mute fyrir 18 árum, 6 mánuðum Fjöldi lestra: 1440

Hetjur óskast! En ekki allar samt...

Ég hef mikið verið að velta fyrir mér í sambandi við blóðgjöf. Ég hefði áhuga á að gefa blóð og vita nákvæmlega hvaða blóðflokki ég er í, EN… eins og alltaf þarf að setja boð og bönn í sambandi við allt, en þetta er bara fáránlegt!

Ég er samkynhneigður einstaklingur, ok, no problem with that, eða hvað? Ég var að lesa mig í gegnum reglurnar hjá blóðbankanum, og rekst ég ekki á þetta:

GEFÐU EKKI BLÓÐ EF:
1. Þú hefur smitast eða gætir hafa smitast af lifrarbólgu- eða alnæmisveiru.
2. Þú ert karlmaður og hefur haft samfarir við sama kyn.
3. Þú hefur stundað vændi.
4. Þú hefur einhvern tímann sprautað þig með fíkniefnum eða lyfi án fyrirmæla læknis, jafnvel aðeins einu sinni.
5. Þú hefur heyrt um líkur á Creutzfeldt-Jakob sjúkdómi í ætt þinni.
6. Þú hefur fengið horn- eða heilahimnuígræðslu.
7. Þú hefur fengið meðferð með vaxtarhormóni unnu úr mönnum.
8. Þú hefur fengið vefjaígræðslu úr dýri.

http://svali.landspitali.is/lsh_ytri.nsf/pages/bb_ahaettuhopar

Til að byrja með, þá er ekkert einu sinni gefinn valkostur hvort þú hafir látið rannsaka hvort að þú sért með HIV eða einhverja aðra alvarlega sjúkdóma
Í öðru lagi er ekki spurt hvort þú notir verjur.
Í þriðja lagi ert þú látinn fá krossapróf þar sem þú verður að svara öllu neitandi (þar með reglu nr. 2) annars færðu ekki að gefa blóð (vinur sagði mér það).
Mér finnst að ég og aðrir samkynhneigðir þurfum ekki að svara þessum valmöguleika neitandi, að neita því að við erum samkynhneigðir og stundum kynlíf.
Í dag er sagt að fleiri gagnkynhneigðar konur séu að smitast af alvarlegum kynsjúkdómum heldur en samkynhneigðir karlmenn (flettið því bara á google ef þið trúið mér ekki)

Það er bara sannleikskorn að þessar reglur eru úreltar og fordómafullar. Ég spurði einn alþingismann að því hvort þessu væri hægt að fá breytt, og var svarið við því að þetta væri í höndum WHO (World Health Organization)

Nú langar mig að sjá hverjir myndu standa með samkynhneigðum í því að fá almennilegt jafnrétti í þessu máli, með því að skrifa undir þessa grein.

Eple fyrir 18 árum, 6 mánuðum

Svona relur eru bara til skammar. Ætti ekki að banna einum frekar en öðrum að gefa blóð. Annað hvort er að finna upp HIV próf sem gefur svar á nokkrum min eða bara sleppa þessari fordómavittleysu.

Fyrra álit

skuggi85 fyrir 18 árum, 6 mánuðum

Það er testað blóðið sjálft fyrir HIV.

En gallinn er sá að sá sem er nýbúinn að smitast (seinustu 6 mánuðina) getur verið með veiruna án þess að hún mælist í prófi. Sá sem er nýbúin að smitast getur gefið blóð og það endar í þeim sem fær blóðgjöf þó það hafi farið í HIV próf.

Öruggast er því að banna bara öllum að gefa blóð sem hafa stundað skyndikynni nýlega, óháð kynlíf. Sama gildir um þá sem hafa nýlega stundað vændi (sem er náttúrulega bara skyndikynni). Sá sem seldi sig eða keypti vændi fyrir ári síðan er ekkert í meiri áhættu en aðrir enda ætti HIV próf að vera öruggt fyrir því tímabili.

Blóðbankinn hvetur sérstaklega þá sem eru í föstum samböndum að gefa blóð. Ef samkynhneigðir í föstum samböndum geta ekki gert það þá eru það ekkert annað en fordómar að samkynhneigðir haldi frekar framhjá en aðrir.

Fyrra álit

[Notanda eytt] fyrir 18 árum, 6 mánuðum

Er ekki bara hægt að geyma blóðið í 6 mánuði og testa það svo?

Fyrra álit

skuggi85 fyrir 18 árum, 6 mánuðum

Nei ég held að veiran fjölgi sér ekki á eðlilegan hátt nema vera í mannslíkamanum.

Annars held ég að það líði meira en 6 mánuðir og þanga til blóðið er notað. En samt eru þetta rök sem ég hef heyrt frá blóðbankanum að þessir mánuðir séu áhættumánuðir. Sérstaklega seinustu þrír en eftir 6 verður það 100%.

Fyrra álit

Isgurdurgur fyrir 18 árum, 5 mánuðum

Er þetta bara ég eða hefur fólk sérstaka þörf fyrir að segja fólki sem vinnur í blóðbankanum hvort það hafi verið að selja eða kaupa vændi eða?

Strike!

Fyrra álit

Freyzi87 fyrir 18 árum, 6 mánuðum

kvartandi síðan að það sé skortur á blóði…
þetta eru fáránlegar reglur…

Fyrra álit

Solid fyrir 18 árum, 6 mánuðum

tímafrekt að fara t.d. í skóla eins og var gert veit ég núna í haust, og láta sem flesta gefa blóð, en þurfa samt að blóðprufa hvern einasta einstakling, frekar láta þá gera einfalt krossapróf og athuga blóðið eftirá, en, samt sammála, finnst að það ætti ekki að útiloka samkynhneigða svona alvarlega, gefa þeim séns á að svara með verjur og aðgæslu í kynlífi, og/eða bara láta alla gefa blóð og athuga svo blóðið eftirá, meina þeir hljóta að verða að athuga blóðið áður en þeir gefa einhverjum það, annað er út í hött að mér finnst.

Fyrra álit

[Notanda eytt] fyrir 18 árum, 6 mánuðum

Þetta var í fréttum man ég fyrir stuttu, mig minnir að rökin þeirra hafi einmitt verið sú að samkynhneigðir karlmenn ættu frekar á hættu að smitast af hættulegum sjúkdómum. Ofboðslega faglegur læknir í eldri kantinum og hvítum slopp sem sagði þetta rólega eins og þetta væri bara sjálfsagt. Flestir virðast hafa tekið mark á honum, þrátt fyrir að hann hafi farið með rangt mál.

Sá sem gerði fréttina hefði mátt vinna heimavinnuna sína betur og finna upplýsingar annars staðar um sjúkdómatíðni. Mig minnir að ég hafi lesið þetta sem þú sagðir einhvern tímann sjálfur, ef einhver getur bent mér á traust gögn sem sýna sannleikann væri það flott.

Og síðan bara skokka niðrí blóðbanka og/eða RÚV/Stöð 2 með upplýsingar og sjá hvað gæti verið gert.

Fyrra álit

Nainsi fyrir 18 árum, 6 mánuðum

Heldur þú að þú og fleiri viti betur en læknir sem er greinilega af eldri kynslóðinni og búin að nema læknar í fleiri, fleiri ár.

Ég er ekki sammála því að samkynhneigðir einstaklingar skuli ekki fá að gefa blóð, það er fáránlegt en eins og einn benti á, þá ætti þetta að gilda um alla sem stunda skyndikynni og eru ekki í föstu sambandi.

En mér þykir það ekki líklegt að læknir með margra ára reynslu og vitnesjku hafi rangt fyrir sér þegar hann tilkynni eitthvað fyrir framan alþjóð, ég meina hver eruð þið að dæma hann og segjast vita að þarna liggi fordómar að baki og ekkert annað…

Ég tel það frekar líklegt að það sem maðurinn segi sé satt…en hvað varðar reglurnar þá eru þær algjörlega út í hött.

Takk fyrir.

Fyrra álit

[Notanda eytt] fyrir 18 árum, 6 mánuðum

Já, ég tel hann ekki hafa rétt fyrir sér. Aðallega útaf því að samkynhneigðir eru langt frá því að vera í meirihlutahópi lengur varðandi alnæmi og svipaða sjúkdóma.

Fyrra álit

Nainsi fyrir 18 árum, 6 mánuðum

Ég skil bara ekki hvernig þú og fleiri reyndar getur talið þig vita betur en hann þegar það er svo mikið af áreiti út um allt og röngum staðreyndum sem koma fram í könnunum, þá finnst mér að læknarnir ættu að vita best. Bara það.

Fyrra álit

[Notanda eytt] fyrir 18 árum, 6 mánuðum

Nýjar tölur um smitaða benda þó til þess að mynstrið sé að breytast, það er að segja að gagnkynhneigðir séu í meira mæli að smitast af alnæmi en áður. Á sama tíma fer þeim fækkandi sem smitast og eru samkynhneigðir. Síðustu fjögur árin smituðust til dæmis 25 einstaklingar við gagnkynhneigð mök en aðeins 10 við samkynhneigð mök.

Sjá aðeins neðar, ég veit að þú last þetta.

Fyrra álit

Nainsi fyrir 18 árum, 6 mánuðum

Það er allt of mikið af uppróti hjá ungu fólki í dag, það er aldrei hægt að treysta einu eða neinu, sífelldar efasemdir og traustleysi gagnvart eldri kynslóðinni sem að mínu mati veit betur í mörgum tilfellum.

Fyrra álit

Noproblem fyrir 18 árum, 6 mánuðum

Ég veit ekki hvað þú færð útúr því að gefa blóð, en það er fallega hugsað hjá þér.
Þessar reglur eru einfaldlega til að vernda sjúklinga.

Fyrra álit

Krikinn fyrir 18 árum, 6 mánuðum

Auðvitað eiga samkynhneigðir að geta gefið blóð eins og aðrir.
Þessar reglur eru orðnar ansi gamlar, byggja á gömlum dordómum og fræðsluleysi.
Allt það blóð sem kemur í blóðbankann er rannsakað vel og vandlega áður en það er gefið, auk þess sem fyrstu blóðgjöf hvers einstaklings er ekki notuð til gjafa hún er einungis rannsökuð.
Þessar reglur þarf að sjálfsögðu að endurskoða því alvarlegir sjúkdómar í samkynhneigðum koma líka fram í rannsóknum rétt eins og hjá þeim gagnkynhneigðu!
Þetta er skandall og ekkert annað.

Fyrra álit

Anon fyrir 18 árum, 6 mánuðum

Hér er ástæðan…. ég vil samt taka það fram að ég er ekki að dæma um hversu rétt þessi ástæða er

Á Íslandi er ríflega helmingur þeirra sem smitast hafa af HIV-veirunni samkynhneigðir eða 52%. Um 31% smitaðra hafa smitast við gagnkynhneigð mök. Aðrir sem hafa smitast af veirunni eru blóðþegar sem hafa þegið smitað blóð, börn sem hafa smitast af mæðrum sínum eða fíkniefnaneytendur sem hafa smitast af sýktri sprautunál. Ákvörðunin um að leyfa ekki samkynhneigðum körlum að gefa blóð er byggð á þessum tölum samkvæmt upplýsingum frá Blóðbankanum

Fyrra álit

mute fyrir 18 árum, 6 mánuðum

Nýjar tölur um smitaða benda þó til þess að mynstrið sé að breytast, það er að segja að gagnkynhneigðir séu í meira mæli að smitast af alnæmi en áður. Á sama tíma fer þeim fækkandi sem smitast og eru samkynhneigðir. Síðustu fjögur árin smituðust til dæmis 25 einstaklingar við gagnkynhneigð mök en aðeins 10 við samkynhneigð mök.

Á nákvæmlega sömu síðu og þú tókst þitt efni af, nema einni málsgrein neðar.

http://www.gay.mis.is/?t=pistlar_more&naid=290

Fyrra álit

Anon fyrir 18 árum, 6 mánuðum

jamm, ég veit það…

Var bara að benda á að þetta eru ástæðurnar sem Blóðbankinn gefur sér, hvort sem þær eru réttar eða ranga

Fyrra álit

skuggi85 fyrir 18 árum, 6 mánuðum

Enda voru aðallega samkynhneigðir að smitast fyrir 20 árum þegar HIV faraldurinn var. Margir þeirra eru en þá lifandi.

En heldur þú að þessir einstaklingar sem hafa vitað í mörg ár að þeir séu með HIV fari í blóðgjöf á næstunni?

Fyrra álit

Anon fyrir 18 árum, 6 mánuðum

Fyrir það fyrsta þá kemur þessi athugsamend málinu ekkert við vegna þess að það er verið að vísa í þá sem eru smitaðir en vita ekki af því… og þegar þessi regla hefur verið sett á sínum tíma þá voru meiri líkur á því að samkynhneigður maður væri smitaður án þess að vita það en gagnkynhneigður - alveg óþarfi að flækja þetta..

Í öðru lagi þá var ég ekkert að lýsa mig samþykkan þessu hjá blóðbankanum, bara að setja þá ástæðu sem þeir gefa sér hérna inn… ég er ekkert sammála henni..

Í þriðja lagi þá grunar mig að þessi regla hangi þarna inni vegna fordóma fáfróðra gagnvart samkynhneigðum - þ.e. læknar óttist jafnvel að veikt fólk neiti að fá blóð ef líkur eru á því að það sé úr “homma”
Kannski er þetta af gefnu tilefni, maður hreinlega…

Auðvitað á heilbirgður samkynhneigður maður að geta gefið blóð..

Annars held ég að við þurfum ekkert að vera velta okkur uppúr þessu skuggi minn, held að við séum báðir ekki gjaldgengir blóðgjafar og það af öðrum ástæðum en samkynhneigð

Fyrra álit

skuggi85 fyrir 18 árum, 6 mánuðum

Já ég held að ég sé of lauslátur til að gefa.

En ég væri til í að gera slíkt þegar ég fer í langtíma samband.

Fyrra álit

Anon fyrir 18 árum, 6 mánuðum

“Eiturlyfja”notkun kemur líka í veg fyrir blóðgjöf ;)

Fyrra álit

skuggi85 fyrir 18 árum, 6 mánuðum

Ég hef aldrei sprautað mig :)

Fyrra álit

Anon fyrir 18 árum, 5 mánuðum

1. Fengið blóð eða vefjaígræðslu frá mönnum
2. Verið í nálastungumeðferð utan heilbrigðisstofnunar.
3. Fengið skartgripagötun.
4. Fengið húðflúr eða aðra stungu í húð (t.d. rafháreyðing, förðun)
5. Stungið þig á notaðri nál (stunguslys) eða fengið á þig líkamsvessa frá áhættuaðila.
6. Tekið fíkniefni í nös.
7. Haft mök við einstakling sem stundar vændi eða á annan hátt tels til áhættuhópa.
8. Orðið fyrir nauðgun.
9. Deilt heimili með eða haft mök við aðila sem er smitaður af lifrabólguveiru.
10 Verið í speglun með sveiganlegum tækjum.

Mér finnst liður 10. mjög skemmtilegu

Fyrra álit

skuggi85 fyrir 18 árum, 5 mánuðum

Er þetta samt ekki fyrir visst tímabil?

Það er nefnilega meira en ár síðan ég tók seinast í nös.

Fyrra álit

Anon fyrir 18 árum, 5 mánuðum

6 mánuði

Fyrra álit

Anon fyrir 18 árum, 6 mánuðum

Þessi grein er reyndar upphaflega af vísindavef háskólans

Fyrra álit

mute fyrir 18 árum, 6 mánuðum

Já ég veit :P stendur líka neðst, heimildir, á þessarri síðu sem ég gaf upp.

Fyrra álit

Helmuth fyrir 18 árum, 6 mánuðum

Þótt einhver gaur sé samkynhneigður, þá á það ekki að banna honum að gera eitthvað gott. Mikið frekar að athuga hvort blóðið sé sýkt, þeir eru víst komnir með einhverja fljótari prufu fyrir HIV.

“Can´t rain all the time” - Brandon Lee

Fyrra álit

phi fyrir 18 árum, 6 mánuðum

Að gefa blóð eru ekki réttindi, því er þetta ekki jafnréttismál. Þær rannsóknir sem þessar reglur byggja á, benda einfaldlega á það að samkynhneigðir karlmenn beri oftar smitsjúkdóma sem smitast með blóði. Þetta er afar einföld tölfræði.

Það er hægt að rannsaka hvern einasta einstakling - sem er samkynhneigður, hefur stundað vædni o.s.frv. - og skoða hvort hann hafi eitthvað ákveðið heilkenni eða sjúkdóm, það er einfaldlega of flókið og of mikið vesen. Það er öllum sama hvort þú ert heilbrigður, það er ekki verið að níðast á þér heldur eru þetta bara varúðar ráðstafanir.

Stjórnmál

Ofurhugar

Stjórnendur

Hetjur óskast! En ekki allar samt...