villinn fyrir 21 árum, 3 mánuðum Fjöldi lestra: 236

Traust stjórnmálamanna

Mig langar að vita hvað ykkur finnst um dómin yfir Árna J.

Persónulega finnst mér hann hafa fengið það sem hann átti skilið, ekki nóg með að hann sé þjófur heldur sveik hann mig í leiðinni. Ég kaus hann og bar traust til hans og með þvi að stela, ljuga og svíkja eins og hann gerði brást hann mér og öllum öðrum sem kusu hann.

Nú er hann að segja að hann hafi gert mistök sem hann hafið leiðrétt en mér finnst það bara bull, geta allir stolið og svo þegar þeir nást bara sagt “úps….ég skal bara skila þessu” ?

Ef eitthvað er finnst mér að það ætti að dæma kosna þingmenn harðar því þeir eru að svikja alla sem hafa stutt þá í gegnum tíðina.

Ég er ekki að segja að ég sé e-r stjórnmála-/laga snillingur en mér finnst að þessi menn sem við erum að kjósa verði að haga sé í samræmi við traustið sem þeim er gefið og þegar þeir bregðast á að dæma þá, ekki bara slá á úlliðin og segja “úps slæmur strákur”

kv
V

thortho fyrir 21 árum, 3 mánuðum

Algjörlega fáránlegur dómur, og í engu samræmi við dóma í þó margfalt alvarlegri málum, þar sem einhver verður raunverulega fyrir skaða sem er ekki hægt að bæta með einföldum sektum og þvíumlíku.

Hvað í ósköpunum ætli græðist svo á því að hann fari í fangelsi? Ætli hann muni þá fyrst fatta “Úbbs, ég gerði eitthvað rangt!”? Það þykir mér afar ólíklegt - menn gera það sjaldnast í öðrum fangelsum.

Hvaða réttlætingar eru annars fyrir því að setja menn í fangelsi? Ég kem aðeins auga á eina sem ég get tekið gilda: Brotamaðurinn er á einhvern hátt hættulegur öðru fólki. Þetta nær yfir morðingja, nauðgara og ofbeldisseggi. Þetta nær ekki yfir Árna, sem ég veit ekki til að hafi nokkru sinni verið dæmdur fyrir líkamsárás. Okkur stafar engin hætta af honum. Hann á sennilegast ekki eftir að komast aftur í þá stöðu að geta “greitt sér það sem vantaði uppá launin”.

Út í hött að setja hann í fangelsi.

All we need is just a little patience.

Fyrra álit

Dixie fyrir 21 árum, 3 mánuðum

Ég segi eins og villinn, ég er ekki sérfræðingur en ég las það útúr þyngingunni að hún væri vegna þess að hann væri opinber starfsmaður n.b. á okkar vegum og við eigum að geta treyst opinberum starfsmönnum betur en öðrum og hann ætti skilið (sem opinber stafrmaður á okkar vegum) að fá þyngri dóm en gengur og gerist.

Kannski rétt en sjá ekki allir að fyrir utan þá refsingu sem að Árni fær með dómum frá réttarkerfinu fær hann einmitt MIKLU meiri refsingu frá okkur (þjóðarsálinni) heldur en honum ber?!!

Það er mikið búið að tala um Árna og verður svo gert áfram í nokkur ár, hann braut af sér rétt er það nóg er nóg. Nýjasti dómurinn er fáránlegur finnst mér.

kær kveðja,

Dixie

Fyrra álit

lhg fyrir 21 árum, 3 mánuðum

Ef það ætti bara að slá á hendina á svona mönnum og segja skamm, hver er þá fælingarmátturinn fyrir aðra sem eru í svipaðri stöðu? Það hefur sýnt sig að fælingarmáttur virkar mjög lítið á “alvöru” glæpamenn sem yfirleitt virðast ekki hugsa mjög mikið um afleiðinga gjörða sinna en hins vegar gæti ég trúað að það virkaði mun betur á embættismenn.

