Meðal maðurinn er sá maður sem heldur þessu þjóðfélagi gangandi. Án okkar væru ekki neinar atvinnuleysisbætur og örorkubætur, hvað þá heilsukerfið sem er 1. flokks og við ættum að vera stolt af. En afhverju þarf það að vera þetta fólk sem greiðir megnið af öllu hér heima fyrir, þeir sem eru virkilega að standa sig sem þjóðfélags þegn. Að mínu mati á að afnema alkahólisma sem sjúkdóm koma þeim út úr örorkunni, með því væri hægt að spara milljarða. Því hver maður stjórnar sjálfum sér sumir eru veikari en aðrir en allir geta það sama. vildi bara koma þessu fram :)

Power to the people!!!

Það eru hreinar línur að núverandi ríkisstjórn er ríkisstjórn þeirra efnameiri. Á sama tíma og þeir eru að lækka hátekjuskatt eru þeir að lækka vaxtabætur til þeirra sem síst skyldi. Það á nefnilega að spara 600 milljónir á næsta ári með því að lækka hámarkshlutfall vaxta og verðbóta úr 7% af heildarskuld í 5,5% samkvæmt lagafrumvarpi fjármalaráðherra.

Það er fyrst og fremst tvennt sem er gagnrýnivert við þessa tillögu. Annars vegar það að þarna er verið að ráðast á þá sem síst skyldi og hitt að þessi breyting er sett á nánast fyrirvaralaust. Það er stefnt að því að samþykkja þetta nú á í haust og láta þetta koma til framkvæmda strax á næsta ári, eða aðeins með nokkurra mánaða fyrirvara. Þetta getur lækkað vaxtabætur um allt að því rúmlega 160 þúsund krónur á ári. Menn þurfa reyndar að hafa talsverðar tekjur til að þetta geti orðið raunin en fólk með tekjur í nágrenni við meðaltekjur getur verið að lækka um fimm til tíu þúsund kr. á mánuði.

Þar sem fólk þarf oftast nær að ganga nærri fjárhag sínum þegar það kaupir sína fyrstu íbúð þá getur slík upphæð hæglega kippt grunninum undan þeim fjárhagsáætlunum sem menn hafa gert með aðstoð bankans síns. Það er nefnilega reiknað með vaxtabótum í greiðslumati frá bankanum og því er búið að kippa grunninum undan greiðslumatinu frá bankanum að hluta til. Svo spyr maður sig að því við hvað eiga bandar að miða við gerð greiðslumats í dag. Í núgildandi lögum er 7% reglan og 5,5% reglan er aðeins í lagafrumvarpi. Hins vegar er þarna um að ræða stjórnarfrumvarp og því líklegt að það verði samþykkt og því gefur greiðslumat með 7% viðmiði ragnar upplýsingar um greiðslugetu á næsta ári.

Það sem er verra er það að Íbúaðlánasjóður er búinn að samþykkja greiðslumöt þar sem reiknað er með vaxtabótum miðað við 7% regluna sem síðan koma ekki til greiðslu þegar til kastanna kemur. Þarna er því í einhverjum tilfellum verið að búa til vanskil við Íbúaðlánasjóð þar sem greiðslugetan reynist minni en reiknað var með þegar að því kemur að greiða af lánunum. Það hlýtur að vera lágmarkskrafa að svona breyting sé gerð með að lágmarki eins til tveggja ára fyrirvara. Í flestum tilfellum er erfiðasti hjallinn að baki einu til tveimur árum eftir íbúðarkaup og þá eru líka dýru skammtímalánin að stórum hluta til uppgreidd og því ekki eins mikill skellur að fá þessa breytingu þá. Þeir sem eru að kaupa íbúð eftir að lögunum er breytt vita þá að hverju þeir ganga þegar lögin taka gildi.

Það væri strax skárra ef þessi breyting væri látin taka gildi árið 2005 í stað 2004. Þá hefðu menn rúmlega árs fyrirvara á þessu. Það að láta þetta taka gildi með nokkurra mánaða fyrirvara eru ekki boðleg vinnubrögð varðandi þennan málaflokk.

Hvað varðar innihald langfrumvarpsins þá segir fjármálaráðherra að þetta sé gert vegna þess að vextir hafi almennt lækkað frá þeim tíma sem 7% markið var ákveðið og vegna þess að þetta kerfi sé “skuldahvetjandi”.

Hvað varðar upphæð vaxta þá var þetta mark ekki hækkað þegar vextir voru háir og því ólíklegt að svo verði gert þegar þeir hækka aftur. Þetta er því einfaldlega verið að draga úr þessum stuðningi. Þar að auki hafa allir hafgræðingar haldið því fram að vextir verði háir þegar framkvæmdir standa sem hæst fyrir austan og því væri eðlilegra að bíða þangað til eftir að þessum framkvæmdum er lokið með að taka ákvörðun eins og þessa.

Hvað það varðar að vaxtabótakerfið sé skuldahvetjandi þá er það einfaldlega svo að það húsnæðisform okkar að flestir séu í eigin húnsnæði er skuldahvetjandi gagnvart fjölskyldum í landinu. Vaxtabótakerfið getur reyndar hjálpað fólki til að kaupa dýrara húsnæði en það þarf og verið skuldahvetjandi að því leyti og því allt í lagi að endurskoða það. Þessi leið sem fjármálaráðherra vill fara er hins vegar ekki rétta leiðin til þess vegna þess að hún bitnar ekki mest á þeim sem skulda mikið heldur þeim sem þurfa að greiða háa vexti af lánum sínum.

Þeir sem geta fengið lánað veð í íbúðum foreldra eða annarra ættingja til að brúa bilið milli húsnæðisverðs og húsnæðislána munu ekki verða svo mjög fyrir barðinu á þessari breytingu vegna þess að greiddir vextir og verðbætur eru hvort eð er ekki svo mikið yfir 5,5% markinu hjá þeim og jafnvel nær því ekki í sumum tilfellum. Það eru fyrst og fremst þeir sem ekki hafa aðgang að slíkum veðum og þurfa að fjármagna þetta bil með dýrum bankalánum sem mest verða fyrir barðinu á þessari breytingu. Þarna er því verið að skerða greiðslur til þeirra sem mest þurfa á þessari aðstoð að halda.

Ef menn vilja draga úr skuldahvatningu vaxtabótakerfisins væri nær að lækka það hámark vaxta sem reikna má með. Það bitnar einungis á þeim sem skulda mikið og eru með háar tekjur. Ef tekjurnar eru lágar þá er það hámark greiddra vaxtabóta sem takmarkar greiðslu þeirra en ekki hámark vaxta sem reikna má með.

skuggi85.

Ég er sammála þér lágmarkslaun ættu svo sannarlega að vera 110 þúsund á mánuði.

Það eru nefnilega mannréttindi að geta lifað af launum fyrir fulla vinnu, og skattar ríkisins eiga síst af öllu að skerða þau réttindi.

kv.
gmaria.