Kristbjorn fyrir 22 árum, 7 mánuðum Fjöldi lestra: 349

Sími til sölu, kostar eina tölu...

Nú er fyrsta hluta útboðsins á Landssímanum lokið. Eins og
við var að búast varð þetta stórkostlegt klúður. Ekki seldist
nema einn fimmti af því sem boðið var, og nægir það ekki
einu sinni til að hægt sé að skrá fyrirtækið á Verðbréfaþing.

Það liggur fyrir að úboðið mistókst. Ástæðurnar eru margar,
en helst hafa menn talað um lélega tímasetningu, hátt verð,
fyrirkomulag á útboði og hinn óþekkta og valdamikla
kjölfestufjárfesti. Þetta eru allt atriði ákveðin af Ríkisstjórn og
Einkavæðingarnefnd.

Samgönguráðherra er ráðherra málaflokksins. Hreinn
Loftsson er formaður Einkavæðingarnefndar. Báðir þessir
herramenn voga sér að koma fram og skamma
Búnaðarbankann fyrir að hafa ekki málað nógu góða
glansmynd af fyrirtækinu. Ég sé ekki fram á að þeir eigi eftir
að segja af sér, eins og gert væri í flestum lýðræðisríkjum.

Hver ber ábyrgðina hér ? Hver ætlar að kjósa Sturlu í næstu
kosningum ? Hve lengi fær Hreinn Loftsson að leika sér með
eignir þjóðarinnar á sama tíma og hann er sjálfur að velta
milljónum fyrir sig og Baug ( sjá
http://www.strik.is/frettir/pressan/efni.ehtm?id=1837&cat=frettir
) ?

Kristbjörn

gmaria fyrir 22 árum, 7 mánuðum

Markaðshyggjan og Matadorleikurinn hlaut einhvern tímann að taka enda í voru smáa þjóðfélagi, og hví skyldi almenningur ( lífeyrissjóðir ) hafa áhuga á að fara kaupa sína eigin eign sem er vel rekin og skilar hagnaði í þjóðarbúið.

Fyrra álit

radical fyrir 22 árum, 7 mánuðum

En ef ég hef áhuga á að selja mína eign, má ég það? Ég er hluti af þjóðinni og þjóðin á þetta víst. Ef einhver vill kaupa minn hluta af hverju má það ekki? Ef fólk er að græða svona á þessu afhverju kaupa ekki fleiri en raun ber vitni?

væri ágætt að fá svar við þessum spurningum þar sem minn haus skilur ekki vandamálið við þetta, fyrir utan að það er illa rekið fyrirtæki á of háu verði sem er verið að reyna að selja.

friður
potent

Fyrra álit

Fairy fyrir 22 árum, 7 mánuðum

Ekki gleyma því að það borgar sig alls ekki að kaupa LS. Hann er svo illa rekinn að það er bara tímasspursmál hvenar hann lækkar (mikið). þá er ég að meina í anda decode. Ég allavega lét hann algerlega eiga sig.

Þegar ég segi illa rekinn þá meina ég: Það er verið að skera niður starfsfólk á sama tíma og það er skortur á því. Þeir sem að eftir verða eru síðan látnir taka endalausar aukavaktir, sem eins og allir vita er tvöfalt dýrara. - Það er rosalega fallegt af honum félagslega, að hafa 118 útibú úti á landi og allt það. En það er bara svo skelfilega vitlaust. Í staðin fyrir að hafa 118 allt í einu húsi þá er verið að leigja húsnæði á Akureyri, Ísafirði og Egilstöðum líka. Þetta er nátturlega bara óþarfa kostnaður. Þótt þetta sé fallegt af þeim félagslega, þá lýtur LS engu að síður sömu lögmálum og önnur fyrirtæki og ætti að haga rekstrinum skv því. Ég nenni ekki að skrifa meira en þetta eru bara tvö af mörgum dæmum.

Love, Fairy

Fyrra álit

gmaria fyrir 22 árum, 7 mánuðum

Landssíminn er langt frá því illa rekinn, hann skilar verulegum hagnaði.
Það eina sem landsmenn uppskera við einkavæðingu þessa fyrirtækis er því nákvæmlega ekki neitt, nema möguleiki á lakari þjónustu.
Þjónustu sem landsmenn hafa tekið þátt í því að byggja upp svo góða sem raun ber vitni með sköttum árin öll.