Ef ég væri þingmaður sem hefði verið að draga mér fé, þá væri ég núna með hjartað í buxunum og pottþétt héldi því ekki áfram. Auðvitað ætlar sér enginn að nást en þeir geta séð að Árni náðist og fór í steininn sem gerir það þó nokkuð minna aðlaðandi að kippa til sín nokkrum millum frekar en ef maður gæti bara sagt “úpps, ég náðist, ég borga bara til baka allt sem sannaðist á mig og þá er allt gott”.

Fyrra álit

thortho fyrir 21 árum, 3 mánuðum

Það er aðeins meira á spýtunni en þetta.

Að borga allt til baka, jafnvel með einhverjum sektum er nefnilega ekki allt og sumt. Hver helduru að ráði mann í einhvers konar háa stöðu þegar hann er með eitthvað á borð við þetta á skránni? Hver helduru að hugsi “Já, hann X stal svo og svo miklum pening með svikum, en ég ætla nú samt að treysta honum”? Það er ekki bara verið að slá á hendina og segja “Skamm skamm!”. Fangelsisvist á ekki eftir að breyta neinu, hún er algerlega óþörf til að fæla menn frá svona löguðu. Svona blettur á sakaskrá er, eitt og sér, ansi mikið.

Og í alvöru; allir sem fremja glæpi (vísvitandi) hugsa yfirleitt sem svo “Þetta á aldrei eftir að komast upp!” Að fremja glæp af þessu tagi er e.k. skynsemisbrestur. Ef ég væri þingmaður að draga sér fé (en ef ég væri þingmaður, þá væri ég klepptækur) þá myndi ég líka hætta því. En það væri ekki vegna þess að ég væri eitthvað hræddur við að fara í fangelsi sem myndi sjá til þess, heldur frekar hitt að ég væri alveg fokkd ef þetta kæmist upp. Kósý þingmannadjobb - farið og lítil von til þess að það bjóðist aftur. Von um að verða sendiherra, bankastjóri eða eitthvað álika þegar ég væri kominn með nóg af því að vera á þingi - fokin.

Þessi pæling, að það eigi að refsa mönnum, er algerlega út í hött. Hún gerir aðeins þeim gott sem eiga fátt gott skilið: Þeim sem gleðjast yfir því að öðrum líði aðeins verr, og þeim sem þjást af einhverri undarlegri, jafnvel barnalegri, hefnigirni. Enginn annar græðir neitt á því að einhverjum sé refsað. Einu skiptin sem eitthvað græðist á því að fólk sé sett í fangelsi er þegar það er hættulegt fólk, sem á eftir að geta skaðað fleiri og fleiri.

All we need is just a little patience.

Fyrra álit

lhg fyrir 21 árum, 3 mánuðum

Ef þeir færu ekki í steininn, þá gæti maðurinn hugsað sem svo að ef hann steli bara nógu helvíti miklu, þá hljóti það ekki allt að sannast og eftir að hann er búinn að segja úpps og borga til baka allt sem þeir vissu um, þá stingur hann bara af til útlanda með allar millurnar sem þeir vissu ekki um.

Annars er ég alveg sammála þér í því að Árni er ekki hættulegur þjóðfélaginu þó hann virðist vera siðblindur og líklega mun hann ekki fá tækifæri til að stela neinu í framtíðinni. Ef ég ætti að endurhanna dómskerfið þá yrði það einmitt þannig að þeir sem ekki væru hættulegir og ekki líklegir til að endurtaka glæpina yrðu ekki settir inn og restin fengi endurhæfingu svo þeir kæmu út skárri en þeir fóru inn. Hins vegar virkar dómskerfið okkar bara ekki þannig.

Fyrra álit

thortho fyrir 21 árum, 3 mánuðum

“Ef þeir færu ekki í steininn, þá gæti maðurinn hugsað sem svo að ef hann steli bara nógu helvíti miklu, þá hljóti það ekki allt að sannast og eftir að hann er búinn að segja úpps og borga til baka allt sem þeir vissu um, þá stingur hann bara af til útlanda með allar millurnar sem þeir vissu ekki um.”

En það gæti gerst hvort eð er. 'Hva, tjilla bara í jeilinu [svona brotamenn fara á aðeins huggulegri stað en Litla-Hraun, skilst mér] í tvö-þrjú ár - ef það! - svo fer ég út með það sem þeim tókst ekki að sanna á mig og safnar bara vöxtum á svissneskum bankareikning.“ Nú er ég ekki að halda því fram að það sé einhver lúxus að vera í fangelsi, jafnvel þótt maður sé bara innan um aðra svikara og ”hvítflibbaglæpona“ (eins og vinur minn kallar þá). En ef mönnum tekst að koma nógu miklu undan, þá ætti það alveg að geta verið þess virði.

”Hins vegar virkar dómskerfið okkar bara ekki þannig."

Mikið rétt; alveg hundónýtt dómskerfi og dómarnir eftir því.

All we need is just a little patience.

Fyrra álit

lhg fyrir 21 árum, 3 mánuðum

Það er kannski smá meiri fæling að sitja 2 ár á sveitaheimilinu Kvíabryggju en sitja bara heima hjá sér uppí sófa.

Fyrra álit

thortho fyrir 21 árum, 3 mánuðum

Það er kannske fæling, en ef maður þykist viss um að koma vænni fúlgu undan, þá gæti manni þótt það þess virði?

All we need is just a little patience.

Fyrra álit

lhg fyrir 21 árum, 3 mánuðum

Það þarf þá alla vega meiri fúlgu til að gera það þess virði. Þú gætir verið með líflátsdóm og einhverjum myndi samt þykja áhættan þess virði ef hann gæti passað að vera kominn úr landi áður en hann næðist.

Fyrra álit

thortho fyrir 21 árum, 2 mánuðum

“Það þarf þá alla vega meiri fúlgu til að gera það þess virði.”

Semsagt; fangelsisdómar ýta undir að menn steli meiru?

Þú lætur annars bara vita ef þú nennir þessu ekki.

All we need is just a little patience.

Fyrra álit

lhg fyrir 21 árum, 2 mánuðum

Fangelsisdómar koma í veg fyrir að sumir stela en ýta undir að þeir sem stela á annað borð steli meiru til að gera það þess virði :)

Fyrra álit

Pipppi fyrir 21 árum, 2 mánuðum

Hvað finnst þér að eigi að gera í málinu þegar upp kemst um þjófnað?

Fyrra álit

thortho fyrir 21 árum, 2 mánuðum

Maður skilar því sem maður stal, auðvitað, og borgar síðan viðeigandi skaðabætur. Ef maður getur ekki skilað því sem stolið var, þá greiðir maður andvirði þess sem stolið var. Auðvitað gæti vel verið að til að geta borgað sektina þurfi maður vinnu - ekki gengur að menn brjótist inn á einum stað til að borga sekt fyrir innbrot! - og hugsanlega þyrfti einhvern lokaðan vinnustað til þess (n.k. fangelsi). Ef innbrot var framið til að fjármagna dópneyslu, þá væri líka sjálfsagt að skella mönnum í meðferð, svona í leiðinni.

En þetta eru auðvitað fyrst og fremst útópískar pælingar. Ef menn eru stöðugt að brjótast inn, hins vegar, þá er eðlilegt að taka þá úr umferð. Ég er bara algerlega á móti þeirri hugmynd að fangelsi séu hugsuð sem refsing, þar sem refsingar gera mönnum einfaldlega ekkert gott.

All we need is just a little patience.

Fyrra álit

Pipppi fyrir 21 árum, 2 mánuðum

Hvers vegna ætti maður þá ekki að stela, ef það versta sem gerist er að maður neyðist til að skila þýfinu?

Fyrra álit

thortho fyrir 21 árum, 2 mánuðum

Því það er rangt að stela. Hvers lags spurning er þetta eiginlega? :)

Nei, í alvöru talað. Ef einhver stelur þá er hann að skemma fyrir sér. Þegar það kemst upp, þá subbast sakaskráin út, og það verður erfiðara að ná sér í heiðarlegt djobb.

Nú má kannske benda á það, að þeir sem stunda innbrot sé alveg sama um það hvort þeir fari á sakaskrá eða ekki. Þá má spyrja á móti “Er þeim ekki alveg sama hvort þeir fari í fangelsi eða ekki?” Ég á a.m.k. afar erfitt með að ímynda mér að fólk stilli sig um að brjótast inn eða fremja einhvern annan (ofbeldislausan) glæp vegna þess eins að það langi ekki að fara í fangelsi.

Svo er annað mál, ef maður er nappaður fyrir innbrot í fimmtánda skipti (eða eitthvað), þá er kannske komin ástæða til að taka menn úr umferð, þar sem þeir eru, á sinn hátt, hættulegir og eru að valda óþarfa eignarspjöllum (oftast) og sóa tíma lögreglunnar.

All we need is just a little patience.

Fyrra álit

Pipppi fyrir 21 árum, 2 mánuðum

Jæja, ég skal nú halda áfram með þetta á alvarlegum nótum þótt ég eigi bágt með mig.

Segjum að þú sæir seðlabúnt á glámbekk í banka, 10 milljónir. Myndirðu stinga því í vasann ef þú ættir ekki neitt á hættu annað en að þurfa kannski að skila því?

Fyrra álit

thortho fyrir 21 árum, 2 mánuðum

Pipppi:

Nei, ég myndi ekki taka það, þar sem slíkt væri rangt. Eða, öllu heldur: Ég VONA að ég gæti staðist að taka það. Jafnvel þótt það myndi ekki komast upp, þá yrði maður sennilegast plagaður af samviskubiti það sem eftir væri, sem er ekkert gott.

En það er meira í hættu en það eitt að þurfa að skila því. Ef maður stelur, þá er maður þjófur. Og þjófar (a.m.k. þeir sem hafa náðst) eiga gjarnan erfiðara með að fá vinnu. Þannig að það sem maður á á hættu er að fokka restinni af lífinu upp fyrir sér. Ég held að það sé engin ástæða til að bæta við það svo litlu sem einum degi í fangelsi, hvað þá meira.

All we need is just a little patience.

Fyrra álit

Pipppi fyrir 21 árum, 2 mánuðum

Andskotans bull er þetta að verða hjá þér. Það er nánast aldrei beðið um sakavottorð þegar maður sækir um vinnu, og ég get bent þér á að 10 milljónir eru margra ára laun fyrir flesta. Þú gætir fjárfest upphæðina og lifað á vöxtunum, ca milljón á ári eftir skatta, þá þarftu ekki á góðri vinnu að halda! Það er auðvitað gott að þú ert svo vel upp alinn að samviskan banni þér þetta, en það eru ekki margir sem hugsa þannig. Svo ertu kannski svo ungur að þú ert ekki byrjaður á brauðstritinu ennþá. Þá skilurðu ekki alveg hvað er freistandi að taka peninginn bara frekar en að vinna fyrir honum baki brotnu í mörg ár.

Fyrra álit

thortho fyrir 21 árum, 2 mánuðum

Á flestum þeim atvinnumiðlunum sem ég hef gáð á, þá er spurt hvort maður sé með hreina sakaskrá. Það spillir heldur ekki fyrir að geta sagt það á umsókninni sinni, að maður sé með hreina sakaskrá.

