[Notanda eytt] fyrir 23 árum, 4 mánuðum Fjöldi lestra: 257

Tekjutengingar örorkubóta við laun maka

Ókei, mitt álit á tekjutengingum við laun maka séu ekki réttlætanlegar. Mér finnst ekki rétt að gera fólk fjárhagslega háð maka sínum hvort sem makinn er með 70.000 eða milljón á mánuði. En eins og Guðni hinn gáfaði landbúnaðarráðunautur benti á, þá hafa tekjutengingar örorkubóta viðgengist í 60 ár. Allir stjórnmálaflokkar hafa setið í stjórn á þessum tíma og ekkert hefur gerst fyrr en í dag, það er gott og gilt að skipta yfir á betri skoðun en stjórnarandstaðan ætti að hafa í huga að kasta ekki grjóti úr glerhúsi.

L4m3r fyrir 23 árum, 4 mánuðum

60 ár? ertu ekki að fara með fleipur vinur.Annars er öryrkjabandalagið að krefjast greiðslu 6-7 ár aftur í tíman ekki 60 ár og það hefur ekki verið neinn af stjórnar andstöðuflokkunum við völd þann tíma.Kanski er ég að fara með rangt mál en ég er þó nokkuð viss í mína sök.

Fyrra álit

mAlkAv fyrir 23 árum, 4 mánuðum

6 ára lög, ekki 60 ára

<A href="

Fyrra álit

[Notanda eytt] fyrir 23 árum, 4 mánuðum

Í núverandi mynd já, en tengingin í einhverri mynd hefur viðgengist í 60 ár.

Fyrra álit

Aniston fyrir 23 árum, 4 mánuðum

“gera fólk fjárhagslega háð maka sínum hvort sem makinn er með 70.000 eða milljón á mánuði”

Í fyrsta lagi held ég að yfirgnæfandi meirihluti ektapara á Íslandi deili tekjum sínum og njóti samanlagðra tekna sinna jafnt - óháð því hver þéni meira - og án þess að týna fjárhagslegu sjálfstæði sínu. Þegar þú gengur í hjónaband ertu að gefa yfirlýsingu um að þú munir deila þér og þínu með annarri manneskju - sem ein heild. Í þessu felst m.a. sameiginlegur fjárhagur. Eða sérðu mikið af þessu:

“Nei elskan þú færð bara pizzu á meðan ég borða nautapiparsteikina því að þú ert bara með 50.000 kall í örorkubætur en ég er með milljón á mánuði.”

Í annan stað spyr ég hvort þér finnst virkilega sanngjarnt að heimilishald sem er með samanlagðar tekjur uppá milljón á mánuði fái sama aukapening frá ríkinu og heimilishald sem er með samanlagðar tekjur uppá 150.000 á mánuði? Það munar virkilega mikið um þennan pening á sumum bæjum - á öðrum ekki.

Má ekki leyfa þeim að njóta aðstoðar frá ríkinu sem virkilega þurfa þess? Eins og tildæmis þeim sem eru svo ólánsamir að þeir geta lítið annað gert en vonast til að njóta góðs af því að búa í velferðarríki sem lætur sér annt um þegna sína. Eða á bara að leyfa þeim ríku að verða ríkari á kostnað þeirra fátæku - þvílík hugsjón!

Ef landinn væri ekki svona almennt peninga- og neyslugráðugur myndi ég stinga upp á því að fólk fengi að ráða hvort bætur þess væru tekjutengdar og þannig vel efnað fólk fengið að gefa í góðan málsstað og notið þeirrar vitneskju að vera að jafna leikinn milli þeirra ólánsömu og þeirra ríku. En mikill vill meira - það er staðreynd.
Örorkubæturnar myndu sjálfsagt bara fara í innborgun á nýtt spoilersett á Landcruiserinn eða eitthvað álíka uppbyggilegt. Hjá sumum er þetta spurning um að eiga efni á nýjum fötum á krakkana fyrir jólin , hafa nóg fyrir ferð til tannlæknis o.s.frv.

Sú staðreynd að maðurinn sér fyrir þeim sem ekki getað bjargað sér sjálfir er það sem skilur hann frá villidýrunum….

Er einhver með góða uppskrift að því hvernig á að matreiða fátækan öryrkja???

Fyrra álit

skitakall fyrir 23 árum, 4 mánuðum

Aniston;
ég er þér hjartanlega sammála

mér finnst líka skrítið að sjá samfylkinguna, vinstri hreyfingu vera að kalla “mannréttindabrot, Mannréttindabrot” þegar að aðalorð samfylkingunnar er “Jöfnum leikinn”

tekjutenging er ein besta leiðin til að jafna leikinn.

Fyrra álit

Aniston fyrir 23 árum, 4 mánuðum

En mér finnst Sjálfstæðisflokkurinn ekki vera að fara rétt að þessu. Það verður að réttlæta þetta almennilega fyrir almenningi. Það er jú fólkið í landinu sem á Ísland og hefur val um hvernig það vill sínu landi stjórnað. Ef það vill endilega eða endilega ekki tekjutengingu þá verður það bara að fá að vera samkvæmt því. En í guðanna bænum hugsum aðeins um málefnið en ekki bara “hmmm… Dabbi er ýkt ákveðin í þessu og hljómar eins og hann viti hvað hann er að gera - ég ætla bara að styðja hvað sem er sem hann segir!”

