Ég ætti kannski að bæta því við að ég er sjálfur gamall
ofur frjálshyggjumaður sem missti “trúna” þegar ég sá hvernig svona þjóðfélag getur farið
með fólk.

,,Þetta kerfi tryggir að ALLIR hafa einhverja lágmarks framfærslu,
hvort sem hún dugir til af öllu því sem borga þarf af þá tryggir
hún það að fólk deyr ekki úr hungri. Ef því vantar meira þá eru
ýmis frjáls félagasamtök sem geta eitthvað hjálpað.´´

Og hver segir að kerfi rekið af hagsmunaaðilum gæti ekki séð til þess að ALLIR hefðu einhverja lágmarksframfærslu. Ef ríkið myndi í einni svipan hætta að halda uppi velferðarkerfi og lækka skatta sem því nemur þá myndu ráðstöfunartekjur heimilanna aukast sem því nemur ( athugaðu það að ég er ekki að leggja til svo snöggar breytingar). Þegar fólk sér að samborgarar þeirra hafa það ekki gott finna þau til ábyrgaðar og samkenndar með þeim, megin reglan er sú að fólk vill hjálpa þeim sem minna mega sín. Þá er hægt að hugsa sér að fólk verji einhverju föstu hlutfalli til hjálparstofnanna.

,,Og svo að lokum eru öll ríki sem á annað borð teljast efnuð með
einhverskonar konar aðstoð meira að segja Hong Kong!´´

Já ég var aldrei að segja að Hong Kong væri ekki með fátækrahjálp. Þeir eru meira að segja með hámarksverð á ákveðnum vöruflokkum til að vernda þá sem minnst eiga. Ég skil bara ekki hvaðan þetta kemur og hvað þetta kemur svari mínu við.

,,Hérna tekurðu svo hlutina algerlega úr samhengi því ég sagði aldrei
að það væri neitt óeðlilegt svo fremi sem maðurinn á ekki í hættu
á að svelta í hel,´´

Ég ætla nú bara að benda þér á það, að þú tókst það hvergi fram að það væri eðlilegt ef hann væri ekki að fara að svelta í hel. Ég gat nú varla tekið þetta úr samhengi ef það kom aldrei fram, eða hvað? Ég held að þú hafir bara ekki verið búinn að gera þér grein fyrir þessu með samningsfrelsið og hvernig menn eru bundnir af þeim samningum sem þeir gera.

,,Ennþá bullaru einhverja þvælu þar sem það eina sem þessi ríki
eiga öll sameiginlegt er að vera það fátæk að þau hafa ekki efni á
að reka kerfi sem við höfum(og ekki koma með “það er af því að
þau eru ekki frjáls” röfl, ég nenni ekki að hlusta á þetta)´´

Bíddu andskotans aðeins… ef þú nennir ekki einu sinni að hlusta á andmælendur þína býstu þá við því að vera tekinn alvarlega. Trúir þú því kannski að enginn nema þú hafir rétt fyrir sér, að þú sért handhafi hins rétta siðferðislega sannleiks. Það er einmitt af því að þau eru ekki frjáls sem þau eru fátæk og til þess að halda uppi velferðarkerfi þarf peninga. Þessi ríki virða ekki einu sinni eignarrétt þegna sinna sem er nú sjálfsagður hér á vesturlöndum og er forsenda velferðar. Bottomline: þau eru fátæk af því þau búa við helsi, ekki frelsi.

,,Ég skal nú bara segja þér af first hand knowledge:NEI
og jafnvel þótt þeir væru það, er það þá bara allt í lagi?´´

Ok þú ert sem sagt búinn að eiga í innilegum samræðum við meginþorra fátæklinga í Hong Kong. Það breytir því samt sem áður ekki að það deyja mun fleiri undir harðstjórn Kínverja heldur en Hong Kong búa og því sannar það enn og aftur gildi frelsisins. Það að vera “1st. level immigrant” þýðir það að eiga bókstaflega sama og ekkert. Flestir koma bara með fötin sem þau eru í. Finnst þér eitthvað skrítið að þetta fólk eigi lítið af peningum? Það væri líka mjög óeðlilegt ef ríkistjórnin myndi reyna að halda uppi velferðarkerfi fyrir alla þá sem koma til landsins því efnahagur borgarinnar ræður einfaldlega ekki við það. Því auðveldara sem það er að fá styrki og bætur því meiri vilji er hjá fátæklingum að flytjast til þess lands. Nú er ég alls ekki á móti innflytjendum, tel t.d. að ríkið eigi ekki að gefa út svokölluð dvalar- og atvinnuleyfi heldur ættu allir að hafa rétt á að vinna hér. Það sem mér finnst hins vegar óeðlilegt eru styrkjakerfi, eins og t.d. í DK sem beinlínis hvetja lágtekjufólk til að hætta að vinna. Ok ég er kominn soldið út fyrir efnið en vonandi skilurðu hvað ég er að fara.

,,Hugsaðu nú aðeins áfram, það er ekkert ríki í heiminum sem
barnaskólakerfið er einkavætt frá grunni, ef það yrði gert
gætu einfaldlega fátækasta stéttin ekki sent börnin sín í skóla,
finnst þér sangjarnt að heil stétt idjóta sem ekki kunna að lesa
myndist´´

Þegar ríkisfyrirtæki eru einkavædd gerist eitt alveg skilyrðislaust, þau eru rekin á hagkvæmari hátt. Þetta þýðir að framleiðsluþættir fyrirtækjanna og þar með þjóðfélagsins eru betur nýttir. Betri nýting framleiðsluþátta kallar óhjákvæmilega á hagvöxt og þar með meiri velmegun. Forsendan fyrir því að skólar yrðu einkavæddir væri sú að skattar myndu á móti lækka sem því nemur. Nú er skólakerfið næst dýrasti einstaki útgjaldaliður ríkisins ( næst á eftir heilbrigðiskerfinu) og því má leiða líkur að því að þessar skattalækkanir yrðu all verulegar. Nú hefur fólkið hvorutveggja auknar tekjur og mun meiri ráðstöfunartekjur eftir skatt. Þá er komið að því að greiða útgjöld heimilisins. Einn af þessum útgjaldaliðum er mögulega skólagjöld. Skólar myndu reyna að ná til ákveðins hóps af fólki, þ.e. þeirra sem tilbúnir eru að greiða meira fyrir menntun sinna barna og svo þeirra sem hafa takmörkuð fjárráð og eru ekki tilbúin að steypa sér í skuldir til að greiða fyrir menntun barna sinna. Svo velur fólk skólann sem hentar þeim. Þegar hér er komið við sögu er eðlilegt að spyrja sig hvort börn sem eiga fátæka foreldra fengju ekki alltof lélega menntun. Það er ansi vafasamt. Enn væri hægt að gefa út námskrá fyrir barnaskóla upp að t.a.m. 15 ára sem gerði skólum skylt að veita ákveðna lágmarksmenntun. Svo er annað mál hvort skólar sem heimti hærri skólagjöld veiti ekki mun betri menntun, og þá aftur hvort það sé eitthvað óeðlilegt? Ég tel svo ekki vera.

,,ég skil bara ekki hvers vegna ég er að þessu, það er
enginn að tala um að breyta öllu í miðstýrt sovét hérna,
Ég er að tala um að það verði að vera amk LÁGMARKS kerfi
til þess að tryggja að fólk drepist ekki bara si svona.
Þú heldur enn áfram að bulla um hvernig hlutirnir eru í HK
þótt þu hafir aldrei verið þar og vitir óskaplega lítið um pleisinn
Ég hef dvalið talsvert í HK og ég bara nenni ekki að rökræða
við einhvern sem telur sig vita betur að því að hann hefur lesið
the wealth of nations.´´

Jæja ok þú ert greinilega fylgjandi blönduðu hagkerfi. Ég er það ekki. Ég er á móti því að ríkið sé að hafa afskipti af fólkinu í landinu sí og æ. Hagstjórnaraðgerðir ríkistofnanna s.s. Seðlabanka eru nær alltaf rangt tímasettar og ríkið er afar lélegt í því að reka fyrirtæki og stofnanir. Við erum allavega sammála um það að það sé eðlilegt að gefa þeim sem minna mega sín einhvern hluta af tekjum sínum. Við erum ekki sammála því hvernig er best að hátta þessum greiðslum. Það er rétt hjá þér að ég hef aldrei verið í Hong Kong en ég hef lesið ansi mikið af “statistics” og frelsisvísitölu þar í landi og í nágrannaríkjum. Þannig að ég er ekkert út úr heiminum í þessu.

Þannig er það að fólk dregur þá sjálfsögðu ályktun að þar sem það hefur borgað sinn skatt hefur það gert sitt fyrir samfélagið. Fólk beinlínis stólar á að ríkið sjái um þá sem minna mega sín. Við þetta skipulag er ansi lítill hvati fyrir fólk að fara af sjálfsdáðum að gefa peninga til góðgerðamála. Nú er ég ekki að segja að fólk hafi engan hvata til að gefa til góðgerðamála en ef slíkt væri ekki á höndum ríkisins myndi það finna til mun meiri samkenndar með samborgurum sínum sem eiga um sárt að binda. Ég veit það að ég myndi styðja þá sem minna mega sín ef skattar færu ekki í það. Og ég veit það að allir sem ég hef spurt myndu gera það. Hvað með þig? Fólki finnst almennt mjög gott mál að hjálpa þeim sem minna mega sín, þetta breytist ekki þó þessi aðstoð sé færð frá ríkinu yfir á hendur sjálfstæðra stofnana. Nú er ég ekki að segja að þetta ætti að gerast eins og skot því fólk er farið að treysta á þetta meingallaða kerfi og byggja afkomu sína og framtíðar áætlanir á því. Það sem ég myndi fyrst vilja sjá er að einfaldavbkerfið. Hækka bætur og fækka tegundum bóta, sem telja um 420. Það er staðreynd að fólk sem á oft rétt á ákveðnum bótum veit einfaldlega ekki af þeim. Þetta er ekki skrýtið þar sem yfirsýn yfir kerfið er afar erfið.

,,Þú trúir því þó ekki í alvöru að allt lagist með því að einkavæða allt? Meina, þó þetta gangi upp í hagfræðibókum einhverra frægra hagfræðinga(sem frjálshyggjumenn eru duglegir að vitna í) þá helduru ekki virkilega að þetta sé svona í alvörunni? ´´

Einkavæða allt er nú full langt gengið. Ég vil halda lögreglu, löggjöf, landvörnum og dómstólum áfram á höndum ríkisins. Þetta er ekki hægt að einkavæða vegna hagsmuna árekstra ( þó eru til dæmi um einkarekna dómstóla t.d. í Hollandi en þar fer síðan hæstiréttur Hollands með yfirstjórn og gengur víst ágætlega). Allt annað er þess eðlis að einkaaðilar eru fullfærir um að sjá um það.

Þeir sem eru óvinnufærir eru ekki automatískt orðnir öryrkjar, og það áttu að vita.

Ég veit vel hvað GREINDARvísitölupróf er. Þótt það hafi verið fundið upp af frönskum heimspekingi, eða rússnenskum sprengjusérfræðingi, gerir þessi próf ekkert merkilegri.
Ég tók þetta próf hjá sálfræðingi sem staðfesti þetta allt saman, en ég get ekki sagt að það hafi hjálpað mér neitt í sambandi við skólagöngu.
Prófa þú að taka þetta próf aftur og sjá hvernig þú stendur þig. Útkoman er aldrei eins. Lengi búið að vera að deila um það hvort þetta sé eitthvað að marka. En greindarvísitala hefur heldur ekkert með þessa umræðu að gera, þannig að ég skil ekki hvernig þú asnaðist til þess að koma með þetta hingað inn, þar sem verið er að ræða um mál öryrkja, ekki hversu gáfaðan þú telur þig vera.

Og já, mér finnst ósanngjarnt að það sé verið að bera öryrkja saman við hálaunafólk útí löndum, því að þessir öryrkjar búa á ÍSLANDI en ekki útí löndum. Og á ÍSLANDI er ekki hægt að lifa á þessum pening.
Hefur þú eitthvað kynnt þér hvernig það er að búa einn? Með öll útgjöld sem því fylgir að þurfa að sjá þér og fjölskyldu þinni fyrir nauðsynjum, s.s. mat, rennandi vatni, rafmagni og þaki yfir höfuðið? Á íslandi eru 90.000kr ekki nóg til þess.

Það var enginn að tala um að borga þeim sömu laun og þeir voru með áður, heldur er verið að tala um að það getur enginn lifað á þessum peningi eins og allt kostar á Íslandi, Í DAG!
Þótt að mjólk og kex myndu kosta 100kr til samans einhversstaðar annarsstaðar, þá kosta þessir tveir hlutir töluvert meira hérna. Þannig samanburður við laun fólks útí löndum eru rök sem eiga ekki heima í þessari umræðu.

“og sidan verda oryrkjar bara ad saetta sig vid thad ad their geta ekki leyft ser tad sama og annad folk vegna tess ad tad er a botum”

Það sem fer fyrir brjóstið á öryrkjum, er sú staðreynd að þeir geta hreinlega ekki leyft sér að lifa. Þeir geta veitt börnum sínum voða fátt, og sjálfum sér líka.

Ef að systir ValaJ færi að vinna, myndu bætur móður þeirra lækka. Það hefur oftar en einu sinni komið fram í þessari umræðu.

Ég er að leigja núna tveggja herbergja íbúð á svæði 101. Hún er frekar lítil ekki nema eitthverjir 56m2, og hún leigist á 58.000kr. Það þykir nokkuð vel sloppið. En á sama tíma eru foreldrar mínir að leigja heila hæð í húsi í Grindavík, með hita og rafmagni, á 60.000. Sú íbúð nær yfir 100m2 að ég held.

Þetta er ekki eðlilegt.