Það á einfaldlega ekki að refsa fólki, þar sem það græðir enginn á því. Fælingarmátturinn er lítill og fólk lærir yfirleitt ekkert á því að dúsa í fangelsi. Venjulegt fólk hugsar einfaldlega ekki “O, mig langar að taka þennan pening, en ég ætla ekki að gera það því ég gæti farið í fangelsi” og aðrir myndu taka hann ef þeir héldu að þeir kæmust upp með það, hvort sem þeir ættu að vera í fangelsi í mánuð, ár eða tíu ár.

Lítum líka á þetta svona: Ef einhver tæki nú þessar tíu milljónir og næst ekki, þá skiptir ekki nokkru máli hvort það sé fangelsisvist fyrir það eða ekki. Ef hann næst, þá skiptir það heldur engu máli fyrir nokkurn mann hve lengi hann á að dúsa, nema hann sjálfan. Bankinn græðir ekkert á því, ég græði ekkert á því, þú græðir ekkert á því - það græðir enginn á því að hann fari inn.

Helduru svo virkilega að allir væri stelandi og hnuplandi hægri-vinstri ef menn færu ekki fangelsi fyrir það?

All we need is just a little patience.

Fyrra álit

Tahara fyrir 21 árum, 2 mánuðum

Ert thu ad grinast.
A sem sagt ekki ad setja neinn i fangelsi sem hefur adeins stolid um 8 milljonum fra rikinu.

Mal Arna er fordæmi fyrir adra stjornendur og kosna embættismenn um ad their eru abyrgdir gjørda sinna.

Mer finst fint ad senda hann eins lengi og møgulegt er i fangelsi. Sa hann i Kastljosi fyrir ari thar sem hann idradist greinilega einskis. Var bara med hroka gagnvart fjølmidlafolkinu og var ad gagnryna frettaflutning af glæpum hans.

Helstu røk hans fyrir stuldrinum var ad hann hafdi unnid svo mikil verk fyrir svo litid kaup. Og ad hann ætti bara inni thennan pening fyrir alla vinnuna sina.
Samt sem adur fekk hann sømu fastalaun a Althingi og adrir thingmenn, tho ad hann var sidustu ar med langstysta rædutimann a Althingi. Sem bendir til thess ad hann hafi ekki verid ad vinna jafnmikid a Althingi og adrir. Ætti hann tha ekki ad fa lægri laun en hinir?

Fyrra álit

thortho fyrir 21 árum, 2 mánuðum

Nei, ég er ekki að grínast (þú varst að spyrja, er það ekki?). Eins og ég hef margoft sagt, þá efa ég stórlega að eitthvað græðist á því að menn eins og ÁJ fari í fangelsi. Hvers vegna er ekki nóg að skila því sem var stolið og borga skaðabætur?

Hvers vegna finnst þér fínt að senda hann eins lengi og mögulegt er í fangelsi? Hvað græðir þú á því að einhver annar, sem hefur aldrei skaðað þig (eftir því sem ég best veit), fari í fangelsi?

Eina hlutverk fangelsis (a.m.k. í mínum augum) er að vernda borgarana. Enginn er eitthvað óhultari þótt Árni sé í fangelsi, eða nokkur annar sem svíkur og svindlar til sín einhverjum örfáum milljónum.

Annars gaman hvernig talan er alltaf að hækka. Fyrsti sem ég talaði við um þetta sagði mér að ÁJ hefði stolið 3-4 milljónum, síðan var það orðið að 6 milljónum, og núna eru það um 8 milljónir. Ætli hann hafi ekki stolið hátt í milljarði eftir tvö ár?

All we need is just a little patience.

Fyrra álit

Aalice fyrir 21 árum, 2 mánuðum

af því að hann er þjófur….ekkert meira og ekkert minna…þjófar eiga að vera í fangelsi…amk e-n tíma…..

Fyrra álit

[Notanda eytt] fyrir 21 árum, 2 mánuðum

Mér finnst að það eigi að vera hægt að hafa anarkistasamfélag allstaðar.

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Traust stjórnmálamanna

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi