Ég er að hluta til sammála Johsa - þó þú hafir meiri reynslu (sem segir svo sem ekki mikið þar sem sú sem byrjaði þennan kork er newbie) þýðir það ekki að þú hafir rétt fyrir þér.

Ég ætla þó ekki að halda því fram að þú sért dómharður, hef ekkert sérstaklega tekið eftir því, en mér finnst þú full mikið fullyrðingaglaður - sérstaklega m.v. það að þú virðist ekki vera með mikla yfirsýn yfir D&D og d20 f.utan Core reglurnar. Vísa þar með í svar þitt við mínum pósti á þessum korki varðandi sourca fyrir þá sem vilja spila dreka. Þó svo eitthvað sé ekki hægt í _þínum_ þrönga D&D heimi þýðir ekki að það sé ekki hægt yfir höfuð.

Það er nógu andskoti lítil nýliðun í hlutverkaspilun á Íslandi þessa dagana og mér finnst frekar sárt að sjá mann sem virðist nú hafa eitthvað á milli eyrnanna koma fram við mögulegan nýliða með svolitlum hroka - það er bara til þess fallið að fæla hana frá áhugamálinu. Það er t.d. alls ekki satt að ekki sé hægt að spila dreka, það er bara ekki gert ráð fyrir því í Core reglunum.

Það er miklu betra að leiðrétta misskilning á rólegan hátt heldur en að stökkva á fólk með fullyrðingar sem standast ekki nema í þröngasta samhengi.

Ég vill alls ekki standa í neinum illindum við þig. Ég held bara að þú mættir vera örlítið rólegri og spara “ég hef sko meiri reynslu og veit því meira en þú og hafðu það” stílinn í skrifum þínum.

Persónulega hef ég t.d. lengri reynslu af RPG-um en margir sem stunda þennan vef hafa verið á lífi - það þýðir ekki að mér finnist ég geta vaðið yfir nýliða (eða aðra) á þennan hátt.

En þegar allt kemur til alls þá er þetta bara mín persónulega skoðun - mig langar bara að sjá meira af uppbyggilegri umræðu um áhugamálið mitt heldur en rifrildi sem þjónar engum tilgangi.

Rúnar M.