Það ætti einhver frá sjónvarpinu að fara með hljóðnema og myndavél niðrí bæ og biðja fólk að útskýra öryrkjadeiluna, stöðu mismunandi stjórnmálaflokka og gera grein fyrir sinni eigin skoðun á málinu. Útkoman yrði án efa athyglisverð.

Fyrra álit

lhg fyrir 23 árum, 4 mánuðum

Það eru náttúrulega einhverjir sem finnst Dabbi alltaf hafa rétt fyrir sér enda er hann kosinn af 40% þjóðarinnar en svo eru líka margir vinstrimenn sem eru bara að segjast vera fylgjandi dómnum af því þeim finnst svo gott á Dabba að hafa tapað málinu. Það að afnema tekjutengingar við laun maka er ekki gert til að hjálpa þeim sem standa verst, það er verið að hjálpa þeim sem hafa jafnvel nóg fyrir sig.

Öryrkjanum finnst að hann eigi að hafa rétt á sínum 50 þús. á mánuði án tillits til þess hvað makinn er með. En hvað þá með námsmenn, heimavinnandi húsmæður og alla aðra sem eru ekki í vinnu, ættu þeir þá ekki líka rétt á þessum peningum?

Mér finnst einhvern veginn að bætur eigi bara að vera fyrir þá sem vantar peninga. Ég er ekki að segja þetta til að vera sammála Dabba. Ég sé bara ekki af hverju ég er að borga skatta til að borga einhverju fólki bætur sem á maka sem eru jafnvel með tvöfalt hærri laun heldur en ég.

Fyrra álit

Jazzhop fyrir 23 árum, 4 mánuðum

Það má ekki gleyma því í umræðunni, að það eru ekki upphæðirnar sem
skipta aðalmáli, heldur sú staðreynd að það er verið að skerða tekjur eins
einstaklings vegna tekna annars einstaklings. Þetta þekkist hvergi annars
staðar í öllu íslensku réttarkerfi nema í lífeyristryggingum almannatrygginga.
Við verðum að líta á bætur öryrkja sem laun, sem öryrkinn hefur fyrir þá ánauð
að vera öryrki.

Setjum þetta aðeins öðruvísi upp. Setjum sem svo að þið væruð í sambúð með
einstaklingi sem hefði hærri tekjur en þið. Einn daginn kæmi atvinnurekandi
ykkar til ykkar og tilkynnti það að laun ykkar yrðu lækkuð um X% af því sem
sem laun maka ykkar hækkuðu, þar til að heildarlaun ykkar færu niður í
18.000 kr. á mánuði. Ég býst ekki við að ykkur myndi líka það. En þetta er
nákvæmlega það sem öryrkjarnir þurfa að lifa við. Ríkið er “atvinnurekandi”
þeirra, og hefur sett með ólöglegum lögum og reglugerðum skerðingar á
laun þeirra.

Það skiptir því ekki máli hvort makinn er með 60.000 kr. eða 1.000.000 kr.,
heldur hvort að öryrkinn fái sínar 50.000 kr. sem hann á skilið fyrir þá “vinnu”
að vera öryrki.

Fyrra álit

lucifer665 fyrir 23 árum, 4 mánuðum

J´ég er sammál þér í þessu. Líka má á benda ef þú missir heilsuna og heimilið hefur X tekjur þá er réttur þinn skertur á bótunum. En ef þú missir vinnuna gilda aðrar reglur.

Dómurin var ekki að dæma eftir einhverjum tilfiningum, Hæstiréttur verður að dæma eftir lagabókstafnum.

Kettir eru fremur viðkvæm dýr sem geta þjáðst af ýmsum kvillum. Ég hef þó aldrei vitað til þess að köttur ætti erfitt með svefn. Joseph Wood Krutch

Fyrra álit

lhg fyrir 23 árum, 4 mánuðum

Ef þú lítur þannig á það að örorkubæturnar séu laun öryrkja fyrir að vera öryrkjar þá er þetta alveg rétt hjá þér. Þá ætti öryrki bara að fá sínar örorkubætur eftir því hvað hann er með mikla örorku án tillits til fjölskylduaðstæðna, eigin tekna eða tekna maka.

Ég lít hins vegar ekki svona á það. Ég lít svo á sem allar bætur eigi að vera fyrir þá sem geta ekki framfært sig sjálfir og þær eigi að fara eftir því hverjar fjölskyldutekjunar eru. Því færri sem fá bætur, því hærri getum við haft þær.

Hæstiréttur er hins vegar ekki sammála mér og það verður fróðlegt að sjá hvar það endar. Gæti heimavinnandi húsmóðir notað þessar sömu forsendur til að fá styrk frá Féló vegna þess að það má ekki skylda eiginmann hennar til að sjá fyrir henni? Gæti hún krafist þess að fá óskertar barnabætur vegna þess að hún sjálf hefur engar tekjur þó maðurinn hennar sé með milljón á mánuði? Ég er viss um að það verða einhver prófmál á næstunni og það verður gaman að sjá hvernig það fer. Þetta gæti algjörlega kollvarpað skattakerfinu okkar þar sem fjölskyldan er grunneiningin. Annað hjóna gæti verið að fá vaxtabætur og barnabætur í tonnatali meðan hitt er kannski að borga massíva skatta og fær ekki neitt.

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Tekjutengingar örorkubóta við laun maka

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi