Stjórnmálaflokkar hér á landi eru rétt svo að ná að halda sér gangandi, á meðan flokkar erlendis eru vaðandi í peningum.

Það sýnir bara hvað við erum miklir sveitalubbar á Íslandi að væla yfir svona smápeningum.

Ég meina þótt að það kosti að reka stjórnmálaflokk, þá skil ég ekki afhverju við ættum að borga það með skattpeningum okkar.

Eru löndin sem við berum okkur saman við eitthvað skárri ?

Mér finnst það ekki ekki skipta máli. Þótt að löndin sem við bærum okkur saman við myndu heimila íkveikjur, þá væri það samt rangt.

Það er eðli samfélagsins að maður kemst áfram á peningum og athygli. Eiga stjórnmálaflokkar bara að lýta fram hjá þessu ? Vinstri grænir hafa spilað það ágætlega að vera “öðruvísi” og vera á móti þessu, nælt sér í nokkrar hræður sem að eru á uppreisnarskeiði. En það þýðir ekki að það sama myndi virka fyrir alla flokkana.

Hvað hefur það með málið að gera hvernig fólk kýs vinstri græna?
Ég er á móti því að peningar sem ég greiði í skatt fari í stjórnmálaflokka.
Ef ég myndi stofna Íslenska nýnasistaflokkinn sem gerði út á homma, gyðinga og útlendingahatur, ætti ég þá að fá ríkisstyrk? Bara af því að ég kæmi nokkrum mönnum inn á þing?

Damphir minn, þessar tölur eru ekki laun þingmanna, heldur ríkisstyrkir til stjórnmálaflokka.

Þingmenn hafa barasta ágætiskjör seinast þegar ég vissi. Finnst það svo sem alveg fínt, þingmenn ættu að vera vel launuð starfsstétt. En ert þú hlynntur því að ríkið gefi stjórnmálaflokkum peninga?

Hvernig vilt þú hafa þetta? Eins og í usa þar sem að fyrirtæki eiga nánast stjórnmálaflokkana og umræðan er næstum aldrei málefnaleg, heldur bara gróðahyggja. Þar stjórna þeir sem að hafa efni á því. Viltu hafa það svoleiðis á Íslandi. Það er því miður ekki ókeypis að reka stjórnmálaflokk.

Gott og vel, en fyrst að þú heldur því fram að þessir ríkisstyrkir séu til þess að koma í veg fyrir að fyrirtæki kaupi upp flokka, afhverju eru flokkarnir þá ekki bara á ríkisstyrkjum?

Hvernig á að reka stjórnmálaflokk án þess að fá styrki frá ríkinu? Eiga þeir að selja penna og sjá um bása á 17. júní?

Ekkert hræðileg hugmynd. Ég veit ekki betur en að flestir flokkar séu með einhverskonar fjáröflunarstarf. Fyrir utan það að félagsmenn þeirra greiða náttúrulega félagsgjöld.

Hugsa aðeins áður en maður sendir inn grein og vill endilega vera á móti öllu.

Það er alls ekki sjálfgefið að ef maður velti hlutunum fyrir sér þá komist maður að sömu niðurstöðu og aðrir. Satt að segja tel ég að því meira sem fólk veltir hlutunum fyrir sér, því líklegra er það til að vera ósammála.

Nei, þessu er nefnilega öfugt farið í raun. Sjálfstæðisflokkurinn sem fær mest af pening frá frjálsum framlögum er einmitt sá sem fær hæstan ríkisstyrk líka.

Ríkið hefur heldur ekki stutt flokka sem hingað til hafa ekki komið inn þingmanni. Þeir flokkar, eins og t.d. nýtt afl á sínum tíma, höfðu ekki pening til þess að halda uppi öflugri kosningabaráttu.

Við þetta ætla ég að bæta nokkrum atriðum.

Þegar að stjórnmálamaður ætlar að hætta að starfa hjá þinginu. T.d Forsætisráðherra okkar, Davíð Oddsson, hver er staða hans í samfélaginu. Getur fyrrverandi forsætisráðherra tekið upp störf á kassa í Bónus eða farið að vinna á lager í Skífunni. Þetta eru menn sem eru búnir að missa alla möguleika á því að geta starfað úti í samfélaginu og held ég mismikill áhugi á því að ráða svona vafasama menn, eigandi fyrirtækis veit ekkert um áhrif þess á fyrirtækið. Þannig að það sem er gert er að þeir komast snemma á eftirlaun og þess háttar.

Þessir menn sæta endalausum árásum í fjölmiðlum og þeir eru svona almennt skotmark og allt beinist að þeim, þegar rædd eru stjórnmál og þeir þurfa að taka veigamiklar ákvarðanir sem hafa áhrif á alla í landinu.

Og í þokkabót þá eru störfum þeirra sjónvarpað. Og þegar þeir mæta í vinnuna þá labba þeir inn í einn stjóran sjónvarpssal sem kallast Alþingi og allir Íslendingar geta fylgst með þeim meðan þeir vinna vinnuna sína og flytja ræður sínar.

Ef þetta er ekki álag þá veit ég ekki hvað og þess vert að vera launað starf.