bensín okur

[Notanda eytt] fyrir 23 árum

Hversu há er hækkunin sem verður á miðnætti í nótt?

Fyrra álit

0

[Notanda eytt] fyrir 23 árum

“Lítri af 95 oktana bensíni hækkar á miðnætti í kvöld um 6,60 krónur hjá Olíufélaginu (ESSO) og mun því fara yfir 100 krónur í fyrsta sinn eða í 102,90 krónur”. - mbl.is

Fyrra álit

0

girlygirl fyrir 23 árum

Mér finnst þetta bara vera brandari!! auðvitað á að lækka þessa skatta!! það er ekkert hægt að eiga bíl lengur!! En þeir hafa bara ekki áhuga á því að lækka skatta, finnst bara gaman að hækka þá!!

Just ask yourself: WWCD!

Fyrra álit

0

mAlkAv fyrir 23 árum

Í fyrra þá var sköttum á bensín breytt þannig að þeir eru núna, að ég held, föst krónutala en ekki prósenta.

Ég er mjög hrifinn af háum sköttum á bensín, það er jákvætt á marga vegu, fólk er að eyða of miklu bensíni með að kaupa bensínfreka bíla og þá á það skilið að fá þetta oná sig. Það sem ég hef eitthvað á móti er það hvernig þetta fer með flutningabíla og þá sem þurfa að kynda með olíu.

Ég ætla hins vegar ekkert að minnast á umhverfisþáttinn í þessu sambandi, þið eigið nú öll að vita af þeim.

Þenslan er alls ekki að baki.

<A href="

Fyrra álit

0

lhg fyrir 23 árum

Eru ekki flutningabílar yfirleitt á dísel? Það virkar náttúrulega allt öðruvísi. Díselinn kostar miklu minna en þeir borga þungaskatt í staðinn. Það er hlutfallslega ódýrast fyrir þá að keyra sem mest.

Fyrra álit

0

thew fyrir 23 árum

—–
Ég er mjög hrifinn af háum sköttum á bensín, það er jákvætt á marga vegu, fólk er að eyða of miklu bensíni með að kaupa bensínfreka bíla og þá á það skilið að fá þetta oná sig.
—–
Takk, ég á nú ekki mjög bensínfrekan bíl, en þurfti samt að skipta á micrunni minni og Opel Zafira þegar fjölskyldan stækkaði. Ég var líka orðinn hræddur um öryggi fjölskyldunnar akandi um á smábíl mitt á milli trukkanna.
Það er gott að vita að fólk eins og þú ert ánægt með að nú þurfi ég að borga 200 krónum meira fyrir að fylla bílinn. Ég er glaður að þú ert ánægður.

Ég fer reyndar oft með strætó í vinnuna, enda er alltof dýrt að eiga bíl, þannig að það er ekki séns að eiga smábíl líka sem maður gæti notað til að rúnta um.

Njóttu vel, vonandi þarf ég að borga ennþá meira í skatta á næsta ári svo þér líði betur.

Matti

Fyrra álit

0

mAlkAv fyrir 23 árum

Thew, eins og ég benti á þá er þetta ekki skattahækkun sem veldur háu verði á bensíni heldur markaðurinn, þú ert líka svo hrifinn af markaðinum.

<A href="

Fyrra álit

0

thew fyrir 23 árum

——
Ég er mjög hrifinn af háum sköttum á bensín
——

Þú ert ágætur.

Matti

Fyrra álit

0

mAlkAv fyrir 23 árum

Alveg merkilegt hvað þú hefur gaman að því að vitna í mig, ég held að fólk geti alveg lesið þetta sjálft í svari mínu og þá ekki tekið út úr samhengi.

<A href="

Fyrra álit

0

thew fyrir 23 árum

Ertu hrifinn af háum sköttum á eldsneyti ?
Þú fyrirgefur kæri mAlkAv og ég vona að fólk komi hér og leiðrétti mig. En ég sé bara ekki hvernig ég fór að því að snúa úr orðum þínum.
Þú ert hrifinn af háum sköttum á eldsneyti. Má ég ekki gagnrýna það. *Má* ég ekki vera fullkomlega ósammála þér og þykja skoðun þín sérlega heimskuleg?
Hátt verð á eldsneyti minnkar notkun á því lítið sem ekkert. Fólk *þarf* að nota bíl. Fólk *verður* að kaupa eldsneyti. Það sleppir bara einhverju öðru í staðinn. Hversu hátt hlutfall af verði eldsneytis fer til ríkis þegar virðisaukaskattur er tekinn með.

Hversu hár hlutur af kostnaði þeirra sem selja eldsneyti er gjöld til ríkisins. Gjöld sem þessir aðilar þurfa að greiða af sinni framlegð af bensínverði?

Ríkið, það ert þú.

Matti

Fyrra álit

0

mAlkAv fyrir 23 árum

Ég gerði grein fyrir hvers vegna mér finnst að skattar á bensín ættu að vera háir, þegar þú tekur eina setningu út úr þá ert þú að reyna skapa við brögð við henni en ekki við því sem ég var raunverulega að segja.

Í póstinum mínum kom skýrt fram að mér finnst að skattar á bensíni séu mjög góðir af því að þeir hafa góðar afleiðingar, svo sem að fólk kaupir bíla sem eru sparneytnari (og yfirleitt ódýrari) og ég benti líka á að þáttur umhverfisverndar er ríkur í þessu (fólk eyðir minna bensíni og er opnara fyrir að reyna nýja tækni svo sem rafmagnsbíla eða annað umhverfisvænt).

Bensínskattar eru sem sagt góðir út frá þessu, þú hins vegar kemur fram eins og ég sé ánægður yfir því að bensín sé að hækka sem er kjaftæði, ég hins vegar tel ekki réttlætanlegt að rugga með þessa skatta fram og til baka eftir því sem alþjóðaverð á olíu fer upp og niður, olíuverð er komið til vegna markaðslögmála. Ég sé líka ekki betur en að ef við færum að laga skattana til þá væri það form ríkisafskipta á markaðinum sem þú ert líklega ekkert hrifinn af (nema kannski þegar það er þér í hag).

Eigum við að hækka skattaprósentuna á bensín ef verðið á því lækkar of mikið? Er það ekki sami hlutur bara í hina áttina. Á ríkið ekki bara að ákveða verðið á bensíni svo þetta sé allt stöðugt, ríkið ætti kannski líka að taka að sér sölu bensíns og þannig stjórnað þessu nákvæmlega.

<A href="

Fyrra álit

0

[Notanda eytt] fyrir 23 árum

segðu okkur núna mAlkAv hvaða stjórnmálaflokk þú aðhyllist

Fyrra álit

0

mAlkAv fyrir 23 árum

Ég aðhyllist engann stjórnmálaflokk, eins og er, í kosningum þá mun ég kjósa þann flokk sem ég teldi að ætti að vera næst í stjórn.

<A href="

Fyrra álit

0

[Notanda eytt] fyrir 23 árum

Ég heyrði fyrir nokkru síðan frá dóttur leigubílstjóra, að leigubílsstjórar megi bara gera út í sex vikur á ári.

Einnig kostar það fúlgur, það eitt að fá að keyra bíl til atvinnureksturs.

Þetta, ásamt hinu óendanlega heimskulega strætókerfi, gerir það að verkum að *allir* íslendingar vilja eiga bíl. Það notar enginn taxa nema mjög fullur eða á leiðinni á djammið, og einmitt vegna þess að það er svo fáránlega dýrt. Bílarnir eru 40 sinnum dýrari en þeir þurfa að vera, og bílstjórarnir eru búnir að eyða fúlgum í það eitt að mega keyra og rukka peninga fyrir, ekki að það komi Ríkinu rassgat við hvort þeir eru að rukka tott eða 500 kall fyrir.

Þetta er það sem gerir samgöngur innan Reykjavíkur að svoddan djöfuls martröð. Fávitaskapur.

Þetta er eins og að reyna að flytja ríkisfyrirtækin út á land til þess að hvetja fólk til þess að flytja út á land… sem er notlega fávitaskapur þegar lítrinn af bensíni kostar 102 krónur, þegar maður getur ekki tekið neinn skárri kost en að keyra sjálfur, sem er auðvitað gjörsamlega óþolandi. Fyrir utan það hvað maður er fokking lengi á leiðinni, hafa flug verið að leggjast af vegna þess að flugfélögin eru ekki að nenna að standa í þessu kjaftæði. Það er of dýrt og of mikið vesen að fljúga til að fólk nenni þessu, hvað þá keyra út á land. Rútur? Sem kosta jafnvel meira en að keyra? Hell no, woman.