Fyrra álit

Lotti fyrir 22 árum, 7 mánuðum

Einmitt síminn er vel rekinn og skilar miklu í ríkiskassan, ein undirstaða velferðarkerfisins. En einmitt þessvegna vilja Sjálfstæðismenn selja. Sjálfstæðismenn segja einkaaðila reka fyrirtæki miklu betur en ríkið og því eigi að selja ríkisfyrirtæki (helst gefa þau ef það er hægt). Þá hefði maður haldið að byrjað yrði á þeim fyrirtækjum og rekstri sem gengið hefur illa hjá ríkinu nei aldeilis ekki það var byrjað á rjómanum. Því raunverulegt mottó Sjallana er að selja góð og arðbær fyrirtæki svo einstaklingar og svokallaðir fjárfestar geti hirt af þeim arðinn. Ruslið getur ríkið síðan átt sjálft. Og þegar fyrirtækin eru komin í einkaeigu þá má ekki á það minnast að þau borgi fyrri arð til ríkisins í formi skatta.

Fyrra álit

jubii fyrir 22 árum, 7 mánuðum

Síminn skilar ekki hagnaði vegna þess að hann er vel rekinn! Hann skilar hagnaði vegna þess að hann er í einokunaraðstöðu með lang stærstan hluta af sinni starfsemi. Ein staðreynd sem ekki hefur farið hátt er að starfsmönnum símans hefur fjölgað um 200´, úr 1200 í 1400 á valdatíma Þórarins fimmta, sem er að mín viti einn vonlausasti stjórnandi allra tíma. Þetta er á sama tíma og tæknibreytingar ættu að vera að fækka starfsfólki en ekki fjölga því. Þeir hafa fjárfest i hverju dellufyrirtækinu á fætur öðru, allt í nafni nýsköpunar, en með ótrúlega lélegum árangri. Enda hefur hagnaður Símans verið að minnka verulega á milli ára og var ekki nema 200 milljónir á fyrri helmingi þessar árs. Það þarf snillinga til að reka fyrirtæki sem býr við aðra eins aðstöðu os Síminn gerir jafn illa og Þórarni fimmta og félögum hefur tekist.

Fyrra álit

Jazzhop fyrir 22 árum, 7 mánuðum

Landssíminn er ekki illa rekið fyrirtæki. Þrátt fyrir að ég sé starfsmaður annars símafyrirtækis á Íslandi, þá keypti ég hlut í Landssímanum, enda tel ég, með þá þekkingu sem ég hef á þessum markaði, að þessi hlutabréf eigi eftir að skila mér ágætum tekjum á næstu árum.

Það er ekki rétt hjá þér jubii að hagnaður hafi verið aðeins 200 milljónir á fyrri hluta ársins. Endanleg niðurstaða var tæpar 400 milljónir á móti 650 milljónum, en sú tala segir ekki allt.

Venjulega skila fyrirtæki frá sér tölum um svokallaðan EBITDA hagnað, en það er hagnaður fyrir afskriftir, fjármagnskostnað og skatta. Það er í raun sú tala sem maður á að skoða, og sú tala er á fyrri hluta þessa árs rúmlega 3500 milljónir á móti 3300 milljónum á sama tíma og í fyrra.

Það sem ber að skoða í þessu sambandi er að Landssíminn er að greiða niður með afskriftum viðskiptavild, sem var ofreiknuð þegar Landssíminn var einkavæddur. Þessar afskriftir eru m.a. að koma fram í ár. Þær eru stór hluti af þeim 1700 milljónum sem fara í afskriftir á fyrri hluta þessa árs.

Einnig er Landssíminn með mun hærri fjármagnsgjöld á þessu ári en á því síðasta, en það er líklegt að það sé vegna gengisfalls íslensku krónunnar.

Landssíminn er gullnáma. Enda hafa kjölfestufjárfestar greinilega mikinn áhuga. Ég tel að íslendingar hefi gert mistök að fjárfesta ekki í Landssímanum.

Að lokum. Ég spái því að Deutsche Telecom verði sá kjölfestufjárfestir sem kaupir 25% hlut í Landssímanum, enda hentar það þeim mjög vel.

Kveðja,
Jazzhop

Fyrra álit

siggibet fyrir 22 árum, 7 mánuðum

ROFL, titill þessarar greinar er hreint frábær!!!!!
Nenni ekki hins vegar að lesa hana…..hrútfúlt mál……

Siggibet

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Sími til sölu, kostar eina tölu...

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi