.

Var það ekki Steingrímur J sem talaði um að læsa einhverja inni og ekki hleypa þeim út fyrr en lausn væri komin…

SJ - læstu þig inni og ekki koma út fyrr en þú ert kominn með lausn.

p.s. taktu samfylkinguna með þér

p.p.s. skildu foxy menntamálaráðherran eftir.

p.p.p.s afléttið banni á súludans.


svo má skutla inn tillögu af blandi af p.p.s og p.p.p.s…

Kolröng forgangsröðun, of lítið af aðgerðum fyrir heimilin, fáránlegt hvernig farið var að ESB málinu og svo virðist Steingrímur J ekki hafa hundsvit á hagfræði.

Þó það sé þversögn þá vonaðist ég og bjóst við þessari ríkistjórn, en kaus samt borgarahreyfinguna.

Ætli ég geti svo sem samt ekki svarað sem nokkurs skonar stuðningsmaður:

Evrópumálin… Sáttur, vill að við sækjum um aðild og fáum upp á borðið hver skilyrðin eru. Ef mér lýst vel á skilyrðin þá kýs ég aðild, annars ekki.

Ég held reyndar að Katrín Jakobs muni lækka laun útvarpstjóra bráðum. Það getur samt vel verið að það sé flókið mál enda er Rúv sjálfstæð stofnun og Páll er með samning. Annars ræður menntamálaráðherra ekki launum sinna starfsmanna, held að kjaranefnd sé með það mál.

Annars er ég líka sáttur við að lækka eigi laun þannig að enginn sé með hærri laun en forsætisráðherra. Ástæðan er einföld:

Það er halli á ríkisrekstrinum, sem þýðir að hluti þess er rekin út á lánsfé. Það verður að skera niður. Mikið af yfirmönnum á spítölunum hafa fokið þegar eða tekið launalækkunum. Venjulegir kennarar, læknar, hjúkrunarfræðingar, endurskoðendur hjá ríkisendurskoðun munu eflaust lækka í launum en mér finnst lógískt að byrja á þeim launahæstu.

—

Hvað er ég óánægður með:

Mér finnst ekki vera nægilega opið. Meðan samið var um stjórnarsáttmálann var mikið leynimakk. VG lofuðu að halda opin fund um stjórnarsáttmálann en héldu svo lokaðan fund bara fyrir flokksmeðlimi.

Dómsmálaráðuneytið er ennþá í ruglinu. Það ætti að vera löngu búið að reka yfirmann landhelgisgæslunnar fyrir að hafa ráðið dóttur sína sem þyrluflugmann án þess að hún væri búin með námið. Og svo er ég ekki sáttur við hvernig er tekið á flóttamannamálum.

Mikilvægast er samt það sem er í gangi í skilanefndunum og stóru bönkunum. Þar virðist ennþá allt vera yfirfullt af spillingu.

Fínt að hafa laun forsætisráðherra hæst ef það leiðir til þess að skorið verði niður í Ríkisrekstri.

óþolandi að þetta fólk sitji inni á Alþingi að segja okkar hvað við eigum að gera í okkar lífi vegna þess að þau vita það betur en við á meðan þau lifa á peningunum okkar.

Það vantar einn flokk sem að minnsta kosti gagnrýnir ríkisvaldið.

Ég þoli ekki atvinnu stjórnmálamenn…

Birgitta rúlar… ekki kaus ég hana en það er strax gaman af henni þegar hún er að skvíla um framsókn og herbergið þeirra…

Fannst það alveg frábært hvernig hún uppljóstrar svona hver forgangsröðun flokkana er í praxis

Ef hugmyndin er að laun forsætisráðherra eigi að vera hæðst allra launaðra opinberra starfa þá er það vitleysa. Hinar ýmsu opinberu stofnanir, sem eiga að heita sjálfstæðar, eins og til dæmis Háskóli Íslands eða Seðlabanki Íslands, eiga að ráða því sjálfar hvernig þær ráðstafa því fjármagni sem þær fá. Ef þær stofnanir álíta sem svo að, til dæmi rektor háskólans, eigi skilið hærri laun og það sé stofnuninni fyrir bestu, þá er það að sjálfsögðu þeirra ákvörðun. Þetta er vottur að aukinni miðstýringu. Ríkið verður líklegast að draga úr eyðslu, en það er þá mál hverrar stofnunar fyrir sig að ákvarða hvernig best sé að bregðast við minni fjármögnun.

Ég er bara lítill og ekki með kosningarétt, en ég ætla samt að svara.
Mér finnst þessi stjórn LANGT frá því að vera að standa sig eitthvað ógeðslega vel, en þeir eru MUN betri en allir aðrir möguleikar í stöðunni.

Ég er ósammála

Það er bara alltaf sama sagan þegar komið er í stjórn, þá verða harðir vinstrimenn “pragmatískir” stjórnendur og sama má segja um hægrimenn, breytist eitthvað voða mikið, ekki á nokkrum mánuðu allavega. Hvar eru nú hin hörðu ummæli Steingríms um AGS ? Hvað er hann að gera í háu vöxtunum ?

Ég sé allt stefna í aðra byltingu þar sem það er ekkert verið að gera í alvöru, þau eru alveg ráðalaus og minni kjósenda er ekkert (man enginn eftir glæpum Halldórs Ásgeirssonar, er ég að fara með rétt nafn, hver man eftir honum annars ?) minnið er ekkert, hver var Geir og Ingibjörg ? Þetta hjálpar Framsókn og Sjálfstæðismönnum að komast til valda aftur og það er bara gott mál, þetta femínista og vinstripakk má fara aftur til helvítis !