“Einnig má geta að hæsta morðtíðni í heiminum er í þessu viðurstyggilega þjóðfélagi”

Nei, hæsta morðtíðnin er líklega í Súdan. Svo er þetta viðurstyggilega þjóðfélag ákaflega líkt okkar. Enda er stjórnarskrá Íslendinga byggð á hinni Bandarísku.

“Og eru þetta líka brjálaðir stríðsmangarar og fjöldamorðingjar.”

Já, hún Linda tengamóðir í Texas er brjálaður stríðsmangari og félagi minn hann Claude í San Francisco er í aukavinnu sem fjöldamorðingi. Þetta er alveg rétt hjá þér.

“Í Víetnam myrtu þeir heilu þorpin! Í Afganistan drápu þeir talíbana jafnt sem saklaust fólk. Núna í Írak steyptu þeir stjórn Saddams af stóli, en í stað þess að drepa bara hann drápu þeir þúsundir saklausra í leiðinni.”

Og milljónirnar sem sultu í Úkraínu, Síberíu og Suður-Kína voru að sjálfsögðu ekki saklaust fólk. Blóð þeirra sem létu lífið í indókínastríðunum er á höndum kommúnista. Hversu margir saklausir létu lífið af hendi kommúnista í valdaránstilrauninni í Suður-Víetnam? Blóð saklausra afgana er á höndum talíbana, þeirrar ógnarstjórnar. Og síðast en ekki síst þá er blóð milljóna saklausra íraka á höndum öðlingsins og sósíalistans Saddams Hussein.

“Og svo eru þeir líka að hóta viðskiptabanni, þá verður þú Apocalisp glaður er það ekki?”

Hóta viðskiptabanni við hvern? Og nei, viðskiptabönn gleðja mig aldrei. Verndartollar og viðskiptabönn eru aldrei góðar hugmyndir.

“USA er ekki þriðja fjölmennasta ríki í heimi.”
steini steini steini :)
jú það er víst 3ja fjölmennasta ríkið
kína-indland-usa svo kemur indonesia með 200.

“USA er ekki þriðja fjölmennasta ríki í heimi.”

Vá, lagðirðu miklar rannsóknir í þetta svar? Rosalega ertu viss. Hérna eru staðreyndirnar (frá og með 17. júlí 2003):

1. Kína, með 1.286.975.468 íbúa.
2. Indland, með 1.049.700.118 íbúa.
3. Bandaríki Norður Ameríku, með 290.342.554 íbúa.

Topp tíu eru svo Indónesía, Brasilía, Pakistan, Rússland, Bangladesh, Nígería og Japan. Í þessari röð.

Og hafðu það.

“BNA notar einna mest af þrælum í heiminum, ef þú átt nike skó er sennilegt að þeir hafa verið meðhöndlaðir af 8 ára krakka í Indlandi.”

Innantóm retórík. Þú veist ekki hvað þrælahald er félagi. Það er reginmunur á því að ráða fólk (já, og börn) í vinnu gegn launum og að þvinga það í þrælavinnu. Frjáls óháð bandarísk fyrirtæki ráða fólk (já og börn) í vinnu sem þeim er frjálst að vinna eða vinna ekki. Þar er samkomulag milli vinnuveitanda og verkamanns. Sameiginlegur vilji til að inna verk af hendi gegn greiðslu. Hins vegar gengur og gerist í Súdan og Kína t.d. að *þvinga fólk í vinnu*. Og þá eru það ríkisstjórnir sem standa fyrir slíku, með valdi ekki gegn greiðslu.

“Þrælahald” er skilgreint svona:

1. Þvinguð vinna – með ofbeldi eða hótun um ofbeldi.
2. Manneign – “Þú vinnur fyrir mig vegna þess að ég á þig”. Stutt með ofbeldi eða hótun um ofbeldi.
3. Mansal – Fólk gengur kaupum og sölum, ekki frjálst ferða sinna heldur sent frá “eiganda” til “eiganda” (sjá nr 2).
4. Fangelsun – þvinguð vinna þar sem viðkomandi er hlekkjaður, bundinn eða á annan hátt ekki frjáls til að yfirgefa vinnustaðinn.

“Þegar ég segi þökkum kommanum á ég við þeim sem stofnuðu verkalýðsfélög”

Ég er ekki í verkalýðsfélagi, né hef á áhuga á slíku. Ég læt engan segja mér hvar og hvenær ég má vinna og fyrir hvað mikið eða lítið. Ég þakka því kommanum ekki fyrir neitt.

“Hefurðu kynnt þér sögu Kína og Rússlands fyrir Byltingar ?”

Já. Saga beggja heimsvelda er drifin blóði, tvímælalaust. Enda er imperialisminn byggður á sömu þeóríu og kommúnisminn, að einstaklingar séu nythöld til þjónustu við eitthvað alviturt apparat. Annars vegar keisarann/alvaldinn og hins vegar fólkið/byltinguna. Sama tóbakið með mismunandi nöfnum.

“Það er rétt að BNA er ríkasta og eitt farsælasta ríki í heiminum en það er ekki rétt að það hafi aldrei tekið þátt í sósíalisma.”

Það er alveg satt. En fæstir Bandaríkjamenn hafa nokkurn tíma verið í verkalýðsfélagi. Það hafa aldrei tíðkast margra mánaða barneignarleyfi né ríkisbankar, sjúkrasamlög, kaupfélög, o.s.frv. Enda ekkert upp úr því að hafa nema aukinn barlóm.

“Ég hef unnið með Bandaríkjamönnum og það sem hefur komið upp úr þeim varðandi muninn hér og úti er ekki beint BNA í hag”

Ég hef sjálfur haldið starfi í Bandaríkjunum og þáði þar tvöfalt það sem greitt var fyrir sömu vinnu á Íslandi.

“Þeir fá aðeins 2 vikna sumarfrí á hverju ári”

Þeir fá að semja um það sjálfir. Ég samdi til dæmis um ekkert sumarfrí og hærri laun. Kom sér vel.

“uppsagnarfrestur nær því enginn”

Atvinna í Bandaríkjanum er í auknum mæli “at will”, sem þýðir að starf er aðeins í gildi svo framarlega sem starfsmaður og vinnuveitandi vilja það báðir. Það er sanngjarnt og hagkvæmt. Það þýðir einnig að þú getur skipt um starf (eða hótað að skipta um starf) með litlum eða engum fyrirvara.

Maður fær líka merkilega betri þjónustu hjá fólki sem veit að það er ekki sjálfgefið að það fái að halda starfinu ef það er dónalegt við viðskiptavinina (hver kannast ekki við dónalega og óprúttna starfsmenn t.d. Landssímans og Flugleiða sem eru aðeins of öruggir með sig).

“EN það þýðir að þeir verði að vinna fram eftir öll kvöld og fá ólaunaða yfirvinnu”

Það er ekkert sem heitir ólaunuð yfirvinna. Það er einfaldlega greitt meira fyrir vinnu sem tekur lengri tíma. Það er ekki endilega talið á klukkustundina sérstaklega. Kemur í sama stað niður hvort þú ert með 150 á mánuði og færð tvöfaldan yfirvinnutaxta eða ert með 300 á mánuði og engan yfirvinnutaxta ef þú vinnur 12 tíma á dag.

Við megum líka þakka sósíalismanum fyrir ríkisstarfsmenn sem klukka sig inn í yfirvinnu að ástæðulausu, bara til að láta klukkuna ganga í einn eða tvo tíma aukalega á dag. Ég vann hjá ríkisstofnun 1998 til 2000, láttu mig þekkja þetta.

“Og svo má nú ekki gleyma þeirra heilbrigðiskerfi, hérna er það í lægri kantinum sem við þurfum að borga”

Í lægri kantinum? Er ekki allt í lagi með þig? Það sem við þurfum að borga eru 100 milljarðar á ári! Það eru 350 þúsund krónur á mann! Það er fyrir utan gjöld úr vasa sjúklinga fyrir komugjöldum, lyfjum, sýnatökum o.s.frv.

Í Bandaríkjunum greiða menn e.t.v. $15 til að fara til læknis og $10-$50 fyrir lyf, eftir því hvað það er. Og það er án nokkurrar gífurlegrar skattbyrði. Og það væri hægt að gera það enn ódýrara með því að fjarlægja hömlur og gjöld á lyfjaframleiðendur og lækna af hálfu ríkisins.

“McDonalds sendi sína andverkalýðfélagamenn á svæðið sem buðu starfsfólkinu ”goðan díl“ sem starfsfólkið hafnaði”

Hvað er þá vandamálið? Frjálsu fólki er frjálst að taka eða hafna “góðum (og ekki svo góðum) díl”. Snúum þessu við. Ef McDonald's færi nú marserandi um allt með kröfuspjöld og krefðist hærra verðs fyrir hamborgarana sína þá færi fólk einfaldlega á Burger King. Á sama hátt þegar fólk fer marserandi með kröfuspjöld og krefst hærra verðs fyrir vinnu sína þá fer McDonald's eitthvert annað. Þetta er einfalt. Ef þú hækkar laun um það sem samsvarar 10 sentum á hvern hamborgara, þá fara viðskiptavinirnir annað og kaupa hamborgara á 10 sentum minna. Og án viðskiptavina eru engar tekjur, án tekna engir peningar og án peninga engin laun. Nema auðvitað undir kommúnismanum þar sem stjórnmálamenn skíta peningum og fleygja þeim til skælbrosandi fólksins.

Það er nú frekar sósíalismi en kommúnisminn sem á þar þátt.

Ég legg til að þú kynnir þér efni það sem þú ert að skrifa um áður en þú birtir greinar sem eru lítið annað en barnalegar alhæfingar.

Ef ekki hefðu komið til stórfelldra breytinga á Íslandi sem má rekja aftur á 19. öld hefðu verkalýðsfélög varla skipt neinu máli yfirleitt.

Síðustu 20 ár eða svo hafa svo átt sér stað miklar breytingar sem mætti kalla lokahnykkinn í þessari þróun. Það eitt að skoða efnahags- og fjármálaumhverfi það sem íslendingar bjuggu við fyrir rúmum 20 árum er nánast óhugnanlegt.

Verkalýðsfélögin hafa allt eins verið dragbýtur á þróun eins og upphafsaðili. Gleymdu því ekki að til þess að skipta niður auð þarf auður að vera til staðar og það eru ekki verkalýðsfélög sem skapa auð, þó almennir félagsmenn taki þátt í að skapa hann.

Nii ég er nú kominn aðeins lengra en það :)