Mig minnir nú að það hafi komið í ljós að 90% landsmanna vilji ekki að ísland taki þátt í refsiaðgerðunum, samkæmt einhverri gallup könnun. Hvað eigum við annars að gera! Hvað geta íslendingar gert til að refsa bin lada? Ég held nú að við ættum bara að láta einhverja aðra um að gera það sem gera þarf.

Persónulega snertir pólitíska hliðin á hryðjuverkin mig ekkert en samt er þetta agalegt,
mig langar ekkert til að hefna, en samt liði mér betur ef Osama væri ekki til.

Þetta er nú eftir þeim Vinstri-“grænum”. Það ætti einhver að sparka þessu liði niður í fyrri hluta 20. aldar þar sem þau eiga heima.

Það lifa ennþá í kaldastríðinu. Sorry, þið töpuðuð!

Er ekki Usama “íslandsvinur”? Hann millilenti einhverntíman í Keflavík.

mér er alveg sama hvað hinar þjóðirnar gera en mér finnst að ísland eigi að vera hlutlaust ríki og þeir eiga að vera löngu búnir að segja sig úr nato.

ísland gekk í nato af tilstuðlan bandaríkjanna þar sem þeir voru hræddir við að fyrrverandi sovétríkin myndu hasla sér völl hér á landi…
svo ég mundi frekar segja að nato lifir í fortíðinni

mér finnst aftur ámóti að ísland eigi að styðja refsiaðgerðir en ekki taka beint þátt í þeim eða segja hryðjuverkum stríð á hendur eins og okkar heimski Davíð Odds

hvað í anskotanum getur svo sem ísland gert?!

Þegar Ísland gekk í NATO var gerður fyrirvari af hálfu Íslands sem var eitthvað á þessa leið:

Ísland mun aldrei lýsa yfir stríði né fara með ófriði á hendur nokkurri þjóð.

Er þetta gleymt ? Hefur fyrirvarinn verið afturkallaður? Eða skiptir hann engu máli?

Er það nauðsynlegt að við verðum beinir þátttakendur í hernaðaraðgerðum umfram þær skyldur sem aðild okkar í NATO hefur lagt okkur á herðar fram að þessu?

Mér finnst þetta ótrúlega aumingjalegt af Vinstri-Grænum. Já ef eitthvað gerist fyrir nágrannaríki okkar og bandamanni þá eigum við bara að sitja heima og halda utan um peningana okkar. Gamla þjóðsagan um að gyðingar séu nískir er röng, þetta ætti að vera frekar um Íslendinga.

Svo ef eitthvað kemur fyrir okkur, þá væla þeir eins og smábörn um aðstoð erlendra ríkja.

Það sem fólk áttar sig ekki á er að ef þú styður ekki við bakið á bandamönnum þínum munu þeir ekki styðja við þig þegar þú ert í vandræðum. Og þar sem þetta eru Bandaríkin sem eru mjög mikilvægir bandamenn og “viðskiptavinir” okkar væri það ekkert nema heimska að segja “nei við viljum ekki taka þá í þessu”.

Lifi ísland

Lifi NATO

Lifi Bandaríkin

Þú ert að gleyma því sama og sorglega mikill meirihluti vestrænna þjóða.

Fyrst vil ég taka það fram að ef þú nennir ekki að lesa allt svarið, slepptu því þá að lesa nokkuð af því. Ég nenni ekki að lesa svör frá mönnum sem hlusta ekki og þykjast síðan vita eitthvað um málið.

Þetta *er ekki* Íslendinga slagur. Jújú, við getum haldið með Kananum, en það er ekki þar með sagt að A: Við gerum nokkuð gagn með því að þykjast hjálpa þeim, B: Að það sé okkur hollt.

Og þú minnist á að það eigi ekki eftir að stoppa þá að láta þá í friði… ég er því reyndar innilega ósammála. Þetta fólk fæddist ekkert með reiðina í hjarta, og það er ekkert að berjast gegn hinum vestræna heimi af ástæðulausu. Þetta fólk berst og þráir bardaga vegna þess að það hefur ákveðna mynd af hinum vestræna heimi, rétt eins og að við höfum ákveðna mynd af þeim. Það er því miður þörf á því að nefna að þessar myndir beggja aðila eru að meirihluta kolrangar.

Við sáum brjálaða Araba sem fagna á torgum þegar saklausir borgara deyja.

Þeir sjá hrokafulla Aría sem styðja og stundum taka jafnvel þátt í loftsprengjur og lofthernað gagnvart þjóðum, vegna þess eins að það hentar þeim vel í því tilfelli, sama hvað það kostar í lífum borgara.

Ég get ekki séð að hinn vestræni heimur sé neinu saklausari en hinn austræni, hvorki í þessum málum né öðrum. (Og í guðanna bænum, ekki leiða umræðuna yfir í alls óskyld efni eins og Hitler/Stalín.)
Það kemur of oft fyrir að menn haldi að maður haldi eitthvað sérstaklega með terroristum þegar maður talar eins og ég geri nú, en til leiðréttingar vil ég segja það, að ég er á móti ofbeldi í allri sinni mynd. Ég geri mér grein fyrir því að stundum er þörf á því, því miður, enda verða Bandaríkin og þeirra herbúnu vinaþjóðir að gera eitthvað í málunum. En við erum ekki hernaðarþjóð, sem betur fer, og þetta er ekki okkar slagur.

Þú ferð ekki niður í bæ um hverja Föstudagsnótt og leitar uppi slagsmál til að stoppa. Og þú ferð ekki niður í Mið-Austurlönd til þess að stoppa slag þar sem þú þekkir ekki hliðsjónir beggja aðila, og ert í raun í órétti, vegna þess að við, hinn vestræni heimur, er ófær um að dæma hugsanlegar afleiðingar þessa “stríðs”. Við erum ekkert með neina sérstaka yfirsín yfir ástandið, og erum ekki hæf né megnug til að dæma lifandi eða dauða.

Og fyrst þú nefnir að aðgerðaleysi bæti ekki neitt, þá sé ég nákvæmlega ekki neitt benda til þess að hernaður leysi nein vandamál. Það munu verða terroristar áfram, og ef hranalega er hlaupið í málin, verður almenningur út um allar trissur gjörsamlega snælduvitlaus, og þá getum við vel verið að horfa á stríð á milli þjóða. Stríð, sem ég vil ekki láta kenna mig við. Athugaðu að hugtakið “hryðjuverkamaður” hefur ekki einu sinni verið almennilega skilgreint! Þeir eru að vinna í að fullkomna skilgreininguna til þess að geta vitað hverjum þeir eiga að stúta.

Sem dæmi getur lausn Bandaríkjanna sjálfra frá Bretunum á sínum tíma, ekki talist sem neitt annað en skæruhernaður og uppreisn. Bara því þá “langaði” í eitthvað betra en að Bretar segðu þeim hvernig þeir ættu að lifa lífinu. Það er frelsisher. Ef einhver gerir þetta við Bandarískt sendiráð erlendis, þá er það hryðjuverkamaður. Ég sé ekki muninn, og reyndar ekki æðstu ráðamenn plánetunnar… þú vilt kannski skilgreina þetta fyrir okkur snöggvast og redda málunum?

Það er gömul klisja en sönn undir þessum kringumstæðum: Þetta er ekki svona einfalt.

Hróður Vinstri Grænna eða annarra stjórmálaflokka á Íslandi á lítið skylt við hin hörmulegu hryðjuverk í Bandaríkjunum og sorglegt ef mönnum dettur í hug að fara að agnúast og nota þessa atburði til innanlands vopnaskaks í orðum.

Það er alveg ótrúlegt hvað fólk kemst upp með að kalla alla komma, hryðjuverkavini og hvað eina sem ekki samþykkja allt sem kemur frá Bandaríkjunum án umhugsunar.

Bara svona til þess að enginn reyni að snúa út úr fyrir mér: Ég fordæmi árásir á óbreytta borgara. WTC er engin undantekning.

En með fyrirhuguðum aðgerðum sínum eru Bandaríkjamenn komir langt út fyrir valdsvið sitt.

Lítum á þetta:
Þeir segjast hafa sannanir fyrir því að Bin Laden hafi staðið að þessu. Ýmsir þjóðarleiðtogar hafa keppst við að segja sannanirnar sannfærandi.
Jafn vel hæstvirtur utanríkisráðherra sagði það. Kannski hefur hann rétt fyrir sér, ég veit það ekki þar sem ég hef ekkert séð.
Þó fannst mér það merkilegt þegar Halldór sagði að sannanirnar tengdust meira sendiráðsárásunum og fíkniefnasölu en beint árásunum 11. september.
Bush hefur krafist þess að fá Bin Laden framseldan, enda sjálfsögð krafa ef hann er með svona góðar sannanir. En hann neitar að framvísa sönnununum.
Það er ekki til það land sem framselur þegna sína án þess að fá enhver rök fyrir því. Hvað þá milli landa sem ekki hafa neinn samning um framsal.
Talíbanar (sem ég er alls ekki fylgjandi) hafa beðið um viðræður. Kannski eru þeir að tefja tímann, kannski vilja þeir fá eitthvað í staðinn eða kannski geta þeir ekki framselt hann þar sem Bin Laden hefur sinn eiginn her og örugglega mikil fylgi í her Afgana.
Svo mundi ekkert Vestur-Evrópuríki framselja neinn þangað sem hann ætti dauðadóm yfir sér.

Við getum líka snúið þessu við.
Við höfum oft heyrt araba segja í fréttum að það séu Bandaríkjamenn sem eru hryðjuverkamennirnir. Og heima í stofu hugsa flestir að það sé bara algjörlega búið að heilaþvo þá.

En eru Bandaríkjamenn alveg saklausir? Hvað var sprengjuárásin í lyfjaverksmiðjuna í Afganistan annað en hryðjuverk. Vissulega voru það mistök en það breytir því ekki að þarna var gerð árás á borgaralegt skotmark og óbreyttir borgarar féllu.
Bandaríkjamenn þóttust hafa mjög sannfærandi sannanir fyrir því að þetta væri efnavopnaverksmiðja.
Hefðu Bandaríkjamenn framselt þann sem var ábyrgur? Nei auðvitað ekki.

En hvað ætla Bandaríkjamenn að gera?
Þeir ætla að ráðast inn í Afganistan og steypa talíbönum af stóli.

Og hvað kemur í staðin? Lýðræðisleg stjórn sem nýtur stuðnings almennings í Afganistan?
Ó nei! Þeir munu koma til valda stjórn sem verður hliðholl Bandaríkjunum.

Og munu þeir láta sér það nægja?
Nei. Þeir telja sig vera með óútfylltan tékka í stuðningsbanka heimsins og munu hreinsa vel til svo að engin óvinveitt stjórn verði eftir.

Og mun hryðjuverkum linna eftir þetta?
Nei. Rótin, hatrið á Bandaríkjunum, verður bara sterkari.

En á þá bara að gera ekki neitt?
Nei alls ekki.
Það á allavega að reyna samninga. Talíbanar eru ansi óvinsælir og mikill þrystingur á þeim. Það gæti verið nóg til að fá Bin Laden framseldan og hugsanlega bæta mannréttindi.
Ef ekkert gengur þá er það í verkahring SÞ að gera eitthvað í málunum.
Þannig geta öfgamúslimir ekki kennt Bandaríkjunum um allt saman.

Og svo á ein ríkisstjórn ekki að geta skipt um ríkisstjórn í öðru landi.

Kveðja,
Ingólfur Harri

Liggur þér einhvað á?!?

Ég fyrir mitt leiti kenni Ríkinu 100% um, hvar sem það er. Ég veit ekki til þess að deilur tveggja einstaklinga valda því að fleiri þúsundir manns láta lífið, nema að það séu sem sitja og stjórna þessu kerfi, eftir því sem þeir halda best.

Ef þú ætlar að skammast í einhvern þá ættirðu að skammst í ríkisstjórninni, því hún á víst á móti rangklæti, og er að vernda okkur fyrir því. Það er það sem ríkisstjórn allra landa eiga að standa fyrir. Íslendingar, upp til hópa, eru bara með svo rosalega minnimáttarkennd að þeir gera hvað sem er til að vernda sýna laus. Íslendingar þora bara ekki að vera það öðruvísi að taka af skarið; íslendingar eru heiglar og aumingjar. Takk fyrir, og ég biðst afsökunar á orbragðinu.

friður
potent

ég hef nú lesið þetta yfir og mér fynnst margar af þessum skoðunum mjög ógeðfelldar!!!

ef að siggi rauðhaus hleipur niður í bæ og myrðir með köldu blóði 30 manns og hleypur heim til gunna vinar síns og biður um að hann fá að vera hjá honum svo löggan nái honum ekki og svo mætir löggan og segir gunna að senda sigga rauðhaus út af því hann myrti 30 manns en hann neitar því og ekki nóg með það hann hleypir lögguni ekki einu sinni inn til sín .

það líða 3 vikur og ekkert gerist ?

hvað á löggan að gera ? brjóta niður hurðina og ná í sigga eða eins og v-g skæruðliðavinirnir vilja gera ekkert því þeir eru svo hræddir við hina rauðhausana því kannski gera þeir einhvað til að hefna fyrir sigga því hann segir að áras á sig sé árás á alla rauðhausa .

auðvitað eigum við ekki að hlusta á svona hræðsluáróður frá stórglæpamönnum því auðvitað eru talibanar samsekir ef þeir vilja hindra réttvísina með því að halda hlífðar skildi yfir þessum manni og auðvitað væri það uppgjöf ef við gerðum ekkert maður semur ekki við hryjuverka menn

Eftir að hafa fylgst með öllu þessu sem er í gangi er ein spurning sem vaknar

Afhverju var þessi dagur 11.september svona hræðilegur?
Var það vegna þess að saklaust fólk dó, sem vissi ekkert hvað á því stóð veðrið?
Nei það getur ekki verið, vegna þess að BNA hafa drepið saklaust fólk sem vissi ekkert hvað var að gersast. Í Sudan þegar þeir sprengdu upp “efnavopnaverksmiðjuna” þá dó einn maður sem var næturvörðu. Hann var bara í vinnunni.
Síðan gáfu BNA þá skipun um að sprengja upp heimili höfðingja Talibana. Höfðingin lifði af. En þeir voru ekki að sprengja upp hernaðarlegt mannvirki heldur heimili manns.

Er það fjöldin af fólki sem dó? Það gæti verið ástæðan. En er það ekki hræsni. “já ef fjöldinn sem deyr úr hryðjuverki nær yfir X tölu þá er það hræðilegt, annars er það bara einn dálkur í dagblaði og er síðan gleymt”

Ég er sammála þeim sem sagði að hryðjuverkamenn þyrftu að drepa alla til þess að réttlætanlegt væri að fara út í svona aðgerðir.

Nú hafa BNA sagt það er allt í lagi að sprengja upp saklaust fólk, nota hvaða tæki sem er til þess að koma óvininum á kné og ef þú ert ekki með mér þá ertu á móti mér.

Þeir eru ekkert skárri en hryðjuverkamennirnir sem gerður þetta!