Ég krefst stjórnvaldsaðgerða til að efla þróun internetsamfara! Ég krefst fjárveitinga í þróun rafkynfæra sem hægt er að hafa samfarir með í gegnum netið! Þetta er auðvitað bara sjálfsagður hlutur. Kynlíf í gegnum internetið er mikilvægur samskiptavettvangur í ört vaxandi alþjóðlegu lýðræðissamfélagi. Stjórnvöld bera ákveðna ábyrgð gagnvart því að fólk geti haft samfarir heimshafanna á milli. Ætlast stjórnvöld til þess að að fólk sé að ferðast milli landa, bara til þess að geta haft samfarir? Þetta er náttúrulega mun einfaldari leið, þó hún geti verið kostnaðarsöm. Ég tel þetta vera mikilvægara en að laga einhverjar gangstéttir sem eru algerlega heilar, og þarf ekkert að laga. Það getur kostað stórfé. Ég krefst þess að þetta mál sé tekið fyrir inn á Alþingi, og vona ég að því verði tekið vel. Það hefur verið minn helsti draumur að stunda internetsamfarir, alveg síðan ég kynntist internetinu. Samkvæmt mínum útreikningum, þá er þetta mögulegt. Sjáið þið ekki fyrirsagnir annarra landa fyrir ykkur? “Vísindamenn á Íslandi fyrstir til þess að finna upp rafkynfæri sem gera manni kleift að hafa samfarir í gegnum internetið.” Hver myndi ekki kaupa sér svona tól? Þetta myndi breyta heiminum algerlega, og það á góðan hátt. Við værum að taka stórt skref fram á við. Nægir það ykkur að hafa internet myndavél, og stunda sjálfsfróun fyrir framan hana, og þar af leiðandi hinn aðilann líka? Ég held ekki. Ég vona að þessari grein verði tekið vel, og er ég nokkuð viss um að margir séu sammála mér.
Takk fyrir mig.