SETJA LEST ÞARNA, HÁLFVITAR. Ríki með mun hræðilegra veður en við gera það, og ríki sem hafa líka jarðskjálfta af og til. Og hver á að borga? Ríkið, ef þið spyrjið mig. Sé ekki hvernig þessi “fullkomna lausn”, Kapítalisminn, á að ráða (eða þora) að byggja svona græju strax. Við þurfum að losna við þessa geðveikislegu fólksfjölgun í Reykjavík og henda henni út á land, og það *mun* kosta okkur, hvort sem við gerum það eða ekki. Þetta er spurning um hvað við viljum vera að borga eftir 20 ár.

Fyrra álit

0

viceroy fyrir 23 árum

Má ég benda þér á að kanarnir voru hérna á sínum tíma að KVARTA UNDAN 30 KRÓNUM Á LÍTERINN

Fyrra álit

0

viceroy fyrir 23 árum

Má ég benda þér á að kanarnir voru hérna á sínum tíma að KVARTA UNDAN 30 KRÓNUM Á LÍTERINN meðan við þurftum að borga 95 krónur fyrir hann.
Ég er ekki mikið fyrir kraft í bílum og soddan, eða finnst hann ekki mikilvægur þegar kemur að bílakaupum, og ég á ekki bíl, og ég vinn á bensínstöð, og þar af leiðandi sér maður oft að fólk er hálf fúlt yfir að ÞURFA að kaupa bensín. Það kostar núna að fylla 50 lítra tank, sem btw er í mörgum bílum, það kostar bara yfir 5000 kall!!! þetta er geðveiki, fyrir 3 árum kostaði það, 3100 kall. Þetta er rugl, 2 árum hækkaði bensín um 50% og dísel um yfir 100% kostaði 23 krónur en núna 50 kall.
Segðu mér að þetta sé ekki rugl. Og að ég minnist nú ekki á helvítis tryggingarnar sem fólk er að borga.
Myndir þú segja ef að fólk væri enn á hestum, að það ætti að auka verð á heyi til þess að fólk riði minna út???
ég segi, skítt með ríkið, það getur vel lækkað þetta niður án þess að láta það bitna á öðrum sköttum. Þeir minnka laun hjá ráðamönnum t.d. ekki það að það væri stór hluti en þetta er bara dæmi.

Þannig að sú hugsun að það sé gott að hafa háa skatta, er tómt BULL, og ástæðan enn verri að fólk sé að eyðslumeiri bílum. HVAÐ ER AÐ ÞVÍ???
Þetta er sennilegast minnimáttarkennd í þé

Fyrra álit

0

mAlkAv fyrir 23 árum

Bandaríkjamenn eru vondir við umhverfið, þeir eru líka í þeirri aðstöðu að þeir eiga sjálfir olíu.

Hestar eru *örlítið* umhverfisvænni heldur en bílar og hey er hægt að framleiða á Íslandi.

Tryggingar eru líka mjög góðar fyrir okkur og það er meira að segja að myndast meiri og meiri samkeppni á þeim markaði, fólk virðist samt vera merkilega hrifið af þessum íslensku tryggingarfélögum.

Bílar eru eitt stærsta umhverfisvandamál heimsins og því ber okkur skylda til að reyna að minnka notkun þeirra og gera þá umhverfisvænni, stór hluti af því er að hvetja fólk til að nota bíla sem eyða minna.

Fyrirgefðu mér að ég skuli hugsa um umhverfið og efnahaginn. Fyrirgefðu mér líka að mér sé sama þó eitthvað fólk sé fúlt yfir því að það kosti meira að fylla bílinn þeirra, ég hef fengið yfir mig hlutfallslega jafn háa hækkun.

(Ef þú vilt lækka laun ráðamanna á Íslandi þá hvet ég þig til að rífast um það við barman eða thew)

<A href="

Fyrra álit

0

mimir fyrir 23 árum

Ég held að fasta krónutalan eigi bara við um hluta af skattinum.

Mér finnst allt í lagi að tekinn sé sér skattur bensíni, til að draga úr mengun.

En þegar allt er að hækka upp úr öllu valdi þá finnst mér að ríkið megi alveg gefa smá eftir.

Hluti af skattinum er prósentu tala og því fer meira í ríkiskassann þegar innkaupaverð hækkar.

Ég vil 15 kr lækkun á lítrann.

Fyrra álit

0

indridi fyrir 23 árum

Þér finnst semsagat að fólk ætti að vera almennt á minni bílum. Væri þá ekki bara best að við værum með einn ríkis bíl sem sem uppfyllti kröfur þínar til bensíneyðslu og annarra hluta.

Ég bara sé ekki hvað það kemur neinum við hvernig bíl ég er á. Ég borga ákveðinn skatt fyrir það hversu þungur hann er, jafnframt borga ég tryggingar í hlutfalli við þyngd og vélarafl. En það er semsagt bara gott á mig ef að bíllinn minn eyðir ekki 5 lítrum á hundraði eða eitthvað svoleiðis.

Það er kannski rétt að taka það líka fram að þeir bílar sem eyða litlu eru venjulega líka litlir sjálfir og eru þar af leiðandi oft ekki jafn öruggir fyrir þá sem í þeim sitja.
Það kostar peninga að hlynna að slösuðum og endurhæfa þá sem þurfa á því að halda, svo ekki sé talað um þjáningarnar sem fólk verður fyrir.

Fyrir utan það að almenningssamgöngur á höfuðborgarsvæðinu eru:
1. Dýrar.
2. Margfallt óþægilegri ef fara þarf milli sveitarfélaga.
3. Óáreiðanlegar.
4. Lélegar.

Með fullri virðingu fyrir strætisvagnabílstjórum því þeir spila bara úr því sem þeir hafa.

Akkúrat núna í dag hefur maður varla val á því hvort maður á bíl eða ekki þannig að mér þykir nokkuð hart að hafa svona háa skatta á bensíni.

P.S. Þeir sem kynda með olíu þurfa ekki að borga sömu álögur á díselolíu og þeir sem keyra.

Fyrra álit

0

mAlkAv fyrir 23 árum

Stærri bílar valda stærri slysum, einfalt.

Þeir bílar sem eyða meiru eru óhentugir á margan hátt, þeir menga til dæmis umhverfið mun meira en aðrir bílar, innflutningur á olíu er líka mjög óhentugur fyrir efnahagslífið miðað við þá kosti sem við höfum í framtíðinni svo sem vetni eða rafmagn.

<A href="

Fyrra álit

0

thew fyrir 23 árum

Stærri bílar eru öruggari, einfalt.

Hvað er annars *stærri* bíll? Stærri en hvað?

Matti

Fyrra álit

0

mAlkAv fyrir 23 árum

Stærri bílar eru *stundum* öruggari en þá BARA fyrir þá sem eru í þeim, slysin sem stærri bílar eru verri.

Í stærri kantinum, svona eins og stærri en venjulegur fólksbíll.

<A href="

Fyrra álit

0

indridi fyrir 23 árum

Flesti sem eru á stærri bílum eru nú bara venjulegt fólk sem er ekkert hrifið af því að troða fjölskyldunni í micru. Best að skattpína það inní smábíl.

Auk þess eru þeir bíla sem eru stærri ekki endilega hættulegastir öðrum. Þeir eru t.a.m oft betur búnir en aðrir dæmi má nefna abs sem kom fyrst í Benz og síðan fljótlega í aðra stærri bíla en mun seinna í smábílanna. Þetta gerir þá síður líklega til að lenda í árekstri. Auk þess held ég að hraði sé helsta ástæða fyrir stærð slysa og það er ekkert mál að koma smábílum upp á dálaglegan hraða.

Auk þess eiga þessir dýrari bílar það til að endast mun betur en ódýrari og minni bílar. Svo hef ég heyrt að þegar bílar fara að ryðga geti þeir orðið mun hættulegri gangandi vegfarendum þetta gerist síður hjá stærri bílum það er þykkari málmur sem er lengur að eyðast.

Fyrra álit

0

mAlkAv fyrir 23 árum

Þegar þú ert að tala svona tækniframfarir þá er það alveg satt að það kemur fyrst í dýrari bílum en það er mjög fljótt að færast inn í ódýrari tegundir, það er bara þróun markaðarins.

Gangandi vegfarendur eru í hættu af tveim ástæðum, þeir eru heimskir eða ökumennirnir eru heimskir.

Það þarf mun minna til að stoppa lítin bíl, ef þú keyri á kantsteinn þá stopparðu, ef þú keyrir á kantsteinn á stórum bíl þá ferðu áfram og drepur þá sem voru að rölta á gangstéttinni.

<A href="

Fyrra álit

0

indridi fyrir 23 árum

Ég er nú ekki alveg sammála það tók til dæmis nokkur ár að koma inn í flesta japönsku bílana.

Auk þess er ég ekki sammála því að minni bílar stoppi eitthvað frekar enn stórir því að það þarf dálítið meira en stóran bíl til að keyra yfir venjulegan kantstein nema við séum að tala um fjallajeppa.

Það getur náttúrulega líka komið fyrir að undirvagninn bara brotni og restinn fari upp á gangstéttina en það er nú líka líklegra á minni bílunum.

Fyrra álit

0

mAlkAv fyrir 23 árum

Banaslysum hefur fjölgað í kjölfar þess að tollar og gjöld voru lækkuð á stærri bílum, hefði talan átt að hækka miðað við það sem þú sagðir? Fólk er komið á nýrri og stærri bíla eftir þessa lækkun og eyðslufylliríið.

<A href="

Fyrra álit

0

thew fyrir 23 árum

Það er ekkert samhengi þarna á milli. EKKERT.

Fjöldi banaslysa sveiflast mjög mikil. Það hefði verið STÓRKOSTLEG tilviljun ef tíðni banaslysa hefði haldist óbreytt. Ég efast um að þú hefðir nefnt þetta atriði ef banaslysunum hefði *fækkað*

Alltaf gaman að ljúga með tölfræði

Matti

Fyrra álit

0

mAlkAv fyrir 23 árum

Ég var ekki að ljúga, ég var að benda á banaslys hefur fjölgað á sama tíma og endurnýjun á bílaflota Íslendinga stendur sem hæst og stærri bílum fjölgar, ef stórir og nýjir bílar væru svona góðir þá hefði þróunin verið í hina áttina.

Ég fullyrði ekki og fullyrti ekki að það væru tengsl á milli en hins vegar þá er þessi tölfræði í þá átt að ég hafi rétt fyrir mér. Aukningin er í raun það mikil að við verðum að skoða hvað er á bak við það.

<A href="

Fyrra álit

0

thew fyrir 23 árum

Þegar þú gefur í skyn að orsök aukinnar tíðni banaslysa sé breyting á tollum á bifreiðum ert þú því miður að fara með rangt mál. Ég held þú vitir það.
Tíðni banaslysa á Íslandi sveiflast mjög mikið. Þar sem tíðni slysa er ekki mjög há á Íslandi, þá þarf ekki mikið að gerast til að tíðnin *aukist*.
En skoðun nú staðreyndir, látum þær aðeins flækjast fyrir.

Árið 1998 létust 27. Árið 1999 létust 21.
Hvort heldur þú að jeppum hafi fjölgað eða fækkað á milli þessara tveggja ára ?
1998 létust 9 í árekstrum, 1999 létust 6 í árekstrum. Tíðnin minnkaði um 33% milli ára.

Árið 2000 létust 32 í umferðarslysum. Þar af voru 3 slys þar sem 3 létust. Fjölgaði stóru bílunum allt í einu þarna?

Annars sá ég merkilegan hlut áðan. 26. apríl árið 2000 voru samþykkt á Alþingi lög um lækkun vörugjalda á bifreiðum sem nýta metangas eða rafmagn að verulegu leyti í stað bensíns eða dísilolíu.
Mars, apríl og mai árið 2000 var ekkert banaslys í umferðinni, en skyndilega í júni, rúmum mánuði eftir breytingu á vörugjöldum varð banaslys Í HVERJUM EINASTA MÁNUÐI sem eftir lifði árs.
Það er því alveg ljóst, með þeim rökum sem þú notar mAlkAv að það voru umhverfisvænu bílarnir sem valda þessu.
Vissulega valda *stórir* bílar oft alvarlegum slysum. Þegar stór og þungur bíll ekur á minni bíl þarf oft ekki að spyrja að leikslokum. Eins og í Hafnarfirði í fyrra, þar sem jeppi fór yfir á öfugan vegarhelming og ók framan á Micru. Ökumaður micrunnar átti aldrei möguleika. Mánuði eftir það slys skipti ég Micrunni minni upp í nýja Opel Zafira.
Það er hægt að færa ágæt rök fyrir því að það eigi að vera lægri hámarkshraði á stórum bílum, sérstaklega þegar um er að ræða jeppa sem búið er að hækka og setja á stærri dekk. Þeir bílar eru einfaldlega ekki hannaðar fyrir þann ofsaakstur sem flestur jeppaeigendur stunda á þjóðvegum landsins.

En það breytir því ekki að *fylgni* er ekki það sama og *orsök*.

Matti

Fyrra álit

0

mAlkAv fyrir 23 árum

Ég er að tala um á nokkurra ára tímabili, ekki eitt og eitt ár. Það var niðursveifla í banaslysum þegar það var niðursveifla í efnahagslífinu og það fór aftur upp á svipuðum tíma og Íslendingar byrjuðu að enurnýja bílaflota sinn sem segir okkur ekki endilega að nýju bílarnir séu hættulegri en það sýnir hins vegar að þetta sé tölfræðin bendir frekar til þess heldur en að eldri bilar séu hættulegir, en eins og ég segi þá er þetta eitthvað sem ætti að skoða,

<A href="

Fyrra álit

0

thew fyrir 23 árum

http://www.umferd.is/oryggi/myndir/20000718latnir66-99.jpg
Þessi niðursveifla er frekar stutt. Hvenær voru vörugjöld á jeppa lækkuð ?
Matti

Fyrra álit

0

indridi fyrir 22 árum, 12 mánuðum

Ég hugsa nú að hafi slysatíðnin aukist eitthvað sem ekki má skýra með eðilegum vikmörkum hafi það fyrst og fremst verið vegna þess að bílum hefur fjölgað stórkostlega. Auk þess er ekki hægt að segja að þó að fólk kaupi nýja bíla séu þeir endilega stærri það er jú ennþá verið að framleiða smábíla.
Auk þess hvað varðar öryggið þá má t.d nefna það að bílar eins og Volvo eru hannaðir til þess að láta bílinn taka á sig höggið.

Fyrra álit

0

[Notanda eytt] fyrir 23 árum

ég heirði viðtal við aðstoðarmann forstjóra esso eða einhvers olífélagsins. og það var verið að spyrja hann um hvernig stæði á miklu hærra bensínverði hér á íslandni. og spyrjandi sagðist hafa búið úti í bandaríkjunum í soldin tíma. og kom svo hingað heim í okurverðlagið.

og honum var svarað að jú auðvitað væru skattar á bensín það háir. um 70% af verði. en svo kæmi aftur á há flutningsgjöld.

það finnst mér undarlegt. eins og það sé ekki flutningsgjöld úti í bandaríkjunum. það er nú ekkert lítið land. og þarf að senda vörur þvert yfir landið. land sem er miklu stærra en ísland. og þó það þurfi að sigla með olíuna hingað þá afsakar það ekki neitt.

Fyrra álit

0

dresib fyrir 23 árum

ALLIR ÚT AÐ MÓTMÆLA!

Fyrra álit

0

Refur98 fyrir 23 árum

102 kr er ógeðslega mikið, en ég hef aldrei skilið afhverju fólk fer alltaf á dýrari bensínstöðvarnar. Afhverju keyrir það ekki í Orkuna eða ÓB? það munar ca. 5 krónum á lítrann. Í Orkunni er 95 oktana bensín ennþá undir 100kallinum (um 97 krónur held ég). Afhverju að láta Shell og Esso okra á sér þegar til eru ódýrari bensínstöðvar ekki langt frá?
sparnaðarrefur

P.S. þeir sem vilja spara ennþá meira geta þá bara keypt sér reiðhjól og lagt bílnum :)

Að sigra heiminn er eins og að spila á spil

Fyrra álit

0

Gourry fyrir 23 árum

Hvenær koma vetnis bílarnir eða rafmagnsbílarnir? Svo að við getum gefið skít í þessi andskotans arabalönd.

[------------------------------------]

Fyrra álit

0

Stjórnmál

Stjórnmál

Ofurhugar

Stjórnendur

Hverjir eru inni

Greinar

bensín okur

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi