Laufa frelsaði mig frá vinstrivillu. Laufa mín. Ég þarf bara að þakka þér kærlega fyrir bjarga mér frá vistrivillunni.
Þetta er alveg rétt hjá þér sem þú segir í þræðinum hér fyrir neðan, það er brjálaði að vera að kvarta eitthvað meðan fólk í sumum löndum á ekki einu sinni sjónvarp!!!

Það er ekkert nema ósvífni hjá mér að vera að rífa kjaft vegna þeirrar vandvirkni ríkisstjórnarinnar að spurja forseta hæstaréttar hvað sé það allra minnsta sem hægt sé að bjóða öryrkjum án þess að fá strax dóm á sig.

Alveg eins er það rangt að gefa í skyn að eitthvað sé athugavert við að þegar ríkisstjórnin fær dóm á sig fyrir að lög að þá sé verknaðnum ekki hætt heldur lögunum bara breytt.

Ég verð nú líka að segja að ég var plataður til þess að mótmæla því að þeim sem vekja athygli á brottkasti sé refsað meðan ekkert er gert til þess að uppræta ástæður brottkastsins.

En ég get ekki kennt öðrum um að kvarta sáran yfir skatti á geisladiska. Blindaður af rökvillum leyfði ég mér að halda því fram að flestir geisladiskar væru notaðir í eitthvað annað en að stela tónlist, t.d. að stela hugbúnaði sem er mun dýrari, kvikmyndum og jafnvel löglegum tilgangi, s.s. að geyma eigið efni eða að reyna að koma eigin efni á framfæri.

Þær eru óteljandi syndirnar mínar þar sem ég hef kvartað og ég vona bara að mér verði fyrirgefið á hinsta degi.

En ég get varla fullþakkað þér að benda mér á villur mína einmitt núna því annars hefði ég kannski farið að kvarta yfir því að yfirmenn Landsímans væru að semja við sjálfan sig. Ég hef líklega ekki áttað mig á því hversu erfitt mikið mál það er að standa að vel heppnaðri sölu gullgæsarinnar.

Það er líka alveg ljóst að stoppa verður þessa Vinstri Græna. Þeir hoppa upp við minnstu afglöp ríkisstjórnarinnar.
Mig var líka farið gruna eitthvað þegar þeir reyna að láta líta út fyrir að Siv sé ekki óháður úrskurðaraðili bara af því að formaðurinn hennar sagði, áður en hún úrskurðaði, að þessi virkjunn yrði byggð.

Við vitum bæði að ef VG kemst í stjórn að Ísland verði að kommúnistaríki, Steingrímur verður nýr Stalín og að KGB verði endurreist.
Enda vitum við Steingrímur stendur fyrir vopnaða byltingu og er því kommúnisti.
Ég bara fatta ekki af hverju hann er að bjóða sig og flokkinn fram í kosningum fyrst hann er að plana byltingu.

Þúsund þakkir,
Ingólfur Harri