Nei, þá meina ég Vestfirðinga, og meira eða minna alla aðra.

Eins og sjómaður einn sagði svo glæsilega; það eru tvær ástæður fyrir því að menn aðhyllast kvótakerfið, það er annars vegar af græðgi, og hinsvegar af heimsku.

Í dag eru margir kostir fyrir hendi án þess að það sé farið út í dómsdagspælingar Davíðs Oddssonar og co vegna sóknardagakerfis. Allir flokkarnir vilja endurskoða málið í heild sinni, og núverandi stjórn hefur aldrei og mun aldrei opna þá umræðu almennilega.

Það er ekki nema þegar mjög harðir andstæðingar kvótakerfisins á borð við Frjálslynda Flokkinn fara að sækja í sig veðrið, að þeir steli fylgi hinna flokkanna, og þá þarf að róa þá niður með því að segja að kvótakerfið sé í rauninni eins gott og það geti orðið.

Halldór Ásgrímsson er eins og menn vita, fyrir stórmerkilega tilviljun, kvótaerfingi. Ég leyfi mér því að fullyrða að hann er ekki marktækur í þeim efnum, nema frá sjónarhorni kvótaeigenda. Sem stjórnmálamaður leyfir hann sér að dæma hin kerfin þvers og kurs, en mönnum dettur auðvitað ekki í hug að hugur hans sé blandaður eigin hagsmunum. Maðurinn er jú bara mennskur, sem betur fer.

Hvað Davíð varðar, hefur hann aldrei gert neitt nema að spá yfir dómsdegi verði eitthvað gert annað en núverandi kvótakerfi breytt eitthvað örlítið. Sömu dómsdagsspár og ef einhver annar komist í stjórn. Það er sami hroki í gangi; “enginn getur betur en við, enginn veit betur en við” og þykir þar með allt sagt sem segja þarf.

Sem betur fer virðist þjóðin vera að vaxa upp úr þessari vitleysu, og er að líta burt frá Sjálfstæðisflokknum, sem aðallega hefur vit á því að þegja til þess að niðurlægja sjálfan sig ekki of mikið í þessari umræðu.

Svo þykjast menn vera hissa á því að fylgið hrynji svona hjá þeim. :)